ESPIRITO SANTO LORI JESUS BA TO’O RAI FUIK; NIA HELA IHA NEBÁ LORON HA’AT NULU

 

PRIMEIRA SEMANA DA QUARESMA (Ano C)

1ª leitura: Deut.26:4-10

2ª leitura: Roma 10:8-13

Evangelho : Lucas 4: 1-13

Maun, bin alin sira hotu, ksolok loron quaresma mai ita hotu !!!

     Ita nía peregrinasaun iha rai ida ne’e sempre la’o ho tentasaun  oi-oin, buat hotu nebe sai causa ba ita nia pecado, Nia sempre presente iha ita moris lor-loron. Tentasaun la’os pecado maibe nia bele halo ita comité pecado. Tentasaun ne’e hola parte iha ita nia crecimento spiritual nian, quando ita bele ultrapasa  tentasaun hirak ne’e ita foin bele dehan ba ita nia-an katak ita nia spiritualidade forte.                       

    Meios hotu hosi tentasaun nian balun haleu hela ita, hela ho ita no dala barak domina ona ita (falta de: responsibilidade, caridade, honestidade,sacrificio, nst.)no mos  tentasaun ne’ebé oferese hosi liur(media social : whatsapp,messenger,FB,nst)nebe halo ita sai atan(falta descansa,lakon tempo, dala ruma lori mos ita ba pecado).  Meios sira ne'e lori ita ba pecado sei ita uza la ho responsabilidade no ita uza atu estraga ema seluk nia moris.                                                                                                                                                                      

    Iha tempo Quaresma Kreda oferese mai ita Sarani loron 40 iha tinan ida nial aran, privelegio boot ida atu ita hafoun-an, husu Espirito Santo loke ita laran hodi  rekonhese  ita nian frakesa hotu.

   Iha Evangelho São Lucas nian ohin relata mai ita oinsa Jesús vence diabo nia oferese.                                  Diabo koko Jesus ba buat oin tolu;Identidade,Autoridade,Provição.                                                           

     Identidade: “O Maromak oan karik ,O soe-An housi ne’e ba kraik!” . Jesús hatene Nia- An nudar Maromak oan .                                                                                                                                               Autoridade: “ Hau bele fo ba O reino ne’e tomak hamutuk ho nia riku-soi, husu katak O tuku tur ba rai hodi hanai hau”.                                                                                                                                            Provição;  “ O maromak oan karik,dehan ba fatuk sira atu nakfilak ba ai han”.                                         

    Jesús hatene Nia-an,nia Autoridade abut metin iha Aman Maromak nian Vontade , Jesus hatudu ba diabo Se mak Nia-An e hosi ne’ebé  Nia hetan Autoridade e provição.

   Jesus hetan tentasaun tolu hosi diabo, oinsa ho ita, ita monu ba diabo nia tentasaun iha parte saida?  La importa ita monu dala hira ,buat ne'ebe vale mak bainhira ita hamrik fila fali, hodi kontinua ho halo buat diak. Papa francisco iha nia mensajen quaresma nian tinan 2022; 1.“labele kole atu Reza” 2.“ ita labele kole hodi halo diak”.  orasaun ho aksaun tenke la’o hamutuk. Laos deit reza ba ita ni- an no halo diak deit  ba ita nia-an. Ita halo  atu ema hotu hetan beneficio hosi ita nia orasun no ita nia hahalok  diak.           Mai ita oferese ita nia aksaun quaresmal nian ba paz iha mundo,liu-liu ba Ucrania ho Rusia  .

Reflesaun hosi: Irmã Olandina Baptista,OP