“Dame hela ho imi!”Nudar Ha’u Aman haruka Ha”u mai,nune’e mos Ha’u haruka imi ba” Simu ba Espiritu Santu”.

 

DOMINGO DE PENTECOSTES

1ª.  LEITURA: Apos. .2:1-11

2ª.  LEITURA : 1Cor. . 12:3b-7,12-13

EVANGELHO : João 20: 19-23

Ohin ita celebra loron iha ne’ebé Igreja moris. Papa Fransisco dehan” Ita fila fali ba origin Igreja bainhira Nia hahu ou moris. Igreja ne’e hahu ho apostolo sira ho Nain Feto ne’ebé hela,hein no harohan hamutuk iha uma laran hodi hein promesa ba mahein(Espiritu Santo), Jesus mosu ba sira hodi hu’u Espirito Santo ba sira .hahu hosi momento neba sira nakonu ho Espirito Santo hodi fo sasin kona Jesus ida ne’ebé ema oho mate tiha liu loron tolu no moris hias fali,sira fo sasin kona ba  Divindade Jesus Nudar Maromak Nia Oan, ne’ebé mai atu salva povo Maromak nian.sira nia sasin lori povo Barak fila ba Maromak. Mundo ohin loron atu sai Cristo Nia sasin ita precisa : “Nakloke ba Maromak nia lian ne’ebé koalia mai ita iha silencio interna nian, hatudu ita nia fidelidade iha fiar, aten berani atu fo sasin, lao no moris iha ukun fuan Maromak nian no sempre buka hakbesik an ba Maromak”.

Fo sasin no sai sasin Cristo nian sempre e tenke hahu hosi hirak ne’ebé besik mai ita,hirak ne’ebé hela ho ita, hahu hosi ita nia Familia, fen-laen, inan-aman ba oan sira, visinhos, maluk hirak ne’ebé ema hewai,kiik e kiak liu,mai ita religiosa ne’ebé moris iha comunidades (irmans e irmauns)maluk hirak ne’ebé ita contacto loron-loron.  Hosi sira ne’e hotu mak ita hetan/sente presente real Cristo nian.

Ita sei la  sai sasin ou fo sasin diak liu iha liur se ita labele hatudu uluk iha ita nia an ba hirak nebe hamutuk ho ita. Sasin ida ne’ebé forte liu nudar ema Kristaun mak ita nia devosaun ba Eucharistia, domin boot ne’ebé ita hatudu hodi hola parte iha Eucharistia. Tamba Eucharistia mak mandato ne’ebé Cristo husik hela iha han ikus ho nia escolante sira.

 Oinsa ita hadomi Eucharistia ida ne’e mak halo ita sai sasin  ne’ebé diak liu.  Espiritu Santo hola fatin e actua iha ita nia moris  wainhira ita iha unidade,hanesan apostolos ,sira mai hosi “background”familia ne’ebé la hanesan(balun pescador, seluk fali ho cargo alto iha sociedade). Balun Hebrew balu Grego, balu fraco,  seluk fali forte,sira hotu iha diferencias. Papa Fransisco dehan: “ Jesus  la troka sira, halo sira sai modelo ida deit, Nia husik sira, iha sira nia “uniqueness” e agora unifica sira ho Nia Espirito Santo.   Espirito Santo halo sira unidos iha sira nia diferenças.

 Mai ita reflete ,saida mak unifica ou saida mak halo ita hamutuk? Tamba ita iha ita nia diferenças, ita nia hakarak, opiniaun, sensibilidades no  .dala barak tentasaun mai haketak ita,tamba ita hakarak kria ita nia imagen mesak. Ida ne’e la’os Espirito nia hakarak.

Espirito Santo fo hanoin ita katak ita hotu” Maromak nia oan” iha igualidade iha buat hotu,mesmo iha diferenças. Espirito Santo unifica ita hotu.iha diferenças, dificuldades  mak ita hotu hamutuk iha Jesus Cristo ,no iha Jesus Cristo ita hotu “maun _alin,Nan-feto,Bin-Alin.

 

Espirito Santo hi’it An mai: Horik iha ami ida-idak nia moris !!!

 

 

Reflesaun husi: Irmã Olandina Baptista, OP

 

Kontinua Le'e

IHA FATIN NE’EBÉ HAU HELA, IMI MOS SEI HELA BA

 

 

DOMINGO BA DALA VII PASCOA

SOLENIDADE DA ASCENÇÃO DO SENHOR

 

1a. Leitura: Apos. 1:1-11

2a. Leitura: Ef.  1:17-23

Evangelho: Mat.  28:16-20

 

Maun alin doben iha Kristu,  ohin igreja selebra loron importante ida iha sarani hotu nia moris; selebrasaun ne’ėbé hanaran Ascenção do Senhor ka Jesus sae ba lalehan momentu ne’ebé maka istoria fiar nian, liu tiha Ninia moris hias husi mate Nia sae ba lalehan iha Aman nia Gloria ho Ninia kbiit rasik. Nia husik hela iha mundo,  husik hela Nia eskolante sira maibe la’os atu halo eskolante sira sai oan kiak basà nia promete tulun nain ba ita ida-idak.

Jesus ba lalehan hodi prepara fatin furak ida ba ita, fatin hakmatek rohan laek nian ne’ebé ita sei horik iha ne’eba iha ita nia loron ikus no fo sasin mai ita katak lalehan mak ita nia destinasaun rohan laek nian iha loron ida basa ita nia fiar , fiar ba moris hias nian iha loron ikus tan  iha han kalan ikus nian Jesus hateten hela liafuan ikus nunee “ Hau sei mai fali atu lori imi mai hamutuk ho Hau iha Hau nia fatin, iha nebe Hau hela imi mos sei hela ba.

            Iha primeira leitura ita rona iha apostulu sira nia hahalok hatoo mai ita oinsa Jesus ba lalehan no promete hela nia Espiritu Santu nu’udar tulun nain ne’ebé  sei mai guia ita no haforsa ita nia viagem iha mundu nee ne’ebé sei lori no lao iha dalan misaun nian ne’ebé ita hotu sei fo sasin hodi haklaken liafuan diak. Jesus mai husi lalehan no nia fila fali ba lalehan nunee mos ita laos mundu nee nian tan nee ita nia moris laos kesi ba sasan mundu nee nian.

 Iha segunda leitura kona ba apostulu saun paul nian ba sarani sira iha Éfeso koalia kona ba oinsa Jesus hatudu nia an ba igreja no ba ita hotu; revelasaun neebe lolos iha nia Gloria buat hotu neebe nia hanorin mai ita mak oinsa ita fiar iha kristu ita Nain no nia fo hanoin mai ita atu fiar iha Jesus Kristu ne’ebé nuudar Maromak nia Oan lolos basa liu husi moris hias no sae ba lalehan Nia hatudu mai ita kona ba lalehan nia Gloria rohan laek.  Ida nee fo hanoin mai ita katak ita nia fiar la lakon leet deit basa kreda nia istoria fiar nian manifesta mai ita iha Ninia moris santu hotu. Iha evangelhu saun Joao nian hatoo mai ita katak Nia haruka ita atu kontinua haklaken Jesus nia naran ba fatin hotu-hotu.

Tan nee, maun alin sira ho ita nia selebrasaun Jesus sae ba lalehan no oinsa ita  nia misaun ohin loron nian mak evanzelizasaun iha tempu ohin loron, misaun importante ba ita nia an hadia ita nia igualidade moris nuudar sarani.  Ita harohan atu ho Maromak nia Gloria lalehan nian kontinua hatudu dalan mai ita no nafatin fo inpirasaun liu husi nia Roman lialos no domin nunee ita hakas an nafatin atu sai eskolante ne’ebé diak iha mundu ohin loron. Tan Sentru husi viajem mundu nee nian mak dalan ba lalehan. Durante loron haatnulu nia laran liu tiha Jesus nia moris hias Nia sempre mosu ba eskolante sira atu enkoraja sira, hametin sira nia fiar nu’udar fini domin nian.

Iha konsiliu vatikanuy II afirma nune’e: Kristu sempre prezente iha igreja iha komunidade liu liu iha selebrasaun liturjia Eucaristia tamba liu husi Eukaristia mak maneira espesial hodi revela ninia domin ba ita tan nee mai ita haksolok nafatin unifika ita an ho Aman  Maromak, ho igreja, ho sarani sira. Laiha ema mak hapara Maromak nia domin nunee ho Jesus ne’ebé sa’e ba lalehan fo hanoin mai ita atu husik ita nian an sai ida deit ho Aman Maromak.

 

Reflesaun Husi: Irmã Lucia do Carmo, OP

 

Kontinua Le'e

HATENE HADOMI- HATENE MORIS TUIR UKUNFUAN

 

DOMINGO BA DALA VI

TEMPU PASCUA

 

1a. Leitura- Apos. 8: 5-8,14 17

2a. Leitura- 1 Ped 3: 15-18

Evangelho-Jo 14: 15-21

 

            Jesus  husu ita atu hadomi malu nafatin no atu hadomi hanesan Nia. Nia hateten nune’e   imi hadomi  Hau karik imi sei halo tuir hau nia ukunfuan sira. Hau sei harohan ba imi atu haraik ksolok wain seluk ne’ebé atu hela nafatin ho imi.

Moris tuir Jesus deit mak ksolok lolos maske dalan barak ita hasoru desafios  nudar  ita ema fragil/fraku, maibe Jesus enkoraja nafatin ita atu keta hare ba dezafios nudar ita nia inimigo maibe hadomi dezafio nudar amigo tanba  loron ida ba loron seluk Nia sei transforma ita atu sai husi dezafios ba ksolok lolos ida iha tempu tuir mai.

 Nune’e  keta tauk no tau laran metin nafatin ba Jesus  tanba Jesus deit mak halo buat hotu nia mak hun no nia rohan. Tau laran metin deit ba Jesus mak ita nia dalan lolos no dalan salvasaun nian.

        Domin Maromak nian hanesan we matan moris ne’ebe suli lapara ba ema ne’ebé presija Maromak nia grasa. Tan domin deit mak ema bele moris hakmatek no domin deit mak bele kesi ema nia relasaun ema ho ema no ema ho Maromak.

            Tan ne’e maluk sira, sei ita koalia kona ba domin, laos koalia deit iha ibun maibe tenki halo tuir ukunfuan Jesus nian. Hadomi hanesan Nia hadomi ita.

 

Reflesaun Husi: Irmã Maria Goreti de Almeida, OP

 

Kontinua Le'e

JESUS MAK DALAN BA LALEHAN

 

 DOMINGO 5   PASCUA NIAN

1a. Leitura: Apos. 6:1-7

2a. Leitura:1Ped. 2:4-9

Evangelho: Jo. 14:1-12

Ohin ita tama Domingo lima ba Pascua nian, no liu husi passagem Evangelho ohin nian, Sao Joao hateten mai ita kona ba fatin neebe Nai Jesus hadiak ona ba ita iha lalehan. Ida nee maka  promesa neebe, fo ita esperanca hodi comforta ita, iha mundu nebe complicado ou sabraut ho situasaun oi-oin.

Ho promesa ida nee haforsa ita atu hatene katak, iha neba iha fatin ne’ebé sei segura ho domin lolos, no promesa ida nee fo hanoin ita atu hala’o jornada moris nian iha mundu ida tuir Nai nia hanorin ne’ebé lori ita atu ba hela iha nia uma no fatin ne’ebé nia prepara ona.

Iha declarasaun inportante tolu ne’ebé Jesus dehan sai nunee, “HAU MAK DALAN, LIA LOOS NO MORIS”. hateten halo klaro los kedan iha passagem ida nee, katak nia deit  mak DALAN ba Aman Maromak. Ita labele lao too iha maromak liu husi maneira seluk no dalan seluk no nia dehn mos katak nia laos DALAN deit maibe  LIA LOOS NO MORIS nian.  Tamba nee Nai Jesus nia hanorin no nia moris mak dalan atu hela ba nafatin tuir AMAN nia hakarak.

Reflesaun Husi: Irmã Cacilda De Fatima,OP

 

Kontinua Le'e