DOMINGO IV DA PÁSCOA.
1a. Leitura: Atos. 13,14.43-52
2a. Leitura: 7, 9.14b-17
Evangelho: João 10-27-30
Maluk sarani doben sira mak Kristu hadomi, Domingo ohin ita bolu katak, Bom Pastor ou Bibi-atan di'ak. Igreja mós bolu loron mundial ba vokasaun.
Hanesan iha Evangelho São João haktuir mai
ita katak, Jesus Kristu mak Bibi-atan diak Nia hatene ninia bibi sira. Atu hatan ba Bibi Atan nia lian, ita precisa rona. Rona ho tilun no fuan. Nune'e rona tiha lian ida ne'e ita mos koko moris tuir no ba haklaken ba ema seluk lian ne'ebe ita rona. Antes haklaken, ita mos precisa rona.
Ita foin celebra Festa Páscoa katak Jesus nia moris hi'as atu fo hanoin mai ita nudar sarani katak ho Jesus nia moris hi'as housi mate nia mós lori ita moris foun ba ita idaidak. Ne'e ita merese atu fo sasin kona ba se mak Jesus ida ne'e importante teb-tebes.
Ita idaidak iha missaun atu hala’o hanesan mós Jesus ninia apóstulu ba rai-rai tanba deit atu haklaken liafuan diak ba ema hotu. Ita presiza halo tuir hanesan Jesus nia maske Maromak Oan maibe nia hakarak fahe nia domin, fahe nia ksolok hamutuk ho Ita liuhousi mate no moris hi'as.
Ohin mós loron vokasaun nian. Ita reza ba sira ne’ebé hatan Na’I Nia bolu iha vida sacerdotal, religioso/ religiosa sira hot-hotu atu bele fiel nafatin iha vokasaun ne'ebé Na'i Jesus haraik ba sira no nune’e sira mós bele sai bibi-atan diak no hatene tau matan ba nia bibi sira liu-liu sira ne’ebé lakon.
Reflesaun Husi: Irmã Maria de Fátima Sequeira.
0 comments:
Post a Comment