Domingo Epifania do Senhor
1a. Leitura: Is 60:1-6
2a. Leitura: Eph 3:2-3a, 5-6
Evangelho: Mt 2:1-12
Kristu, ita-nia naroman mai ona iha mundu no nabilan iha nakukun laran.
Iha festa Epifania nian ne 'e, koalia kona ba Na' i nia manifestasaun ba povu hotu-hotu no reprezenta husi ema matenek nain sira ne' ebé mai husi loro-sae atu bá adora, ema Judeu nia Liurai.
Evangelho Saun Mateus fo hanoin mai ita katak ema matenek nain tolu maske husi dook maka mai maibe sira mai ho objetivu ida no fokus hodi buka Naroman ne’e too hetan duni. Naroman ne’ebé mai ona iha mundu hodi leno iha nakukun laran. Sira hanorin ita oinsa bele fokus ba buat nebe prioridade liu ba ita nia moris maka Nain nia prejensa mai iha ita le’et. Tan Nia lori domin, paz no unidade mai iha mundu. Sira nain tolu hanorin ita lisaun hanesan pasensia, fokus no nakonu ho esperansa.
Matenek nain tolu ne’e wainhira ba hare Menino Jesus ho presente furak ida hanesan osan mean, ai wen morin, ho mina morin. Ba ita nu’udar Sarani Katolika, presente saida maka ita bele oferese ba Nia? Wainhira ita hakarak atu oferese duni presente ida ba Nia maka hanesan perdua ema, hadomi ema seluk hanesan ita an rasik.
Reflesaun Husi: Irmã Felizarde dos Santos, OP
0 comments:
Post a Comment