HADOMI JESUS HATENE TAU MATAN BA NIA BIBI SIRA

 

 

TERCEIRO DOMINGO DA PÁSCUA

 

1a. Leitura:  Atos 5:27B-32, 40B-41

2a. Leitura: Apok  5: 11-14

Evangelho:  Jo. 21 :1-19

 

   Belun doben sira, ita rona iha primeira leitura hakerek kona ba sacerdote bot sira  hatan hasoru apostolu sira nunee, ami hateten ona atu imi keta hanorin. hodi Jesus nia naran maibe imi hanorin liu lmi nia dutrina iha Jerusalem tomak. Pedro ho apostolu sira seluk hatan, lolos nee halo tuir  Maromak nia hakarak liu fali ema nia hakarak ,no espirito ne’ebé Nai  Maromak haraik ba ema nebe tuir Nia hakarak.

    Iha Evanjelho haktuir mai ita oinsa Jesus mosu dala ida tan iha tasi tiberiades nia sorin ba Simão Pedro ho tan apostulo sira seluk ne’ebé kail hela ikan. Iha kalan tomak sira soe dai ba tasi sira la hetan  buat ida ，no dadersan rai hun mutin  Jesus mosu dala ida tan ba sira hodi dehan labarik sira imi iha buat ruma atu han？sira dehan laiha ,Jesus dehan soe dai ba ro sorin kuana no imi sei hetan tebes duni sira labele dada dai tamba Jesus halo milagre hetan ikan barak maibe dai la nakles ida. hare tiha nune’e apostulo sira mos ida lahusu tuir katak ita se?

   Bazeia ba esperiensia . ne’ebé Jesus hatudu ba nia eskolante sira ,nunee mos mai ita ida idak nia esperiencia iha ita nia  moris lorloron nian Jesus nia eskolante sira kontenti ho milagre ne’ebé  Jesus halo ba sira hetan ikan barak no pão be sira fahe ba malu maibe sira ida la hanoin hetan atu husu katak ita ne’e se？Ita ema mos hanesan tempu barak ne’ebé ita hela hamutuk  sai barkada nebe diak no sai belun nebe diak .ita kontenti maibe  ita mos la koinhese malu diak  hanesan Jesus  nia eskolante sira ne’e. Milagre acontese sei ita iha fiar.

     Ikus mai nia hateten ba Simão Pedro ba dala tolu: o hadomi tebes hau？nia  hatan Nai ita hatene buat hotu katak hau hadomi ita. Nune’e Jesus dehan ba nia tau matan ba hau nia bibi sira.

   Hau hakarak kompara Jesus nia bolu ne’e ba hau nia an rasik, se  hau brani hanesan Simão  hatan ba Jesus nia pergunta katak hau hadomi nia？ ou hau hatan katak hau hadomi Jesus maibe hau duvida atu hatan sim？

   Evangelho S. João hanorin mai ita, sei ita hatan katak ita hadomi Jesus no tuir Nia ita iha responsabilidade ida atu tau matan ba ita nia maluk sira liu-liu sira ne’ebé precisa ita nia tulun.

Reflesaun Husi: Irmã Sabina Gonzaga, OP