EMA IDA-IDAK SIMU ESPIRITU NIA KMANEK ATU HALO DIAK RUMA

 

SOLENIDADE DE PENTECOSTES

 

1a. Leitura: Apos. 2:1-11

2a. Leitura: 1Cor. 12:3b-7

Evanjelho: Jo. 20:19-23

 

     Iha loron Pentecostes   moris foun ida mosu na  povu Maromak nian tan Espiritu Santo  hi’it an mai, tama  ita ema nia laran, hanesan buat kmanek ida be nakfilak ema sira nebe simu ona baptismo no  nakonu ho Espiritu Santo  sai we matan moris no Maksoin nian.

    Ita nebe hola parte iha Nia meja Santo,  ita atu bele to’o iha Aman Maromak liu husi Cristo, Espiritu Ida Mesak, Nia Mak Espiritu Moris nian, eh we matan nebe Suli ba Moris Rohan laek; husi Ida nebe Aman Maromak halo Moris Ema hotu be mate tan sala, to’o  moris hias iha Cristo.

    Espiritu Santo  mosu hanesan " Ahi lakan " nebe hamanas sira nia fuan hodi haklaken Liafuan diak.  Lia fuan diak ida ne’e n sei muda ema nia moris no hamosu fraternidade iha fatin tomak, ema husi nasaun hot- hotu. Katak liu husi Espiritu Santo bele lori ita moris iha unidade hanesan maun/bin alin no  ema ida-idak simu Espiritu nia kmanek atu bela halo diak ruma.

   Jesus fo Espiritu Santo ba nia apostolu  sira atu ba  haklaken Maromak Nia Lia fuan diak ida ne’e.

   Ita hotu hanesan sarani iha mos missaun ida atu hala’o. Continua haklaken Liafuan diak Maromak nian ho Espiritu santo nia Kbiit nune’e Liafuan diak nebe ita haklaken  bele lori domin, dame, justisa, liberdade no fo koslok ba ema hotu.

 

Hakerek Husi: Irmã Maria Soares Babo, OP