Imi Tuur Matan Moris Tuur Neon Nain, Hodi Harohan Nafatin Atu Imi Bele Moris Iha Nai Maksoin Futar Oin

 

DOMINGO BA  XXXIII TEMPO BAIBAIN NIAN

Primeira Leitura: Dan. 12:1-3

Segunda Leitura: Ebr. 10:11-14,18

Evangelho: Markus, 13: 24 – 32

Mensajem evanjeliku nian nafatin inspira wainhira ita le'e hodi hanoin klean didiak Nai nia liafuan sira loron ba loron. Nuneé mos ohin ita tama ba domingo  tolunulu resin tolu; iha evangelho haklaken mai ita kona ba loron ikus ita nian, tempu no rohan ba mundu neé nian nebe ita sei lakon no ita idak – idak sei hasoru ho maneira nebe la hanesan ho oras no loron nebe la hanesan.

Akontesimentu husi sinais oin – oin  nebe hafalun ita iha tinan rua neé nia laran liu husi moras pandémia no dezastre naturais ita dehan ona katak será que mundu atu remata ona? Ho sinas seluk tan nebe akontese pesoalmente ba ita an nebe hanesan ai sanak ida mak baku hela ita hodi bolu ita nia atensaun. Konsiente ka lae reasaun umana nian mak tauk; Jesus hafanu ita hanesan aisanak oan ida baku hela mai dehan Imi tuur matan moris hodi harohan nafatin.

Bolu atensaun ida nebe hp domin tan Nia hakarak ita atu sai diak no hetan moris rohan laek; ita ita nia moris dala wain tebes maluk sira balun bolu ita nia atensaun hodi fo hanoin mai ita katak ida neé los no ida neba la los. Nuneé maluk sira ita fila fali ba Jesus ninia haklaken hodi bolu atensun ba ohin tamba ita nuudar ema maksalak ita dehan; hau seidauk pronto, wainhira ita hare sinais mosu ona mai liu husi dezastre ka moras pandemia laran taridu, tauk, preokupa hodi buka aimoruk oin oin, kímiku no natural nian hodi halo prevensaun. Agora ita idak idak husu ba a rasik; Tamba sa tauk?  Tamba seidauk pronto! Prontidaun la'o nafatin ho Jesus nebe mak sai sentru ba ita nia moris nunee deit mak bele hakman no halo hakmatek iha an rasik.

Reflesaun Husi: Irmã Lucia do Carmo, OP

 

Kontinua Le'e

JESUS HAREE NO HATENE ITA NIA FUAN

DOMINGO BA XXXII TEMPO BAIBAIN NIAN

                                                  Primeria Leitura: 1Liu. 17:1016

                                                  Segunda Leitura: Ebr. 9:24-28

                                                  Evangelho: Mc. 12:38-44

 

   Ita hare Evangelho ohin nian, pontu principal saida mak Saun Marcos koko atu koalia iha nee, iha neba buat importante rua nebe kait hamutuk. Primeiro kona ba Jesus tuur hela besik kaixa oferta iha uma kreda boot laran, hodi haree ema ba atu ofresse osan  ba kaixa. Segundu kona ba Iha mos feto faluk kiak ida mai harohan. Nia ba tau koin rua ba iha kaixa laran. Osan nee folin kiik liu.

    Entaun interpretasaun rua nee aplika ba ita ohin loron mak saida? Se ita oferese ou tau iskudu ida ka rua, valor saida mak ita sei tetu iha neba? Ita fila fali ba versiculo 38 ho 39 “Imi tenki kuidadu di-diak ho mestri relijiaun sira. Sira gosta pasiar ho batina naruk, para ema haree sira, i komprimenta sira hanesan ema boot. V. 39 Kuandu sira ba iha uma kreda ka, ba iha festa, sira sempre buka tu'ur iha fatin ida diak liu, para ema hotu bele gaba sira, i hodi dehan sira, ema boot.

   Ba hau, iha seksaun ida nee, sai hanesan ispelo ida ne’ebé hau no ita hotu bele hare no leno ita nia an hodi hare klean liu tan ita nia hahalok nebe mak ita la hatene no senti katak ida nee iha ita ida idak.

   Dala barak ita hatudu ita nia an atu atrai ema seluk nia atensaun, ita halo ida nee ita senti i ita la senti, maibe ita bele hanoin no halo tuir ejemplu feto faluk nee nian liu husi fiar no orasaun nebe ita iha ba ita nia Nai tamba Nia mak lia los no dalan los.   

 

Reflesaun Husi: Irmã Cacilda de Fatima, OP

 

 

Kontinua Le'e

HADOMI NAI MAROMAK LIU SASAN HOTHOTU NO HADOMI EMA SELUK HANESAN ITA AN RASIK.

 

DOMINGO BA  XXXI TEMPO BAIBAIN NIAN

 

Primeira Leitura: Deut. 6, 2-6

Segunda Leitura: Heb. 7, 23-28

Evangelho Mc. 12, 28-34

 

  Iha primeira leitura haktuir mai ita katak, Israel rona mai! Rona no halo tuir. Lia fuan rona importante teb-tebes iha ita nia moris. Kuandu ita larona hodiak nemak ikus mai rezultadu ladiak presiza iha arte atu rona. Ha'u fo ezemplu kiik kona ba Adão ho Eva tanba sámak sira nain rua ne'e monu ba diabu nia babeur, tanba lakohi rona no halo tuir. Experiensia ida nee mos akontense iha ita nia moris hanesan sarani dala barak ita lakohi halo tuir Maromak nia hakarak ita hakarak halo tuir mundu nia hakarak ne mak to'o ikus ita la’o sala dalan. Ne'e duni liu housi leitura ida ne'e, hanorin ita atu hatene rona Maromak nia lian, rona mos ita nia komunidade, no ita nia sosiedade ida ne'e importante teb-tebes. Hanesan iha salmo dehan, Na'i, ha'u hadomi Ita Boot, Ita Boot mak ha'u kbiit.

   Iha segunda leitura haktuir mai ita katak, Tebes duni! Ida ne'e mak ita nia Amlulik ulun lolos: Amlulik Santo, la fo'er la sala, la kahur ho maksalak sira. Liu housi Jesus nia hanorin sira Nia mos hakarak atu moris santu no halo tuir nia ukun fuan sira atu ita mos lebe monu ba diabu nia babeur. Nia mak ita kbiit no esperansa ne'e dunia haburas nafatin nia fiar liu husi ita orasaun no sakrifisiu kiikoan sira ne’ebé mak ita halo lor-loron.

    Evangelho São Marcos haktuir mai ita katak, Ema escriba ida husu ba Jesus "Ukun fuan ida nebè mak boot liu hotu? Jesus simu hodi dehan ba nia Ó sei hadomi ó nia Na'i, ó nia Maromak, ho neon ho laran tomak ho ó nia kbiit hotu! Ukun-fuan boot liu, rua ne'e mak ida ne'e: 'Ó sei hadomi ò nia maluk nu'udar ó an rasik' iha Evangelho ida ne'e hadomi nia sem reserva signifika hadomi laho kondisaun husu ita atu hadomi Nia loron ba loron iha ita nia moris tomak. Wainhira ita hatene hadomi Maromak ita mos hatene atu hadomi ema seluk.

 

Reflesaun Husi:

Ir. Maria de Fátima Sequeira, OP

 

Kontinua Le'e

LOKE AMI NIA MATAN FIAR NIAN

DOMINGO BA DALA XXX TEMPU BAIBAIN NIAN

1a. Leitura:Jer. 3:7-9

2a. Leitura:Ebr. 5:1-6

Evangelho: Mk. 10:46-52

 

      Liu husi ita Nia fiar bele soi buat hot- hotu iha Ita Nia moris loron loron nian, tanba dala ruma mos Ita sai matan delek liu husi ita nia hahalok no attitude nebe la fo valor ba ita nia moris loron loron ba nia an nomos lahare nebe precisa iha ita nia sorin. Ho ida ne’e  ita reflete Nai Maromak Nia Lia fuan ohin nnia atu ita  bele banati tuir ita nia fiar nebe ita iha ho hakraik an atu husu saida mak ita hakarak.

Ho ne’e  mak ema Judeu sira moris tuir nafatin tuir Sira Nia Lei atu hatudu hanesan buat Ida, nebe ema hotu bele haksolok no bele hetan naran diak husi maluk Sira nebe hela besik,  Liu fali Lei ne nia sentido rasik,

   Ema ne’ebé loko-an lakohi simu Kristu nu’udar Ida be Maromak haruka mai moris ida be facil no Kristu hanorin ita atu hakribi ita nia salan no haraik an.

   Nia nu’udar Maromak Nia mesak deit mak nailulik Nia halo an hanesan atan ba ema hotu , nudar povo be hili ona, iha Ita nia fuan no neon nakloke an duni ba Ema hotu. Koko hakribi buat a'at iha ita nia neon no fuan tomak, hodi simu ita nia maun alin sira hotu, hanesan domin no hakmatek tebes no iha lia los lori ita ba to’o  Maromak liu husi ema Sira ne’ebé  hadomi Nai o Nia Maromak, ho neon no laran tomak, hadomi Maluk Sira nudar o an rasik.

Mai ita husu grasa Maromak nian atu loke ita nia matan hodi hare nia oin  lolos iha nia oan mane Jesus Kristu liu husi ita nia maun alin sira. Amen

 

Reflesaun Husi: Irmã Maria Soares Babo, OP

 

 

 

 

 

 

   

 

Kontinua Le'e

JUSTIÇA

 

 

Hau fuan nebe kiik defende lia los

Sukat la nahas tasi nia laloran

Mata wen suli hodi hare

Nakukun mundo nian

Domin no dejafiu sai ponto gratidaun

 

Justiça hau belun aten brani hodi koko

La’o ba hari’i fahe no sente

Ema barak halerik buka lialos

Buka tane hodi dehan hau mak nee

La kiak la riku buka justiça

 

Justiça lafahe mutin eh metan

Hau domin no virtude charisma Dominicana

Halibur ema hotu iha hau fuan

Lori grasa Maromak nian fahe ba ema hotu

 

Sentimento justiça mihis ba bei-beik

Hau toba ladukur mate ho Justiça

Sentido Dominicana halo hau sai forsa

Hodi lori ema sira husi nakukun ba naroman

 

Reflesaun Mons. Zubieta nian kona ba defende Justiça

Hakerek nain: Ir. Alzira dos Reis, OP

Kontinua Le'e

JESUS MAI ATU SERVI NO FO A’AN BA EMA HOTU

 

DOMINGO BA DALA XXIX TEMPU BAIBAIN NIAN

1a. Leitura: Is. 53:10-11

2a. Leitura: Ebr. 4:14-16

Evangelho: Mk. 10:35-45

 

   Jesus lia tun ba nia apostolo nain rua: imi sei hemu duni tua calis hau atu hemu daudaun, imi sei simu duni batismo hau atu simu,atu tur iha hau nia sorin kuanan eh karuk ne'e laos Ha'u, graca batismu nian fo fuan.

    Batismu hatama Ita iha relasaun ida atu bele halo nakonu Maromak nia Reino iha mundu ne'e. Konsekuensia husi ida ne'e  katak ain fatin ba Santidade mak,bele kumpri diak liu husi misaun nebe ita simu iha batismu,hakonu ho santidade Maromak nia emar nebe fiel,Maromak nia presença ativo no dinamiko halo Ita atu sai santo lolos iha Maromak nia fuan iha Ita nia moris. Husik Maromak grava Ita iha Nia misteiro pessoal nebe reflete Jesus Cristo iha Mundu ohin loron, atu nune'e ita tenke fo an ba Maromak atu serbi maun alin sira. Ita serbi lolos, ita nia sasukat Mak Cristo. Ita tenki banati tuir Nia Moris tomak nebe Nia iha. Serbi ho domin no pronto atu fo an ba ema seluk.

    Serbi lolos katak ita haluha ita nia a’an rasik atu bele fo sentido ba ita nia moris no bele lori ema seluk hetan sentido moris lolos nian. Ajuda ema seluk atu hetan moris Ksolok no Ksolok ida ne’e mai husi Jesus ne’ebé hanorin ita atu serbi no hadomi.

 

Reflesaun Husi: Irmã Flavia Mendonça, OP

 

Kontinua Le'e