DOMINGO XXXI TEMPO BAIBAIN NIAN
1ª. Leitura: Sabedoria 11:22-12:2
2ª. Leitura: 2 Tesalonica 1:11-2:2
Evangelho: Lucas 19:1-10
Evangelho ohin Domingo ba dala 31 ne’e koalia mai ita kona ba Jesus nia hasoru malu ho chefe cobrador imposto naran zaqueu . Cobrador imposto sira sempre hasoru rejeitasaun hosi sira nia maluk judeu rasik tamba sira ne’e conhecido hanesan ema nebe la honrada, la honesta ,traidor no buat seluk tan, nebe halo sira sai ema excluida hosi sociedade ema judeu nian. Maibe Jesus la descrimina ema ida , Zaqueu hetan privilejio hosi Jesus nebe nia rasik la espera Iha Evangelho ohin Jesus dehan ba Zaqueu ne’ebé iha hela ai leten hein hela hodi hare Jesus ne’ebé liu hosi neba” Zaqueu tun mai lalais, basa, ohin Ha’u sei hela iha O uman”.Zaqueu tun ho laran ksolok boot, hodi simu Jesus iha nia uman. Zaqueu ho presença Jesus nian iha nia uman troka nia moris totalmente too fahe mos ninian rikusoin ba ema kiak no nia mos dehan sei selu fali ema hirak nebe nia halo at sira nia sasan 4x lipat.
Ohin Jesus dehan mos mai ita ida-idak katak Nia hakarak hela mos iha ita nia uma, ita nia comunidades, iha ita nia fuan. Jesus la hare ita nia kondisaun atu iha diak ou ladiak,sucesso ou frustrasaun,iha ksolok ou tristeza nia laran, Jesus oferese mai ita Ninian tempo, Domin no bensaun agora depende mai ita ida-idak , ita nia disposisaun hakarak simu Nia oferta ou lae.
Se ita mos hanesan Zaqueu nebe ho ksolok boot simu Jesus iha nia uma, husik hela ita nia frakesa sira iha kotuk no troka sai ema foun hanesan Zaqueu. Mai ita loke ita fuan husik Jesus horik iha neba hanesan ita nia tamu especial nebe ita sei hakaas_an atu oferese buat diak ba Nia hanesan Zaqueu.
Reflesaun Husi: Irmã Olandina Baptista, OP
0 comments:
Post a Comment