“Keta tauk ema sira, basa,la iha buat haksumik ne’ebé sei la hetan;la iha buat ida ne’ebé ema sei la hatene ”

 

                                           DOMINGO XII TEMPU COMUN

 

1a. Leitura: Jer.20,10-13

2a. Leitura: Rom. 5,12-15

Evangelho:  Mt. 10,26-33

 

Ohin ita rona leitura tolu ne’ebé fo hanoin mai ita ,wainhira ita iha susar nia laran, tenki iha laran metin nafatin iha Na’i.

 Iha primeira leitura profeta Jeremias  ne’ebé simu liafuan a’at barak iha nia moris, liu husi ne’e halo nia fiar liu tan  katak Maromak sempre proteje nia nafatin wainhira nia hetan susar oi-oin.

 Iha segunda leitura saun Paulo  nia karta ba sarani sira iha Roma dehan katak ita sei la liu husi sala no mate ita mos la hetan moris foun iha loron ikus , nune’e  fiar katak  Jesus ida ne’ebé hadomi tebes nia eskolante sira , nia la husik sira mesak maibe nia sempre hamutuk nafatin  no proteje sira.

Iha evangelho saun Mateus nian dehan ita ema sempre iha protesaun husi Na’i , tamba laiha buat ida  ne’ebé subar ema sei la hatene no sei la hetan , maibe lia hirak nee Jesus dehan subar mai ita atu bele ba haklaken ba uma kain sira seluk nebe oho isin maibe labele oho klamar .

 Jesus fo nafatin coragen mai ita atu keta tauk basá maske fuuk lahan deit mos nia sei sura hotu , katak atu labele subar buat ne’ebé iha naroman. Labele tau fali iha nakukun tanba ne’e labele tauk .

  Ema  ne’ebé hanai hau iha ema seluk sira leet  hau mos sei hatene nia iha hau Aman  ne’ebé iha lalehan nia oin , maibe ema ida  ne’ebé heli hau iha ema seluk sira leet  hau mos sei la hatene nia iha hau Aman  ne’ebé iha lalehan nia oin.

Nune’e keta tau atu moris iha naroman nia laran.

Reflesaun Husi : Irmã Sabina Gonzaga, OP