Hadomi Maromak ho ó nia fuan tomak

                                                              Domingo 31 Tempu Comun

1a. Leitura: Deu. 6:2-6

2a. Leitura: Heb. 7:23-28

Evangelho: Mc 12:28b–34. 

Evangelho ohin ita rona  Jesus hanorin mai ita kona “hadomi maromak ho fuan no laran tomak no hadomi ita nia maluk  sira  hanesan  ita an rasik.”  Ita nia domin ba malu mak indikador ida kona ba fatin ne’ebé Maromak kaer iha ita nia fuan.  Nune’e, wainhira ita hadomi no serbi ita nia maluk sira, tamba domin ba Maromak, Maromak sei fo premiu barak liu tan ba ita.

 Definisaun lolos kona ba domin mak sakrisiu ba ema seluk nia diak. Ita nia domin ba ema seluk mai husi ita nia domin ba Maromak, atu hadomi maromak mak HADOMI BUAT NE’EBÉ NIA HADOMI.

Hau hakarak konvida ita hotu atu observa ema Santu/a  sira ne’ebé ajuda lori koñesimentu no komprensaun ba ita-nia viajen  jornada nian. Iha grau oioin, ema santu/a  sira haka'as-an atu iha uniaun espirituál ho Maromak.  Hakarak uniaun espirituál ida-ne'e kesi metin ita-nia integridade ida ne’ebé la haketak  ita  hosi HANOIN, ISIN no KLAMAR.

 Orasaun no domin ne’ebé rohan laek sei la hadook ita  hosi Maromak nia reinu. Sempre iha esperansa ba moris-hi'as ba klamar sira ne'ebé  namlaek ho Maromak nia domin no ita-nia tulun. Mai ita reza ema hotu aprende oinsa partisipa ho Maromak hodi hadomi nia maluk sira . Amen.

Reflesaun Husi: Irmã Cacilda de Fátima, OP

Kontinua Le'e

MESTRI, HUSIK HAU HARE FILA FALI

DOMINGU BA DALA XXX TEMPO BAI BAIN.

1a. Leitura: Jer. 31:7-9

2a. Leitura: Heb. 5:1-6

Evangelho: Mc. 10: 46:52

 

Ema ruma matan a’at ne labele hare buat ida no senti moris nakukun laran.Ita hare ema sira hanesan ne’e, sira nia moris susar los. Hakarak tebes atu atu lao ba fatin seluk maibe kondisaun labele permite. Dala barak, tenki iha asistencia husi ema seluk.

 Iha evangelho Saun Markus nian haktuir mai ita ema ida ho naran Bartemaeus hakarak hare Jesus. Nia rona kona ba Jesus maibe tan nia labele hare, nia labele ba hakbesik ba Jesus. Nune’e nia hakilar maka’as: Jesus, David nia oan, sadia Hau.

Mesmu que ema barak la husik nia atu hakbesik ba Jesus maibe tan nia iha fiar maka’as, nia husu ba Jesus: “Mestre, halo hau hare fila fali.” Matan delek  ne’e nia la  ba buka dotor atu kura nia maibe nia buka Jesus atu tau liman ba nia. Nia hakas aan tebes hakarak atu hare buat hotu ne’ebé mak furak no kmanek iha mundu ne.

 Fiar ita la hare ho matan kaer ho liman maibe importante ita precisa husu ho fuan no laran atu bele  hetan salvasaun no dalan naroman. 

Iha ita nia esperensia rasik dala wain ita mos hanesan matan a’at hodi hare ba ita nia aan deit no kusta atu  hare ba ema ne’ebé mak halerik hela iha sociedade. Mai ita hametin ita nia fiar iha Jesus hodi nune’e ita nia matan bele nakloke atu hare, senti no rona ema seluk nia halerik liu-liu sira ne’ebé moris hela iha susar laran.

 

Reflesaun Husi: Irmã Rosentina Ana de Deus, OP

Kontinua Le'e

"Hau mai atu serbi laos atu ema serbi Hau"

                                     

                                            DOMINGO BA DALA XXIX TEMPU BAIBAIN

1a. Leitura: Isa. 53:10-11

2a. Leitura: Heb. 4:14-16

Evangelho: Mk. 10:35-45

 

Serbi katak sai atan. Iha mundo ohin loron ema barak haharak sai ema boot hodi ukun, ita bele husu se mak hakarak sai atan hodi serbi?maibe ita iha chamada ita atu serbi.

    Iha Evangelho ita rona oinsa mak Apostolo nain rua besik ba Jesus atu husu rekompensa ba sira nia serbisu durante sira lao hamutuk ho Jesus. Apostolo nain rua nee hakarak atu tur iha Jesus nia sorin karuk ka los? Resposta husi ita Nain Jesus mak ida ne: imi kompriende saida mak imi husu? buat nebe interesante mak apostolo sira sei hola parte iha misaun Jesus nian katak sei hetan terus, sei hetan tolok, ema sei insulta, ema sei difama, ema sei kontra,  buat hirak nee mak sai hanesan Cruz ba ita hodi manan salvasaun rohan laek.

Ita Nain Jesus Cristo dehan tan apostolo sira atu hatene serbi no serbisu ho haraik an tamba nee mak ita sira nbe simu ona sacramento baptismo mos hola parte iha misaun nee. Maromak precisa ita ema nia kolaborasaun hodi halao knaar sira nee atu mundo bele salvasaun rohan laek liu husi ita nia liafuan no hahalok.

Hanesan profeta Isaias iha primeira leitura haktuir mai ita  katak Nai Maromak hasai ema husi hahalok atan nian hodi bele hetan hahalok roman nian atu bele haksolok no fo rahun diak ba ema lubun-lubun. Iha parte sorin, carta Hebreu nian fo hanoin katak Jesus mak ita nia kbiit, ita nia forsa, ita nia mata dalan hodi nunee bele halo diak wain nafatin ba humanidade nia diak.Nia mak bele haforsa ita atu hatene serbi maun alin sira ho honestidade.

Ohin mos sai hanesan Domingo ba missaun. Papa Francisco fo hanoin ita katak missaun ba ema hotu ejiji kompromisu hotu ema hotu. Atu sai ba convida ema hotu ba Na’i nia festa liu-liu ba sira ne’ebé lakon dalan moris rohan laek nian.

Ita hanoin atu reza ba missionario/as hotu liu-liu sira  ne’ebé hala’o missaun iha ita nia rain Timor.

 

 Bom Domingo ba Ita hotu!

 

Reflesaun Husi: Irmã Alzira dos Reis, OP

Kontinua Le'e