MATAN MORIS BA HODI HEIN

 

PRIMEIRO DOMINGO ADVENTO NIAN

 

1a. Leitura:Is. 63: 16b-17,19b;64:2-7

2a. Leitura: 1 Cor. 1:3-9

Evangelho: 13:33-37

Ohin loron ita hahu Domingo dahuluk Adventu nian. São Marcus hafanun ita hotu atu sai  matan moris  no neon nain. Ita rona mesagen Jesus nian dehan katak “Nu’udar ema lao rai ida ne’ebé husi nia uma hodi haraik kbiit ba atan sira, fahe knaar ba sira ida -ida no haruka ida ne’ebé hein odamatan atu sai matan moris no neon nain”. 

Ho liafuan hirak nee hotu, hateten mai ita ida idak , liu husi domingo dahuluk ba adventu nian ida nee, iha buat tolu ne’ebé Nia fo hanoin mai ita maka:

·         Jesus mai tia ona( Natal)

·         Jesus mai (Liafuan no Sacramento)

·         Jesus sei mai iha loron ikus (nu’udar Salvador)

Ho pontus tolu nee Evangelho ohin loron nian guia ita atu prepara ita nia an ho fuan mos no hahalok diak. Matan moris atu hare ba ita nia mundo ohin loron, ema barak lakon sira nia moris tan funu, pobreza, injustisa, no conflitos oi-oin. Iha ita nia rain barak sei lakon sira nia serbisu tan sistema politica ne’ebe favorece no fo opportunidade deit sira ne’ebé partidu hanesan. Maluk barak sei kiak hela tan situasaun iha rai laran la ajuda atu ema moris ho dignu.

Ita iha responsabilidade atu tau matan ba malu. Nune’e, mai ita prepara ita nia fuan atu simu Jesus iha ita nia moris. Husik Jesus hela nafatin ho ita, atu ita bele hetan moris ida diak liu tan.

Reflesaun Husi: Irmã Cacilda De Fatima