Domingo Daruak Tempo Baibain
Primeira Leitura: Is 49:3, 5-6
Segundo Leitura: 1 Cor 1:1-3
Evanjelho: Jn 1:29-34
Evangelho loron ohin nian enfatiza kona ba São João Baptista nia lalaok fiar nian. Hanesan mensageiro Maromak nian, São João Baptista mai uluk hodi prepara fatin hodi simu Jesus. Molok Maromak haruka São João Baptista mai, Maromak hili uluk Israel oan sira atu sai nia servidor ba nia Liafuan. Sai hanesan atan ba Maromak nia mensagem, Maromak hasai sira husi mundu nian ukun, terus no susar.
Tamba deit Israel nia fiar mak Maromak halo sira sai naroman ba nasaun hotu no salvasaun Maromak nian ba ema hotu iha mundu tomak. Ho ida ne mak naroman ne’ebé Maromak fo ona ba Israelita sira kontinua haklaken husi São João Baptista sai ba ema ne’ebé moris iha nakukun laran. Nia lori ema sira sai husi dalan at hodi tuir Maromak. São João Baptista sarani ema hotu ho nia fiar liu husi be hodi hein Jesus Kristu nia spiritu atu hasantu ema sira hodi sai Maromak nia oan. Hanesan Maromak nia atan, São João Baptista rekonese nia an katak nia la’os maksoin, maibe nia mak mata dalan ba Maksoin ne’ebé atu mai.
Humilidade nebe mak São João Baptista konfesa kona ba nia an halo evangelista joao mos hare Jesus hanesan Maromak nia oan rasik. Hanesan São João Baptista mai ita haklaken Maromak ba ema seluk, tamba ita nia fiar mos bele loke ema seluk nia fuan hodi lao tuir Jesus.
São João Baptista nia fiar halo nia rona no hare Maromak nia manifestasaun ba nia oan rasik. Ho ita ne mak São João Baptista haklaken katak ho Jesus mak ita bele iha Spiritu santu Maromak nian. No fiar nebe mak sira haklaken kontinua iha São Paulo ne’ebé mak Jesus rasik hili hodi lori nia mensagem domin nian ba Mundu tomak. Tamba deit humilidade São Paulo husik nia moris pasado nian hodi tuir Jesus iha nia moris tomak.
Reflesaun Husi: Irmã Rosaria Aurea Ximenes, OP
0 comments:
Post a Comment