FIAR METIN NO HARAIK AN

 

PRIMEIRO DOMINGO KUARESMA NIAN

 

 

1ª Leitura: Gen. 2,7,9:3,1-7

2ª Leitura: Rom. 5: 12-19

Evanjelho: Mt. 4: 1-11

 

Belun sira, ohin ita tama iha premera semana kuaresma nian.

Kuaresma tempo especial o aportunidade  ba ita, atu prepara ita nia an no halo reflesaun nebee klean hodi  hakribi sala, nune’e mos   hanesan momento furak ida,  atu aprende didiak  hodi  hare ita nia an/hahalok lolos ne’ebé mak ita hatudu iha comunidade no sosiadade nia laran.

Kuaresma tempu ne’ebé mak marka iha liturgia, ba ema sarani/kristaun sira hodi prepara an atu celebra pascua, signifika katak selebrasaun  Kristu nia moris hias. Kuaresma significa saida? Iha antigu Testamentu tinan 40 povo Israel sira iha deserto  molok atu tama iha rai ne’ebé  Maromak promete tiha ona no sira sai libre husi Egiptu. Iha iha novo testamento loron 40 Jesus presenta an  iha rai fuik maran, hodi prepara an  atu hala’o nia misaun. Nunee Igreja fo hanoin mai ita nudar sarani atu  prepara ita nia an hodi  celebra sentru misterio nu’udar sarani. Ida nee hanesan tempo nebe mak importante tebes nudar moris ema sarani nian  nune’e kuaresma hanesan unidade ho semana santa no paskua.

Evanjelhu liturjia ohin nian,  primeiro domingo  Kuaresma nian, convida  ita atu hamutuk ho Jesus ba deserto rai-fuik maran. Iha Biblia deserto signifika katak, fatin, hasoru o proba iha fatin ne’ebé Maromak koalia ho fuan no husi buat sira ne’e hotu ita bele hare ita nia vida real personal. Iha fatin neeba Espíritu Santu lori Jesús, ba loron haatnulu, atu diabu babeur Nia o hetan babeur husi diabo,

            Iha tentasaun 3 ne’ebé mak diabo babeur  Jesus.

1.Halo paun husi fatuk.

2. So’e an husi fatin a’as.

3.Sei fo ba nia riku soin mundo nia sei nia adora diabo.

Husi babeur  3 nee dala ruma sempre iha ita moris,  hanesan iha´, Premeru, signifi katak, ita buka atu hetan sucesso ne’ebé diak no as maibe  la liu husi esforsa a’an o ita sakrifisiu. maski ita la serbisu maybe hakarak buat nebe mak diak deit no  liu husi lia bosok oioin.

Segundu, signika katak foti an no sentí hanesan sai kuenhesidu  no hakarak ema adora ita no foti as o sai  popular.

Terceiru, hakarak domina buat hotu, materialistik no aproveita ema seluk.

Dalaruma ita hare ema balun ne’ebé iha ambisaun no otoriter, hodi hanehan ema seluk, no ikus mai  sira se sai at tanba ho sira egoísta.  Maibe bainhira ita serbisu ho diak, esforsa aan no haraik an ita bele hetan resultado nebe mak diak, hodi ajuda ema seluk.

Oinsa ho hau an rasik? Tentasaun saida mak hau hasuru iha hau nia moris? Oinsa hau bele enfrenta?

            Nunee Jesus hakarak fo hanoin mai ita atu tenky kuedadu an no fiar metin nafatin. Tanba iha ita nia moris tentasaun sempre mai no ba… no tenky forty, hanesan Iha kada tentasaun JEsus sempre temi  Maromak nia naran no  Nia hanorin.

Nunee mos ho ita bainhira se fiar Maromak no fiel nafatin ba Nia, buat hotu ita se halo/halao  se sai diak no se bele hases an/libre husi tentasaun nebe dada ita.

Iha  ita moris lorloron  tentasaun sempre haleu tenta ita atu halo buat at, hanesan foti an, foti sasan, promete la halo tuir, bosok ema seluk, gaba an  no buat seluk tan, buat  nee hotu may  husi tentsaun.

Diablu sempre lao haleu ita, nia hatene bainhira ita nia fiar la metin. Tentasaun nunka mai antes maybe se mosu mai derepente no nunca espera no Diablu  sempre hein iha odamatan.

Iha tempo kuaresma tinan nee  AMO PAPA fo hateten /hanoin mai ita, KITA TENKI RONA JESUS.  Iha Amo PAPA nia lia menon, fo suporta mai katak nudar ema sarani atu rona saida mak Jesus hakarak fo hateten ba ita liu husi Evanjelhu no ema seluk. Kuaresma hanesan Espiritu nebe mak ita rona husi Nia bainhira koalia mai ita.

Belun sira hotu, iha premeru domigo cuaresma nee fo hanoin mai ita atu fiar nafatin ba Maromak. Atu nunee Maromak sempre acompanha ita nia moris hodi nunee labele monu ba tentasaun/ diablu nia babeur.

Mai  ita hamutuk neon ho laran ida deit agradese ba Nai tanba ho nia hanorin  halo ita fiel nafatin  ba Nia, bainhira tensaun oin oin may hasuru ita,  iha ita nia moris. Nai  ami hakarak aprende husi Itabot.  Nunee ami husu  atu haraik ita nia dom Espíritu nian mai ami no acampanha nafatin ami  iha ami nia viajen moris iha mundo ida.

     Loron diak  ba ita hotu.

Reflesaun Husi: Irma Natalia Fouk, OP 

Kontinua Le'e

HADOMI ITA NIA INIMIGU

 

DOMINGO VII TEMPO BAIBAIN

1ª Leitura: LEV. 19 1,2.17,18

2ª Leitura: 1Cor. 3: 16-23

Evanjelho: Mt. 5: 38-48

 

 

Maluk sira ohin ita  tama iha domingo VII baibain nian.

Moris iha santidade sai nudar fundamentu ba ita nudar ema sarani. Tanba nudar istilu moris ema lolos no sai diak ho ema seluk.

Domin nebe mak Maromak fo ba ita ida nee hatudu iha ita nia moris lorloron nian ba ita nia maun alin sira. 

Iha Evanjelhu ohin loron nian…..Ita kontinua halao reflesaun konaba  Jesus nia bienaventuransa. Oinsa atu  halakon/hadok ita nia an husi violensia. Signifika  katak laos atu selu aat ho aat maybe selu buat at ho buat diak. Ida  nee hanesan exigencia moral nebe makas liu. Maybe laos atu halo tuir buat nebe mak hakerek nanis ona. No modelo nebe mak ita halo tuir nee mak Jesus nia moris no Nia ejemplo nebe mak hatudu ona mai ita.

Ita  nia lei no norma unika ne mak  Jesus. Ida ne mak ley nebe mak ejiji ita nudar Jesus nia manu ain . tenki halo tuir Maromak nia  lia fuan, Tenki haburas Espiritu,Paz, concorda, solidaridade, simu no respetu ema hotu.

Ita nia hahalok/atitude moris nian mak oinsa ita hatudu iha moris hamutuk ho maun alin sira seluk. Oinsa bele respeta ita nia maun alin  sira seluk?

Jesus hakarak ita tenki fo pedua ba maluk sira, maibe dala ruma defisil atu ita halo/halao, maibe bainhira ita reza no hakas an, hodi loke ita fuan no laran atu nunee ita bele simu/perdua  ita maluk sira.

Oinsa hau labele rai odiu iha hau fuan, hanesan bainhira ema halo hau nia fuan moras o at  mai hau? No oinsa hau bele  hadomi hau nia  enemigo no reza ba sira?

Evanjelhu ohin loron nian fo hanoin mai ita, lisaun nebe mak defisil  atu ema barak halo tuir. Dala ruma duvida senti todan tebes atu halao/halo tuir, ita nudaar ema bai bain iha iha frakesa, Maibe buat nebe ita halo tuir ita nia capasidade deit.

Iha  ohin loron Jesus konvida ita atu soe/husik ita nia hanoin duvidas/todan sira. Nia hatudu/hanorin ita atu simu ema sira nebe halo aat o diak ba ita. Nia husu ba ita atu sai haraik ann, hadomi no fo perdua.

Jesus husu ita atu sai testigu/testemonhu Iha nia domin, santidade y misericordia. Ita husu Nai nia bensaun haraik ba  Ita nia domin no laran diak atu ita  bele sai ema nebe mak diak hanesan Ita Nai.

Maluk sira hotu, iha momentu ida nee mai ita hamutuk agradese ba Maromak, ho Nia lia fuan , nebe mak hanorin  no fo hanoin ita  atu bele respetu ema seluk ho paz, damai no hadomi ema seluk. Hadok ita husi violensia , tanba ho violensia halo ema barak sai terus no sai vitima.  Atu Nai ajuda  Ita  ho Nia Espiritu paz no armonia  hodi  nunee ita bele moris hamutuk ho ema seluk nudar maun alin.

Bom Domingo ba ita hotu! Maromak haraik bensa ita ida- idak.

 

Reflesaun Husi: Irmã Natalia Fouk, OP

 

Kontinua Le'e

LEI LOLOS MAK LEI DOMIN NIAN

 

DOMINGO VI TEMPO BAIBAIN

 

1ª Leitura: Sir. 15, 16: 21 16-20

2ª Leitura: 1Cor. 2: 6- 10

Evanjelho: Mt. 5: 17-37

 

Maluk sira ohin ita  tama iha domingo VI baibain nian,

Iha Evanjelhu ohin loron nian, S. Mateu haktuir mai ita katak: Jesus dehan klaro saida mak nia objetivu mai iha mundu, KETA HANOIN katak, HAU MAI   LAOS ATU HASAI, MAIBE HAU MAI ATU HALO EMA CUMPRI/HALO TUIR LOLOS.

Halo tuir signika katak, halo nia oba, ita hotu iha Jesus nia obra, Nia mak ita nia Mestri. No hanorin  ita atu fiel nafatin iha nia lia fuan. No husu nia eskolante sira para iha etika no respeito.  Tenki hatudu iha prátika no testemunhu. Jesus  mak ita nia  lei  unika. Ita tenke halo  klean iha nia lia fuan ne’ebé mak hakerek nanis ona. Jesus mak boot liu husi Moises no profeta sira. Nia lei no hanarin sira sempre ajuda no fo libre ba ema sira hotu.

            Nia sempre hanorin ita atu koalia lia fuan los no halo buat diak ba ema seluk, bainhira ita nia moris sai diak no kapas tanba buat hotu aprende husi ita.

Maluk sira, iha  evanjelhu ohin loron nian, Jesus dehan klaru saida mak ita labele halo. Iha momentu ida nee mai ita hakmatek no husu ba ita nia an, oinsa hau bele halo tuir Jesus nia lia fuan o lei?Oinsa hau bele esforsa an atu moris tuir lia fuan nebe mak Nia dehan?

Hanoin tok quandu iha mundu ida nee laiha lei, buat hotu se la la’o ho diak no mundu sei sai a’at.  Oinsa quandu  ita la  halo tuir regra iha nasaun, o oinsa  cuandu iha  ita nia moris uma laran o familia nian la iha regra/ley? karik  buat hotu sei sai samfradu liu, o familia se namkari fahe malu. Nunee mai ita hare ita nia an cuandu ita la fiar ba Maromak nia lia fuan, ita nia moris sei sai a’at no  moris sei la hakmatek.

Maibe oinsa ita hili atu moris sai diak no halo buat nebe mak diak,  Nune’e ita moris sei sai diak liu tan  no ita nia hanoin se sai  hakmatek, tanba ita halo tuir saida mak Maromak dehan ba ita, ida ne’e mak Maromak  nia hakarak atu ita hala’o iha nia moris lor’loron nian.

Maromak nia lia fuan ejiji  ita atu halo tuir, liu husi hadomi Maromak liu buat hotu, no hadomi ita nia maluk sira seluk, laos ho lia fuan deit maybe ho fuan ho laran tomak.

Nunee, lia fuan sira nee convida ita atu moris ho atitude  haraik ann no simples hodi hatudu iha ita nia testemunhu ba maluk sira seluk. Ida nee mak ita expresa katak ita halo tuir no hadomi Maromak nia lei.

Iha momentu ida nee ita hotu husu Nai nia ajuda, atu loke ita laran no fuan, hodi  halo ita nia moris sai lei verdaderu nian no lei domin nian.

!! Bom domingo ba ita hotu, no Maromak acompanha nafatin ita ida idak!!

 

Reflesaun Husi: Irmã Natalia Fouk, OP

 

Kontinua Le'e

IMI MAK MASIN NO NAROMAN MUNDO NIAN

 

DOMINGO V TEMPO BAIBAIN

1ª Leitura: Is. 58: 7-10

2ª Leitura: 1Cor. 2: 1- 5

Evanjelho:  Mt. 5: 13-16

 

Maluk sira ohin ita  tama iha domingu V tempo baibain nian, Iha Evanjelhu ohin loron nian Koalia kona ba Masin no Naroman.

Jesus dehan ba nia eskolante  sira imi mak masin no naroman mundu nian,  hodi fo sabor no haburas  signifika katak, masin serbi para fo sabor ba aihan sira. Naroman serbi para fo naroman iha nakukun. Hanesan masin no naroman hala’o sira nia funsaun, ita nia identidade nudar Jesus nia manu ain hanesan presencia Maromak nia reinu.

Ita nia prejensa iha mundo ida nee hatudu iha serbi no misaun. Vokasaun e misaun atu sai masin no naroman ba maluk sira seluk. Labele moris ba ita an rasik ou sai egoísta, sente katak iha mundo nee hau deit mak bele, mak matenek, mak boot , mak riku, mak bonita o bonito….no hare ema seluk la bale no la  iha folin.  Maibe signifika katak, moris iha mundo ida nee para fo testemunho no lia fuan  diak ou lia los kona  Jesus. Oinsa bele sai sasin nebee mak diak, buat hotu ita tenki aprende husi buat nebe mak Maromak hanorin ona  mai ita.

Mundu nee sai nakun presija noraman hodi fo naroman. Mundu nee sai a’at presija masin atu prevene hahalok a’at sira ne’ebé mak naklekar iha mundo, hanesan agora ema barak terus tanba funu, hamlaha no laiha justisa. Ita tenki fo sasin ne’ebé forte mak kona ba Maromak, nune’e ema bele fiar no kunhese Maromak.

Nune’e mos ho naroman , nia funsaun halakon nakukun no lori ema ba dalan los. Ita labele taka naroman saa tan ita rai, funsuan ita ema kristaun o sarani nudar naroman tenki koalia lia los no  halo justisa. Ita nudar Maromak nia oan tenki brani no koalia los ba ema seluk. Ita mos lori ema seluk atu hetan lia los iha Cristu. Maromak nia lia fuan sei sai realidade iha ita nia moris, Ita tenki fiel tuir nia dalan,hodi nunee  ita bele sai testimuniu  diak ba ema sira iha ita leet.

Nunee mai ita  husu ba  ita nia an ida idak…Saida mak impide bainhira ita sai  sasin o sai testemunia ba ema seluk iha ita nia moris?

Maluk sira mai  ita agradece ba Nai ba missaun ne’ebé mak Nia fo fiar mai ita, hodi sai hanesaan Masin  No Naroman ba maluk sira seluk.

Ho Maromak nia tulun ita bele sai testemunia nebe mak diak iha ita nia moris  lor’loron no  hatudu  iha ema sira nia leet.

Domingo Ksolok ba ita hotu!

 

Reflesaun Husi: Irmã Natalia Fouk, OP

 

Kontinua Le'e