NIA BOLU NO HARUKA BA

 

DOMINGO BA DALA XV TEMPU BAI-BAIN NIAN

 

Primeira Leitura: Amos 7:12-15.

Segunda Leitura: Ef.  1:3-14.

Evangelhu: Mk. 6:7-13.

 

     Atu sai missionario/a, primeiro ita tenki metin iha Maromak nia misaun. Segundo ita tuir Jesus nia ain fatin no sai ida deit ho nia. Missionaria mak ema nebe sai hanesan Jesus Kristu rasik.

    Saun Markus hatutan nia Evangelhu foca liu ba Jesus haruka nia apostolu sira ba missaun. Iha Evangelhu ne’e ita bele hare buat tolu (3) nebe importante tebes kona ba Jesus Nia bolu ita hotu.

Primeiro: Kualifikasaun

 Iha ne’e Jesus bolu nia apostolu sira hodi haruka sira ba kontinua misaun (Mark 6:7).

   Iha Kualifikasaun Jesus haruka nia apostolu sira atu foca ba Maromak nia Misaun. Nune’e nia komesa husi bolu sira nain sanulu rasin rua no sira nia hakarak atu obedese Nai Maromak.

   Koalia kona ba Kualifikasaun Jesus la refere ba Kualifikasaun hanesan, Matenek, talentu no kreativu maibe refere ba sira nia domin ba Maromak nia misaun no obedese ba Ida nebe bolu no haruka ba.

Segundo: Urgente tebes

   Depois de bolu sira no haruka sira atu ba haklaken Evangelhu, Jesus  fo orden ba sira atu labele lori buat ida iha dalan. Labele lori hahan, sasan ou osan. Labele lori sasan liu fali sira nia nesesidade.  (Mark 6: 8-9). Jesus hakarak nia apostolu sira haklaken Liafuan diak liu husi dalan probreza nian. Atu nune’e ema kiak sira bele iha konfidensia atu simu Maromak nia liafuan. Sira mos senti katak Maromak nia domin ba ema hotu la'os ba rikusoin deit.  Jesus Kristu rasik no Maromak nia Reinu mak importante liu ita nia confortu sira. Misionario/a sira tenki foca ba Maromak nia reinu duke mundu nia riku soin sira.

Terceiro: Fiar

  Iha ne’e Jesus hanorin nia apostolu sira atu tau fiar nebe metin kedas iha Maromak nia providensia. Liafuan fiar nebe apostolu sira iha ho lian Ingles katak “Faith” or “Trust”. Fiar ne signifika katak ita la’o ho Maromak,  obedese ba nia, no halo tuir saida mak nia dehan. Example Jesus dehan labele lori sasan barak, atu nune’e ita nia misaun bele sai kman no hakmatek. Ho fiar mak apostolu sira laran metin deit ba Maromak nia ajuda duke sira nia forsa. (Fiar ida ita iha agora ne’e la’os refere ba “faith or trust ho Liafuan Ingles” maibe fiar ne’e refere ba Liafuan “Believe ho lian Ingles”.)

     Jesus mos haruka nia apostolu sira atu husik tiha ema nebe lakoi simu nia apostolu sira. Sira nebe mak lakoi simu Maromak liu husi missionario/a sira mak ema sira nebe moris la haksolok ho buat saida deit mak sira halo. Sira sei la hetan kontenti ho riku soi mundu nian. Sira moris  laiha domin no  dame, maibe iha preocupasaun, depressaun, violencia no seluk-seluk tan.

Nune’e, se ita simu Jesus husi ita nia maun alin sira, ita simu ksolok lalehan nian iha mundo nebe’e Jesus oferese ba ita.

 

Hakerek Husi: Irmã Rosaria Aurea Ximenes, OP