JESUS SOI ITA LIU HUSI FIAR NO KONFIANSA NEBE ITA TAU IHA NIA

 

DOMINGO BA XIII TEMPU BAIBAIN NIAN

 

Primeira Leitura: Sabedoria: 1:13-15, 2:23-24

Segunda Leitura: 2 Cor. 8:7,9, 13-15

Evanjelho: Mc. 5:21-43

 

            Evangelho ohin, iha istoria rua nebe haktuir mai ita kona ba fiar no konfiansa nebe, Jairo   ho feto ida nebe moras ran fakar durante tinan sanulu resin rua nia laran.  Iha istoria rua nee fo koragen mai hau no ita hotu- hotu atu hametin ita nia fiar ba ita nia Nai Jesus Cristu.  Iha istoria rua nee Jairo ho feto moras fakar ran nee, iha pontu hitu nebe loke hau nia hanoin no fuan kona ba ita nia dificuldade nebe hau hasoru no ema barak hasoru iha sira nia moris.

·         Ran fakar laiha ai moruk, Nia hela nafatin hodi hein nia mate, Fiar ikus nebe utiliza nia, Liu husi nia fiar deit, Tauk, Brani no Resposta ba Jesus, Ikus mai Jesus haruka la’o ho Paz.

    Sira nain rua ne’e honorin no fo example ida nebe diak tebe-tebes mai ita ida idak katak, wainhira ita hasoru problema ou dejafiu oi oin iha ita nia moris lalikan atu lakon esperansa no fiar ba Nia ida nebe, Hun no Rohan ba ita nia moris, maibe fiar no hamrik metin atu husu no koalia ba Nia, hanesan Jairo nia oan feto ho Feto moras fakar ran nee.

 

Hakerek Husi: Irmã Cacilda de Fatima

 

Kontinua Le'e

MORIS NE'E HANESAN VIAGEM IDA

 

DOMINGO BA XII TEMPO BAI-BAIN NIAN

           

 

Primeira Leitura:  Job 38, 1. 8-11

Segunda Leitura: 2 Corinto  5, 14-17

Evangelho: Marcos 4, 35-40 (35-41)

 

     Loro kraik tiha ona, Jesus liatun ba nia escolante sira dehan: “Ita hakur liu tiha ba tasi sorin.” Sira husik ema lubun boot, lori deit mak Jesus nebe iha ró laran. Anin boot, laloran baku maka’as ró, halo wé tama nakonu dadaun ró laran. Sira fanu nia hodi dehan: “Mestre la hare katak ita atu mate dadaunona?” Nia Liatun ba sira “Tansa imi hakfodak hanesan ne’e? Nusa imi la fiar hanesan ne,e?”

            Moris hanesan viagem ida mai ita ida-idak, dala barak ita hasoru buat nebe diak no furak iha ita nia viagem, halo ita la sente tauk, la sente kolen atu halao viagem ne ba bei-beik, tamba ita tau konfiansa boot ba buat diak nebe mak ita hasoru iha ita nia moris. Dala barak ho buat diak sira nebe ita hetan bebeik iha ita nia viagem moris nian, halo ita haluhan tiha ida nebe mak halo ita moris no halo buat diak  iha mundu. Dala barak mos ita haluhan tiha ita nia identidade nebe hanesan ema Cristaun, hodi simu deit buat nebe diak iha ita nia moris.

    Tamba ne’e Evangelho ohin nian fo hanoin fila fali mai ita kona ba ita ida-idak nia fiar, liu husi provas oi-oin hanesan, anin boot, laloran baku maka’as ró, halo wé tama dadaun ró laran. Dala ruma  esperencia  sira ne'e acontese mai ita, atu ita bele loke ita nia matan, loke ita nia laran no loke ita nia hanoin hodi tau fiar metin iha Nia, katak Nia mak mata dalan, Nia mak buat hotu nia hun.

            Refleta fila fali ba ita ida-idak nia moris ohin loron, ita hotu hakfodak ho situasaun pandemia iha mundu, ita tauk ho duvidas oi-oin iha ita nia moris, balun lakon sira nia vida, balun lakon sira nia familia e balun mos haketak a’an husi sira nia familia.

    Joventude barak mak lakon fiar, lakon esperanҫa no mos lakon sira nia estudu iha sira nia moris. Mosu pergunta boot mai ita ida-idak kona ba situasaun sira nebe ita hasoru. Maibe Jesus rasik dehan: “Tansa imi hakfodak hanesan ne’e?” “Nusa imi la fiar hanesan ne’e”? Ho ida ne’e, mai ita ida-idak tau fiar iha Jesus labele lakon fiar no labele lakon esperanҫa iha ita nia viagem moris. Viagem ba hasoru Jesus liu husi ita nia maluk sira nebe presiza tebes ita nia tulun, viagem lori Jesus nia domin no liafuan midar ba fahe ba ita nia maluk sira nebe presiza Jesus nia domin no tulun iha sira nia moris.

 

 

Reflesaun Husi: Irmã Isabel dos Santos Gomes, OP

 

 

Kontinua Le'e

MUSAN NEBE KIK ATU SAI BOT NO BURAS PRESIJA HALO SAKRIFISIO ,TAU MATAN ,REGA NO KOIDADU.

 DOMINGO BA XI TEMPU BAINBAIN NIAN

Primeira Leitura: Ez. 17:22-24

Segunda Leitura: 2Cor. 5:6-10

Evangelho MC. 4, 26-43

   Iha evangelho loron ohin nian São Marcos  haktuir mai ita kona ba kari fini iha rai. Hanesan  Ai-knanoik ne’ebe dehan: Hanesan mostarda musan nee’ebe kuda iha rai. Husi Ai-knanoik ida ne’e fo inspirasaun importante tebes mai ita oinsa tau matan no koidadu fini ida ne’e.

   Evangelho  konvida ita atu hateke ba moris no realidade oi-oin mundo nian ho esperansa no tau lara metin iha Maromak nebe sempre fiel iha Nia planu nebe hahu kontinua ba nafatin lori ema ba dalan los. Ai-knanoik ida ne’e lalaok ema moris nian no ita nian rasik. Dala barak ita la fo importante. Matan taka, tilun la rona, hodi hare buat sira ne’ebe Maroamk tau iha mundo ho kor ne’ebe oi-oin. Sim klaru katak ita nia moris hanesan mostarda musan kiik  ema labele hare maibe, ema hare bainhira nia moris no buras atrai ema wain nia matan nebe buka sabor no lahare ba nia musan. Saida mak ita bele halo ba ida ne’e? se ita hanoin katak ita mak mostarda ne’ebe musan kik. Maromak tau Ai-knanoin liu husi Jesus ba Nia apostolu atu ita presija hare buat ruma husi ita nia fuan rasik. Sto. Paulo dehan “ loke imi nia fuan atu imi bele hatene lolos buat ne’ebe Maromak hakarak, buat ne’ebe diak, nebe soi ba Maroamk.

            Jesus haklaken Maromak nia futar liafuan ho Ai-knanoik barak hanesan ne’e, tuir sira nia hatene, basa Maroamk deit mak bele ba buat hotu.  Ho ida ne’e ita rekoinese kbit ne’ebe Maromak fo mai ita, ita utiliza hanesan graca Dom Maromak nian koidadu no tau matan. Esperencia konkreto humanidade ema ohin loron nian lasente, latarido, labuka hanesan ema deit, la fasil atu hatene buat nebe mak Maroam hakarak. Ohin loron hasoru malu ho realidade ne’ebe hanesan ema matan a'at. Ita nia fuan deskobre buat barak no hakarak e tendensia ne’ebe dala rua ema la sente, maibe bele fo influencia. Iha situasaun bai-bain ita susar atu kunhese Maromak nia hakarak nebe los. 

    Ho evangelho loron ohin nian hafanun ita atu hader no bok an husi ita nia fatin ne’ebe malirin no hamanas fuan ispiritu clamar nian. Ita presija graca ne’ebe bele doko ita nia fuan, iha hanoin  nakukun sira, nebe taka ita nia hanoin no halo ita lao dalan sala no moris tuir buat ne’ebe lavale, la merese atu halo. Realidade nebe Jesus haraik mai ita ida-idak hanesan planu Maromak nian nebe dala ruma  susar ba ita atu komprende. 

  Tamba Jesus halo komparasaun reino lalehan hanesan fini nebe monu ba rai e hanesan mos mostarda musan nebe kuda ba rai. Buat rua ne’e monu ba rai iha esperansa atu moris. Ida ne’e dinamismo natural nebe ladepende ema ema nebe kari nia kbit maibe, depende ba rai nia diak.

            Fini ne’ebe diak, fini nebe husi ita nia fuan rasik katak hahalok ita ema nian ne’ebe lori ita ba moris ida ne. Ne duni Maromak hakarak ita sai naroman ba ema seluk, kuda buat diak iha ema seluk nia let liu husi ita nia hahalok lor-loron katak hatudu iha ema.  Jesus husu ita Ita kompara Fini Nai Maroamk nian hanesan Maromak nia liafuan atu moris hodi“ musan nebe kik  atu sai bot no buras presija halo sakrifisio ,tau matan ,rega  no koidadu .”  Tamba Maromak hatudu nia hakarak mai ita ne’e klaru. Ita mak halo moris ida ne’e sai konfujaun ho maneira oi-oin nebe forti hodi manan ema nebe kbit laek.

    Iha primeira leitura Profeta Ezekiel nian, hametin povo Israel ne’ebe terus iha Babilonia  Katak Nai Maromak nunka haluha nia aliansa nebe nia halo ona ho patriarka ou ita bele dehan mos ba povo Israel nia beiala sira nia liu husi Abraun. Maromak enkoraja no haforsa ita, buat nebe ita halo diak ita sei hetan liu ida ne’e. Ita fo ita sei simu. Maromak dehan nune: hau rasik sei ba ku’u sanak nurak ida, hodi lori ba kuda iha foho as tebes ida.

   Segunda Leitura  São Paulo nia surat,  buka atu fo ksolok nafatin ba Maromak. Maromak nebe foti inisiativa hodi hases tiha impedimentu sira iha ita. Ita mos presija halo buat ruma, maske ita nia aksaun rasik la fo buat ida hodi hasoru Maromak nia Obra.

   Ho reflesaun ida ne’e ita tau hamutuk ita nia preokupasaun dezafiu, desanima iha Maromak nia futar oin katak ita la lao mesak maski ho situasaun real mundo ohin loron atravez sai impakto bot ida mai ita hotu. Ema barak lakon esperansa, lakon vida. Los duni ita hotu hare ho matan nakukun ne’ebe haleu ita; moras ne’ebe daet ba bebeik, ema barak husik sira nia familia. Iha Timor número aumenta tuir saude sira dehan. Moras ida ne’e halo ema barak lakon fiar atu hakbesik ba saude diak liu mate iha uma duke ba hospital. Hau fiar katak ho esperensia hirak ne’e halo ita forsa fiar metin liu tan iha Maromak Nia domin no keta lakon esperansa.

 

Hakerek Husi: Irmã Alzira de Fatima dos Reis, OP

 

 

Kontinua Le'e

JESUS NIA FAMILIA: RONA NO HALO TUIR MAROMAK NIA LIAFUAN.

 

DOMINGO BA DALA SANULU TEMPU BAIBAIN NIAN

Primeira Leitura: 3:9-11

Segunda Leitura: 2Cor 4: 13- 5:1

Evanjelho. Mk. 3:20-35

 

   Maun alin bin feton no sarani doben sira, iha passage evangélico ida nee hau fahe ba parte tolu: Primeira parte, oinsa mak ita hare Jesus nia Família sira preocupa ho Jesus eh buka Jesus. Segunda parte oinsa Jesus ho kbiit lalehan nian halakon kbiit mundo nian no terceiro parte: see mak bele sai Jesus nia Maun alin no Feton sira? Ka Família?

Uluk knanain ita sei hare hamutuk oinsa ita hare Jesus Nia maun alin sira preocupa ho Nia. Iha pontu ida hau hakarak dehan Jesus ho ninia misecordia rohan laek sempre acolha ema hotu nebe la kolen atu buka Nia, no, Nia sempre iha ba ema nebe hakarak atu hakbesik ba Nia. Maibe, tamba sei iha ema balu nebe la fiar, tamba Jesus nee husi geração Judaica, ikus mai barak mos hakarak atu lao dok husi Jesus. Maibe Jesus nafatin ho ninia misericordia hodi acolha nafatin ema hotu hodi fo nia ann completo iha Crus tutun. (Cfr. 1 Jo. 1:7) Ho Jesus nia ran hanesan Maromak oan mane, nia hamos ema hotu nia sala. No simu nafatin ema hotu nebe fila ba uma hodi han hamutuk iha Nai nia mesa.

Tuir mai, Jesus ho kbiit lalehan nian halakon kbi’it mundo nian. Jesus hanesan Salvador nebe Aman Maromak rasik mak haruka mai mundo hodi salva ema hotu husi sala, salva ema hotu husi mate sira leet.  Ho kbiit lalehan nian Jesus kura ema moras: matan a’at bele hare fali, tilun diuk bele rona fali, ain kudeik bele lao fali, isin maten bele bok ann fali, ema mate bele moris fali. No ho kbiit lalehan nian Nia halakon kbiit mundo nian, katak nia duni sai Espirito att husi fatin nebe deit. Iha tempo nebe Jesus duni sai Espirito a’at ka demonio, ema lubun boot hakilar dehan “kbiit Belzebu nian iha nia” no seluk tan hakilar dehan “husi ulun boot demonio sira nian nia duni sai demonio sira”.

  Ita hatene see mak Belzebu? Belzebu nee famous iha Antigo Testamento, ema sira husi Cananeu no Filiteus sira considera hanesan Maromak ida ba gentiu sira. Naran Belzebu nee sira forma husi liafuan rua Ball katak Senhor ou Nai no Zebul katak As ba ou fatin nebe a’as ba, maibe sira hanaran uma nebe a’as liu. Nune’e Belzebu nee katak “Nai husi fatin a’as sira”. Tanba Nia mos bele buat hotu nebe mundo halo nee maibe nia haluha tiha katak poder lalehan nian makas liu ninian. Maibe depois iha Fali Novo Testamento ema matenek nain sira, hahu descobre katak Belzebu nee derivada husi lingua grega katak Beelzboul. Katak ne’e servisu Satanas nian significa Demonio hahu husi nia (cfr. Mat. 12:24, 10:25, 9:34) principio dos demonios.

Então tanba nee mak wainhira Jesus duni sai Espirito a’at husi fatin ida mak ema dehan nia ho kbiit belzebu nian. maibe Jesus hahu dehan ho aiknanoik “oinsa satanas duni sai satanas” significa Jesus hakarak dehan so ema seluk deit mak bele funu hasoru nia inimigo sira. Tanba nee Jesus la’os husi Belzebu nian maibe nia contra belzebu hodi poder lalehan nian. Nune’e Jesus dehan liu tan ema se mak halo sala ba nia a’an husi liafuan a’at sira nia sei hetan perdão maibe ema nebe halo sala contra Espirito nia sei lahetan perdão.

Ikus mai,  Jesus dehan See mak hau nia Inan, see mak hau nia maun alin no feton sira? Maibe depois Jesus dehan ema rona Maromak no halo tuir NIA liafuan nee hau nia maluk no hau nia maun Alin sira. Ita hare husi questão nebe Jesus coloca nune’e ita hare liu kona ba Maria, Maria mak Feto ida nebe kmook rona maromak nia liafuan hodi entrega ann total ba Maromak hodi realiza plano salvação mai iha mundo. Nia maun alin sira mak ema nebe hatene haksolok no terus hamutuk ho Nia hanesan João nebe hamtuk ho Maria iha Calvario. Tanba nee ema nebe pertençe ba Jesus nia familia make ma hirak nebe Pronto atu terus, no ema nebe brani haklaken lia los no ema ne’ebe laran luak no domin Nain, basá Jesus mate iha Cruz tamba hadomi mundo.

RAI SEI TANE, LALEHAN SADIA. AMEN

Reflesaun Husi: Irmã Rosentina Ana de Deus, OP

 

 

Kontinua Le'e