KRISTU MORIS HIAS ONA

 

                        

                   DOMINGO DE PÁSCOA DA RESSUREIÇÃO DE JESUS

Primeira Leitura: Apos, 10:34a,37-43

Segunda Leitura: Kol. 3:1-4 

Evanjelho:Jo. 20:1-9   

                                           

    Moris Hias husi Mate mak dalan salvasaun nian ne’ebe Maromak plano ona ba nia oan mane Jesus Kristu, tan humanidade nia sala. Kristu nia Mate la’os tamba Nia halo Krime bo’ot maibe  tamba Nia “Hadomi” no iha obidencia, fidelidade ba Nia Aman Maromak Nia projeito ka plano ba mundo nia sala sira ne’ebe nakonu ho Egoismo, arogante, no sala sira seluk nebe ita nudar ema halo. Sim klaramente katak ita labele julga ema ida ba ema ida nia sala maibe nudar ema presiza mos uja ita nia konsensia humana nian hodi labele monu tan ba sala.

     Maromak  iha nia plano nebe bo’ot tebes ba ita ema tamba Maromak Hadomi ita nia lakoi hare mundo terus ho hahalok a’at sira tan ne’e nia haruka nia oan mane mai hodi salva ita.  Kristu nia mate halo ita ida-idak atu husu ba ita nian’an rasik katak Hau ne’e se los mak Kristu mate tamba hau? Hau pronto atu muda hau nia’an iha Kristu nia moris hias?koko ba no reflete ba pregunta hirak ne’e, maske simples maibe fo valor ba ita nia a’an.  Moris hias ida ne’e  signifika katak atu trasforma ita nia  atitude sira ne’ebe falta no dala ruma lafo valor bai ta nia moris tamba ne’e koko neneik maibe bebeik hodi halo diak iha Ressureisaun tempo paskoa ida ne’e.

    Ressureisaun oferece mai ita ida-idak naroman moris foun ida ba ita atu bele komprende didiak oinsa Cristu nia Mate. Tempo ne’ebe hanesan, atu halo ka lori komunidade sira bele transforma a’an ba atitude ida ne’ebe diak no fo esperansa ba malu katak buat diak sei mai se bainhira ita iha unidade ho fuan no hanoin tomak. Tan ne’e paskoa hamoris no fo moris foun ba ita hotu tuir dalan los no moris tuir Maromak nia hakarak.

   Iha primeira leitura husi apostulo sira nia hahalok 10:34-43 fo hanoin mai ita idak-idak  oinsa atu “ Pedro hamri’ik hodi koalia nune’e: liu tia João Baptista nia Baptismo imi hatene ona sá lós mak mosu iha rai Judeia tomak, hahu husi Galiliea”. Ida ne’e sinal nebe forte tebes ba humanidade atu hatene defende lia los tuir Kristu nia hanorin. Maromak haraik kbi’it ba Jesus hodi lao lemo rai no hodi halo diak no fo matenek bam undo tomak, fog rasa isin diak ba ema tomak. Tamba ne’e nafatin fiel iha Jesus ne’ebe foin moris hias hodi salva ita.

   Iha segunda leitura husi saun Paulo nia surat ba sarani sira iha Colose 3:1-4 mos nafatin fo hanoin mai ita katak; ita moris hias ona ho Cristo, tan ne’e ita sei tau matan ba sasan Lalehan nian, tamba Jesus Kristu moris hias ona tur iha Aman Maromak nia sorin kuana. Nafatin kristu konvida ita idak-idak atu laran monu (fall in love) deit ba buat nebe diak hodi valoriza  sasan lalehan nian, maibe keta fo valor liu ba sasan mundo rai klaran nian.

  Evangelho husi evangelista saun João 20:1-9 koalia mai ita kona ba  dadersan deit rai sei nakukun hela feto ida nebe aten brani ho naran Maria Madadlena ba to’o Nai nia rate no nia hare fatuk bot iha rate nia oin duir hela. Ida ne’e hatudu katak, nudar ema fiar nain ida la’os atu fiar le’et deit maibe mos fiar ho Espiritu hodi aten brani bele defende ba ita nia fiar nudar ema Kristaun lolos.

 

                              FELIZ  PÁSCOA DA RESSUREIÇÃO DE JESUS BA HOT-HOTU!

   

Reflesaun Husi: Irmã Saturnina Goveia, OP