NATAL HAKSOLOK NIAN BA ITA HOTU

 

Missionárias Dominicanas do Rosário Timor-Leste

 

Loron Ksolok, lori Maromak Nia lian fuan hodi hafanun ita hotu hodi fo gratidaun  ba Maromak ba buat hotu ita simu, mai ita husu paz ba ita ida-idak iha Jesus nian iha Natal ida ne’e. Hau hakarak lori imi hotu mai ita reflete hamutuk mensagen furak nebe sei fo pasagem de sentidu ba ita hotu nebe Evangelho Saun Lucas koalia atu ita partilha hamutuk.

Keta laran taridu  maibe nafatin tau tau fiar  no konfiansa tomak iha Maromak nia liamn. livro profeta Isaias nian, nebé haklaken mai ita kona ba “Oan Mane” ida husi David nia descendência nebé to’o daudaun, nu’udar dom ida, ba ita ema iha mundo. Oan Mane ne’e mak sai hamate funu, odio, terus, vingansa no haraik fali felicidade no Paz rohan laek ba ema hotu-hotu iha mundu ida hodi fo hanoin mai ita kona ba razão saida mak ita tenke moris nu’udar sarani lolos no comprometido. Na’I hadomi tebes ita, tamba mundo ne’e laos ita nia hela fatin permanente no valor sira housi mundo ne’e nian nu’udar passagem ida deit.

  Iha Evangelho São Lucas haktuir mai ita katak; oinsa Maromak realiza promesa nebé nia husik hela ba profeita sira; katak Jesus, mane maksoin nebé moris iha Belém mak Maromak ida be mai hasoru ita, hela ho ita iha rai klaran tan hadomi ita.

Ohin ita tama ona ba Na’I nia Natal. Liturgia kalan ne’e nian koalia mai ita kona ba Maromak ida nebé hadomi tebes ita ema. Nia la husik ita monu iha nakukun laran no trerus laran tan ne’e Maromak haruka nia “Oan mane” mai atu liberta ita husi sala, oan mane ne’e, mak naroman ba sira nebé moris iha nakukun laran, kman ba sira nebé moris iha terus laran, alegria ba sira nebé moris iha triste laran, fiel ba sira nebé lafiel, justo ba sira nebé injusto, haraik-an ba sira nebé foti-an, pasiensia ba nebé laiha pasiensia, perdua ba sira lakon perdaun, paz ba sira nebé laiha paz, esperansa ba sira nebé lakon esperansa, haraik grasa ba sira nebé moris iha desgrasa laran.

Mai ita fo liman ba malu nafatin husu Maromak nia benҫão liu husi kosok oan nebé  mai iha ita le’et,  ita nia Nai no Salvador nebé lori ita dame, paz no  hametin ita hotu nia fiar iha Nia, no hametin mos ita nia domin no amizade ho maluk sira hotu. Dame Malu ba ho kristu nia Paz iha ita hotu.

 

Agradece ba imi hotu nebé lee hau na reflesaun ida nee.

Boas Festa Santo Natal e prospero Tinan foun ba ita hotu

 

 

Irmã Alzira F. dos Reis da Costa,OP

Comunidade St. Catarina de Ciena  Salau

 

 

 

Kontinua Le'e

MORIS NAFATIN IHA KSOLOK KRISTU NIAN

 

 

TERCEIRO DOMINGO DO ADVENTO

 

1a. Leitura: Is. 61:1-2a,10-11

2a. Leitura:1 Tes. 5:16-24

Evangelho: Jo 1:6-8,19-28

 

 

Ohin Domingo III tempo Advento nian Iha Leituras no Evangelho  domingo oihn  nian konvida ita atu haksolok  no laran metin nafatin, hodi hakonu ita nia an ho domin no fiar atu nune’e  Na’i Maksoin mai moris iha ita le’et no moris lolós duni iha ita ida-idak nia fuan.

Iha Primeira Leitura housi Profeta Isaías;fo hanoin mai Ita tenque haksolok tanba Maromak fo hatais ona ita ho Maksoin no taka ho justisa atu lori liafuan diak hodi haklaken tinan grasa nian ba ema sira be terus no laran susar.  No Iha Segunda Leitura housi São Paulo Nia Surat ba sarani sira iha Tessalónica mos haktuir mai ita katak São Paulo husu ita atu moris nafatin iha ksolok hodi harohan no fo agradece nafatin ba grasa sira hotu nebe ita simu husi Na’i liu husi ita knar lor-loron nian.

Iha Evenglho Domingo ida ohin nian, nudar evangelho ksolok nian, basá Nai Nia loron moris nian besik dau-daun ona, ne’e duni  Saun João Batista be nudar manu ain Cristo nian, nia mai uluk hodi prepara fatin ba Jesus ne’ebe atu mai.  João Batista mai nu’udar Profeta ikus, husi Profeta sira hotu, Nia mai hodi prepara dalan, hodi halo ita ema hamos a’an, hakribi salan, no simu batismo nudar preprasaun  ba Jesus nia vinda; Tan Missaun ida ne’e mak Nia Mai uluk. Ne’e duni  Wainhira rona kona ba hakribi salan ema wain penasaran.  Ema Sira be penasaran ne’e uluk liu mak ema Judeu, ema Publicano, ema Levitas no sacerdotes  sira. Tan penasaran resin, Judeu haruka sacerdotes no levitas sira husu ba  João Batista: “Ó se los? Ó Elias?  Ó Profeta?  Ó se?   Ó rasik dehan to’ok ó se? Ó laos Messias, laos Elias, laos Profeta, nusa mak ó sarani ema?  Rona tiha Pergunta sira nian ne’e, João Batista  hatan dehan: Ha’u sarani ho ué, maibe, imi le’et iha Ida ne’ebé imi la hatene: Ida ne’ebé mai tuir ha’u,  ha’u la soin atu kore nia sandalis talin. São João Babtista ema ida ne’ebé  la foti a’an maske nia nudar manu ain Nai Maromak nian, maibé nia hetok haraik a’an. Nune’e nia dehan: sei mai ida ne’ebé maka’as liu hau, katak Cristo.

Tan ne’e ho exemplo São João Babtista nian mai ita ida idak, buka halo buat diak no ajuda ita nia maluk sira ne’ebé terus, moras no sira be iha dadur laran, hodi hatudu hahalok diak ba malu,hadomi malu fo liman ba malu no hakribi ita salan atu nune’e ita mos bele sai ema foun iha Cristo no kontinua fahe ksolok cristo nian ba ita nia maun alin sira iha familia no sociadade.

Mai ita ho laran haksolok hein Jesus atu mai iha ita nia moris hodi lori Ksolok rohan laek mai ita hotu. Haksolok ba!

Reflesaun Husi: Irmã Gragiela do Nascimento, OP

 

Kontinua Le'e

Fo tempu atu prepara an

 

Domingo Daruak Adventu nian

1a. Leitura:Isa. 40: 1-5,9-11

2a. Leitura: 2Ped. 3:8-14

Evangelho Marcus: 1:1-8

 

Iha ita nia moris dala barak ita “sibuk” ho ita nia moris ho actividade oi-oin. Liu-liu besik ona tempu natal. Familia sira comesa ona halo plano oinsa atu celebra festa natal hamutuk.

Iha escritura sira ba Segundo Domingo tempu adevento nian ajuda ita atu focus fila fali kona ba sentido no finalidade husi tempu ida ne’e no oinsa atu enriqueça ita nia moris. Saun Marcus cita liafuan profeta Isaias nian husi primeira leitura, ““Ha‟u haruka Ha‟u nia anju la‟o iha Ó nia oin, atu hadia dalan ba Ó. 3Lia ida ne‟ebé hakilar iha rai fuik maran, „Hadia dalan ba Na‟i, halos dalan ki‟ik sira ba Nia.‟

Saun João rasik hatudu ejemplo oinsa atu prepara an.  Nia uza nia tempu ho silencio iha rai fuik maran atu halo dicernimento ba saida mak Maromak hakarak ba nia atu  halo.

Nunee mai ita ida -idak mos bele halo hanesan, liu husi pasa ita nia tempu iha silencio iha fatin mak ajuda ita reflete kona ba ita nia moris no bele husik ita nia Nai Jesus atu tama iha ita ida- idak nia fuan.

Husu ita nia an ho perguntas sira tuir mai ne’e:

·         Obtaculo saida hau precisa hasai husi hau nia moris atu simu Jesus?

·         Oinsa hau prepara dalan ida atu Na’I bele serbisu iha ema seluk nia moris liu husi hau?

·         Hau pronto atu sai mensajero da paz iha hau nia familia, ba belun sira ne’ebé lakon nia fiar iha igreja, no iha mundo ida nakonu ho violencia oi-oin?

 

Atu nune’e  imi nia orasaun no reflesaun bele iha fuan no lori imi prepara dalan ba imi no ba ema seluk atu hasoru Cristo iha tempu natal.

 

Reflesaun Husi: Irmã Goretti Almeida, OP

 

 

Kontinua Le'e