“O MAK HAU NIA OAN DOBEN”.

 

FESTA BATISMO NAI NIAN

Primeira Leitura (Is 42:1-4,6-7 ou Is 55:1:11)

Segunda Leitura (Acts 10:34-38 ou 1 Jn 5:1-9)

Evangelho ( Mk 1:7-11)

  

“O MAK HAU NIA OAN DOBEN”.

Dala barak ita rona Inan-Aman  hateten ba oan sira “Hau Hadomi O.” Nune'e mos entre maun alin, belun sira mos hatene liafuan nebe hanesan. Liafuan Hau hadomi O  fo  afirmasaun ba ita katak ita iha valor, ita importante no ita   iha confiansa  katak ema ne'e sei tau matan ba ita no sei la husik ita mesak. Ita iha ninia hanoin no ninia fuan.

 Hanesan mos liafuan diak ohin nian nebe hateten mai ita katak Jesus mak Aman Maromak nia oan Doben. 

São João Batista haklaken katak “ Ida ne’ebe mak boot liu hau, nia mai ona tuir hau.” Jesus nu’udar Maromak nia oan la precisa simu batismo maibe ho ninia batismo hatudu katak NIA mai atu salva ita sala nain sira, atu husik ita sai livre husi sala ne’ebe mak domina ona ita.

           Jesus nia batismo acontece iha momentu nebe  nia rona lian husi Aman Maromak katak Jesus mak Aman maromak nia murak “ O mak hau nia oan doben iha O hau sente hakmatek.” Hare ba Jesus, Aman Maromak sente laran hakmatek no satisfaz. Ida e’e mos signifika  ita nia batismo.

          Festa ohin loron nian convida ita atu hola parte iha nia domin no fo hanoin ba ita hotu katak ita hotu Maromak nia oan doben, Aman maromak nia domin ba ita idak-idak la iha nia sasukat. Tan Aman Maromak hadomi ona ita, nune’e mos ita idak-idak mos sei haka’as an atu  hadomi malu ho fuan ne’ebe moos nakonu ho domin.

          Iha Jesus nia batismo, Aman Maromak afirma katak “Jesus mak Amam Maromak nia oan doben, iha Jesus aman sente hakmatek.” Liafuan ida ne’e hateten mos mai ita hotu-hotu. Aman Maromak kria ita hanesan oan Feto ho mane liu husi ita nia batismo, ita sai familia foun Jesus nian. Espirito Santo tun ba Jesus iha momento ne’ebe nia simu batismo, Espirito Santo ida ne’e mos tun mai ita ita idak-idak iha tempo ne’ebe mak ita simu batismo. Jesus Kristo nia moris sai ida deit ho Aman liu husi Espirito Santo. Ita moris metin ho Kristo tamba liu husi Espirito Santo nia kbi’it.

          Wainhira ita simu batismo,  iha tempo ne’eba kedas Maromak promote ona nia an ba ita, hamutuk ho domin husi Inan-Aman ho familias sira.

Batismo mak sai dalan dahuluk, atu hakat ba Jesus Kristo. Hanesan Jesus hala’o nia misaun no moris public nian hahu iha mota Jordaun, fo hanoin mai ita  atu labele haluhan katak ema ne’ebe mak simu ona sacramento batismo nia sai ema ida ne’ebe diferente, tan iha marka ne’ebe mak uniku, la hanesan ho ema seluk. Ita mate ona ho Kristo iha momento ne’ebe Nai Lulik tau be iha ita nia ulun. Ita sai kriasaun foun iha Kristo. Ita moris foun fila fali. Buat hotu hahu foun. Husu atu ita moris tuir promesa ne’ebe ita halo ona iha ita nia batismo atu sai nu’udar Profeta, Liurai, no nai Lulik ba Reino Lalehan nian. 

 

Reflesaun Husi: Irma Nelia Pinhero, OP

Kontinua Le'e

EMA MATENEK BUKA JESUS

 

1st Reading	Isaiah 60:1-6
Responsorial Psalm	Psalms 72:1-2, 7-8, 10-11, 12-13
2nd Reading	Ephesians 3:2-3A, 5-6
Alleluia	Matthew 2:2
Gospel	Matthew 2:1-12

Ohin Loron Domingo Festa Epifania. Iha evanjelho loron ohin nian hosi Sao Mateus koalia kona ba Matenek nain sira nebe buka tuir Judea sira nia Liurai,Nia mak Jesus kosok oan nebe moris iha Belem liu Husi Sinal Fitun Naroman, matenek nain sira fiar katak  Liurai lolos moris ona ho nune sira lao tuir hodi buka atu sira bele oferese sira nia riku soin nebe sira iha. Wainhira sira hetan tiha Jesus Kosok oan nebe latan hela iha duut maran sira tuku tur hodi hasae no oferese hotu sira nia riku soin, maski  sira nia viagem dok tebes,maski sira hetan atrasaun husi liurai Herodes katak atu fo hatene fali nia wainhira sira hetan kosok oan ne maibe sira hakslok no sente satisfaz tebes ho sira nia viagem tamba sira hetan duni kosok oan nebe sira buka.

Husi reflesaun ida ne fo hanoin mai ita katak, hahalok nebe matenek nain sira hatudu fo valor tebes ba ita no lisaun diak ida ba ita atu reflecte katak ita persisa kontinua buka tuir nafatin Jesus iha ita nia moris tomak maski dala barak ita hetan dificuldade barak iha ita nia moris maibe keta tauk atu buka no oferece buat hotu, ofrese ita nia an inklui ita nia  ksolok, ita nia talentu, ita nia matenek, ita nia frakueza, ita nia susar, ita nia terus, ita nia halerik, ida ne mak ita riku soin nudar humana ita nia riku soin atu oferese mak tau Fiar iha Nia, hadomi Nia liu sasan hotu hotu, servi Nia liu husi ita nia maluk sira nebe kuran.  Husi nee, mai ita buka kontinua reflete ho ita nia konsensia tomak katak Jesus Moris ona iha ita leet tau nafatin laran metin ba Nia ,halo karidade barak ba ema mukit sira, fo justisa ba ema masalak nain sira,tulun ema kiak sira,lori esperansa ba ema mukit sira basa, Jesus mai  lori salvasaun ita hotu.

 

Hakerek Husi:

Irma Berta Soares Moniz, OP

 

Kontinua Le'e