LOKE AMI NIA MATAN FIAR NIAN

DOMINGO BA DALA XXX TEMPU BAIBAIN NIAN

1a. Leitura:Jer. 3:7-9

2a. Leitura:Ebr. 5:1-6

Evangelho: Mk. 10:46-52

 

      Liu husi ita Nia fiar bele soi buat hot- hotu iha Ita Nia moris loron loron nian, tanba dala ruma mos Ita sai matan delek liu husi ita nia hahalok no attitude nebe la fo valor ba ita nia moris loron loron ba nia an nomos lahare nebe precisa iha ita nia sorin. Ho ida ne’e  ita reflete Nai Maromak Nia Lia fuan ohin nnia atu ita  bele banati tuir ita nia fiar nebe ita iha ho hakraik an atu husu saida mak ita hakarak.

Ho ne’e  mak ema Judeu sira moris tuir nafatin tuir Sira Nia Lei atu hatudu hanesan buat Ida, nebe ema hotu bele haksolok no bele hetan naran diak husi maluk Sira nebe hela besik,  Liu fali Lei ne nia sentido rasik,

   Ema ne’ebé loko-an lakohi simu Kristu nu’udar Ida be Maromak haruka mai moris ida be facil no Kristu hanorin ita atu hakribi ita nia salan no haraik an.

   Nia nu’udar Maromak Nia mesak deit mak nailulik Nia halo an hanesan atan ba ema hotu , nudar povo be hili ona, iha Ita nia fuan no neon nakloke an duni ba Ema hotu. Koko hakribi buat a'at iha ita nia neon no fuan tomak, hodi simu ita nia maun alin sira hotu, hanesan domin no hakmatek tebes no iha lia los lori ita ba to’o  Maromak liu husi ema Sira ne’ebé  hadomi Nai o Nia Maromak, ho neon no laran tomak, hadomi Maluk Sira nudar o an rasik.

Mai ita husu grasa Maromak nian atu loke ita nia matan hodi hare nia oin  lolos iha nia oan mane Jesus Kristu liu husi ita nia maun alin sira. Amen

 

Reflesaun Husi: Irmã Maria Soares Babo, OP

 

 

 

 

 

 

   

 

Kontinua Le'e

JUSTIÇA

 

 

Hau fuan nebe kiik defende lia los

Sukat la nahas tasi nia laloran

Mata wen suli hodi hare

Nakukun mundo nian

Domin no dejafiu sai ponto gratidaun

 

Justiça hau belun aten brani hodi koko

La’o ba hari’i fahe no sente

Ema barak halerik buka lialos

Buka tane hodi dehan hau mak nee

La kiak la riku buka justiça

 

Justiça lafahe mutin eh metan

Hau domin no virtude charisma Dominicana

Halibur ema hotu iha hau fuan

Lori grasa Maromak nian fahe ba ema hotu

 

Sentimento justiça mihis ba bei-beik

Hau toba ladukur mate ho Justiça

Sentido Dominicana halo hau sai forsa

Hodi lori ema sira husi nakukun ba naroman

 

Reflesaun Mons. Zubieta nian kona ba defende Justiça

Hakerek nain: Ir. Alzira dos Reis, OP

Kontinua Le'e

JESUS MAI ATU SERVI NO FO A’AN BA EMA HOTU

 

DOMINGO BA DALA XXIX TEMPU BAIBAIN NIAN

1a. Leitura: Is. 53:10-11

2a. Leitura: Ebr. 4:14-16

Evangelho: Mk. 10:35-45

 

   Jesus lia tun ba nia apostolo nain rua: imi sei hemu duni tua calis hau atu hemu daudaun, imi sei simu duni batismo hau atu simu,atu tur iha hau nia sorin kuanan eh karuk ne'e laos Ha'u, graca batismu nian fo fuan.

    Batismu hatama Ita iha relasaun ida atu bele halo nakonu Maromak nia Reino iha mundu ne'e. Konsekuensia husi ida ne'e  katak ain fatin ba Santidade mak,bele kumpri diak liu husi misaun nebe ita simu iha batismu,hakonu ho santidade Maromak nia emar nebe fiel,Maromak nia presença ativo no dinamiko halo Ita atu sai santo lolos iha Maromak nia fuan iha Ita nia moris. Husik Maromak grava Ita iha Nia misteiro pessoal nebe reflete Jesus Cristo iha Mundu ohin loron, atu nune'e ita tenke fo an ba Maromak atu serbi maun alin sira. Ita serbi lolos, ita nia sasukat Mak Cristo. Ita tenki banati tuir Nia Moris tomak nebe Nia iha. Serbi ho domin no pronto atu fo an ba ema seluk.

    Serbi lolos katak ita haluha ita nia a’an rasik atu bele fo sentido ba ita nia moris no bele lori ema seluk hetan sentido moris lolos nian. Ajuda ema seluk atu hetan moris Ksolok no Ksolok ida ne’e mai husi Jesus ne’ebé hanorin ita atu serbi no hadomi.

 

Reflesaun Husi: Irmã Flavia Mendonça, OP

 

Kontinua Le'e

MESTRE HAU SEI HALO LOS SA ATU HETAN MORIS ROHAN LAEK?

 

DOMINGO BA DALA XXVIII TEMPU BAIBAIN NIAN

1a. Leitura: Sab. 7:7-11

2a. Leitura: Ebr. 4:12-13

Evanjelho: Mc. 10:17-30

          Ema nia harohan sira nakonu lamentações no pedido. Lamentações mak hato’o terus no susar hafoin husu buat nebe nia la iha ba Maromak. Buat ne’ébe bai bain ema husu ba Maromak iha orasaun nia laran mak hanesan isin diak, rikusoin no moris haksolok. Nune’e ema haluhan husu buat ida husi Maromak mak matenek. Ema husu duni matenek maibe dalaruma matenek atu gabsola ann, foti ann, loko ann. Maibe dificil atu sai ema sabedoria, inteligente no prudente iha moris. Iha primeira leitura haktuir hau harohan hodi husu matenek, matenek nia roman tun duni mai hau, hau hakarak matenek liu fali kaer ho ukun ema sukat matenek ho riku soin rai klaran, hau hare riku soin la folin buat ida, nune’e halo hau hadomi matenek liu fali isin diak no oin furak. Husi livru matenek sira nian nee hanorin ita atu sai matenek iha moris liu husi ita nia pedido sira nebe ita husu ba Maromak basa ema hotu hatene reza no harohan ba Maromak maibe dala barak liu ita ema nia fraqueza mak ne’e “hakrak buat ida husu buat seluk husi Nai Maromak”. Husi Nai Jesus nia liafuan no hahalok Joven riku ida halai mai fo reconhecemento ba nia hodi dehan, “Nai Mestre, laran diak hau ata sei halo los sa atu hetan moris rohan laek?” Jesus nia resposta ba joven ne’e dehan Maromak deit mak laran diak; “Maromak nia laran diak” nee hatudu deit iha ema ninia prontidaun atu halo tuir Lei no Ukun fuan hodi moris tuir. Ne’e mak Jesus dehan ba Joven ne’e o hatene Maromak nia ukun fuan keta oho, keta hakarak ema nia kaben, keta naok, keta dun matak ema no hadomi aman inan. Mane oan nee hatan “Mestre atan oan moris tuir hotu hori kiik kedas”. Nune’e Jesus dehan fali ba nia sei falta buat ida mak o sidauk halo “fila ba uma faan tiha o nia sasan tomak fahe ba ema kiak sira o sei hetan rahun diak wain iha Lalehan. Hafoin mai tuir hau”. Joven nee rona ida nee nia laran susar no lakohi tuir Jesus tamba saida? Tan nia riku soin wain no barak liu. Riku soin mak saida? Arogancia, loko ann, foti ann, hau deit mak diak no los.  Husi ema nia hanoin ba riku soin isin nian nee mak Jesus dehan “facil liu Kuda Camelo ida tama husi daun nia kuak duque riku ida tama iha Reino Lalehan nian”. Husi Jesus nia liafuan nee halo ita bele sai hanesan mos eskolante sira hodi husu. “Se nune’e, se mak bele tama iha Maromak nia Reino?” Ba sa kuda bele tama husi daun nia kuak facil liu fali ema tama Reino Lalehan. Jesus dehan nune'e, tamba ema sira be rona tiha Maromak nia liafuan maibe dificil atu transforma ann husi nia liafuan no hahalok, maibe ema fiar nain ne'ebe rona hodi halo tuir Maromak nia hakarak mak ohin Jesus dehan “buat nebe’e ba ema labele maibe ba Maromak buat hotu bele deit”.

 

Reflesaun Husi: Irmã Gragiela do Nascimento,OP

 

Kontinua Le'e

MAROMAK BOLU ITA ATU KOMPLETA MALU HO ABILIDADE NE’EBÉ ITA IHA

 

DOMINGO DALA XXVII TEMPU BAI-BAIN NIAN

 

1a. leitura: Genesis 2:18-24

2a.  Leitura:  Ebr  2:9-11

Evangelho: Mc. 10:1-16

 

    Leituras no evangelho ohin nian konvida ita atu ba rona oinsa Maromak kria ita ema moris, no tau ona ita ida-idak tuir nia dalan tuir planu ne’ebé nia iha ona mai ita. Moris atu kompleta malu iha tempu no situasaun nebe ita precisa malu.

   Maromak kria ita ema moris iha mundu ne’e atu kompleta malu, la significa ba ema familia kaben nain deit. Maibe ita ema moris humanu ita mos presisa kompleta malu liu husi ita nia moris hamutuk lolor-loron nian iha komunidade, iha familia uma laran no seluk tan.  

Tan ne’e  Maromak kria ita ema atu sai ninia liman no ain ba ema seluk, ema ne’ebé dala ruma sai hanesan ita nia funu balu, ema nebe dala ruma ita la gosta, ema nebe laiha ema mak atu tau matan. Talentu ne’ebé  Maromak haraik mai ita ida-idak la hanesan, tan ne nia hili ita ho ita nia diferensia atu tau hamutuk hodi halo kompleta malu.

    Hanesan iha evangelho Jesus dehan oinsa mak ema feto ho mane ida bele moris iha unidade nia laran ho domin  los, katak sira halo tuir  promossa sira promote ba malu atu moris tuir hanesan kaben nain ida.

    Fila- fali ba ita ida-ida ho kompromisso ne’ebé  mak ita iha, dalaruma difisil tebes ba ita atu moris tuir.  Reflete fali kona ba liafuan kompleta malu, ida ne sai hanesan questão ida mai ita hotu.  Dala wain,  ita moris hamutuk iha komunidade ou iha faimilia ida ida, tebes ka  ita bele sai ain ho liman ba ema seluk? Keta hau liman  la’os sai parte ba isin nian, keta hau matan  la’os parte ba ain nian?

    Ho situasaun sira hanesan ne’e dala barak ita hakarak ajuda deit ema nebe mk ita hatene, kunhese  no hadomi, ita lakohi sai ain no liman ba ema seluk. Ejemplu nebe Jesus hatudu hela mai ita mak wainhira ita hare Jesus defende ema kabeinain sira nia sagrado domin nian iha fariseiu sira nia oin.

   Ba ita ida-idak atu reflete mos oinsa mak ita bele sai mensajeiro  diak no ain liman ba ema seluk, liu husi ita nia sakrifisio mak  ita halo ba ita nia maun no bin alin sira.  Katak halo kompleta buat nebe mak sei falta hela iha ita nia maluk sira nia leet, la’os ho sasan material ne’ebé ita iha maibe ho domin, paz, haksolok, mak  ita lori no fahe ba ema seluk liu-liu fo netik ita nia tempu  ba sira liu husi ita nia missaun kiik sira nebe ita halo.

 

Reflesaun Husi: Irmã Madalena Maia de Deus, OP

 

 

Kontinua Le'e