“IMI NIA AMAN ABRÃO, ISAAC NO JACOB NIA MAROMAK LA'OS MATEBIAN SIRA NIAN MAIBE EMA MORIS SIRA NIAN”

 

DOMINGO XXXII TEMPU BAIBAIN NIAN

1a. Leitura: 2Mac 7:1-2,9-14

                                                            2a. Leitura: 2Tes. 2:16-3:5

                                                             Evanjelho: Lukas 20:27-38

     Ema mundo ne’e nian, iha pensamento ne’ebé limitado, ema nia komprende naton deit ba realidade moris nian iha mundo ne’e nian, maibe  fiar an hodi compara ho mundo rohan laek nian(lalehan). Ho esperensia ida nee mak halo ema sai duvida kona ba moris hias.  Hanesan ita rona iha Evanjelho ohin loron nian, kona ba Saduceu balun ne’ebé mak duvida kona moris hias, hodi husu perguntas ba Jesus dehan: mane ida mate tiha no husik hela nia fen, maibe oan laiha. Tuir mai nia alin mak hola fali feto faluk nee. Iha maun alin nain hitu mak hola feto faluk nee maibe laiha oan. Ikus mai sira nain hitu ho feto faluk nee mos mate. PERGUNTA “ feto nee see los nia fen?

   Jesus la uza metafora oioin atu esplika kona ba pergunta nee. Jesus uza deit realidade moris mundo nee nian hodi esplika, tan Nia hatene katak ema nia capasidade la maximo atu compriende kona ba buat ne’ebé ema la hare no seidauk esperensia.  Jesus mos hatene ema nia frakeja, tan nee mak nia fo resposta baseia ba ema nia comprensaun.

    Ho pontus ida nee mak Jesus esplika no fo sai claro ba ema Saduceu sira hodi dehan:” mundo ne’e nia oan sira hola malu nudar fen-laen. Maibe sira ne’ebé soi ba mundo seluk (lalehan) sira nee la kaben tanba sira lebele mate tan, basa sira hanesan anju.

    Liu husi resposta ne’ebé Jesus clarifica ba perguntas Saduceu nian, atu fo hanoin mai ita katak ita ninia existensia iha mundo nee la’os rohan.  Hakait ba ita nia fiar, ita iha esperansa boot katak ita mos sei haksolok iha mundo foun. No mundo foun ida nee la signifika atu repete ita ninia lalaok sira iha rai nee nian, maibe mundo foun ida ne’ebé hafutar ita an ho unuk mutin, hafalun iha fuan ne’ebé la nahas atu hahi no hanai no adora Maromak, hamutuk ho anju sira. Ho fiar ida nee mak Jesus hakarak atu hatete momos mai ita katak mundo foun ou moris hias ne’ebé ita sei hetan iha loron ikus no ita hotu sei sai hanesan Anju sira hotu.

    Atu conclui Jesus hatutun” Abrão, Isac no Jacob nia  Maromak laos matebian nian maibe Maromak moris hias nian”.

    Tuir ita hotu hatene katak SALA ninia consequensia mak MORTALIDADE. No ema hotu aseita katak sala mak halo ita mate no mate ida nee hola parte iha ema nia moris . Maibe tuir ita nia fiar mate la’os ikus ba ita. Moris hias mak destinasaun. No iha ne’eba mak ita  hetan oprtunidade foun atu hela iha mundo foun ida nee hodi hahi no hanai Nai ho hanoin  puro, los no hakmatek rohan laek nian. Amen

 

REFLESAUN HUSI: IRMÃ SARA MENDONÇA,OP