HATEKE
Husi máskara nia kotuk, matan hateke hela o...
Matan hateke, hare…simu no husu
Saida mak o dehan? Saida mak o hanoin?
Hateke dook, no la komprende saida mak o hanoin, matan dehan...
Hateke... o hamnasa? O hirus? Hakarak buat ruma? Ou la hakarak buat ruma?
Maibe sim...fo atensaun,
Hateke... hare...iha hakmatek iha fuan,
Tanba iha klamar.
Klamar hodi hare klean, profundu sai husi fuan laran.
No fo importansia ba ksolok, buat furak sira hotu.
Ofresse lor-loron iha silencio,
Buat hotu mak buat hotu nebe ita hadomi, gosta, hakarak...
Maski iha risco laran nunee ita tenki fahe.
Hateke ho máskara
Matan mak sai sasin.......
Matan mak koalia… troka ibun...
Matan mak sai ibun....
Maibe Maromak sempre hamutuk ho ita, besik los iha fuan.
Irmã Natalia Fouk
Baranain, 7 de Fevereiro 2021.
Hanoin klean tebes ... obrigada Maromak tamba matan rua nafatin funsiona atu sai meios komunikasaun iha tempu defisil
ReplyDelete