Ema ne’ebé mak serbisu ho los sei hetan naroman moris nian

        DOMINGO BA DALA IV TEMPU CUARESMA

1ª Leitura: 2 Cro36:14-16 19-23

2ª Leitura: Efes 2:4-10

Evangelho: Jo. 3:14-21

 

Maluk sira, misericordia domin no salvasaun nee lia fuan sira nebe mak sai chave iha quarto domingo tempu cuaresma ida ne’e. Maromak ne’ebé mak ita fiar, hanesan Maromak ida  riku ho misericordia tanba Maromak mak domin nain ba creatura sira hotu. Maromak nia justisa  mak sai hanesan domin tanba husi Maromak nia domin mak salva ita. Nia hadomi tebes ita hodi nunee Nia haruka nia oan mane mesak mai iha mundo atu salva ita. Ita nia experensia fiar nian labele haketak ann husi Maromak nia domin los no compromisso mak lori ita nia fiar  iha Maromak nia domin.

Iha Evangelhu ohin koalia kona ba, Ita nudar ema sempre hakarak  moris nafatin. Nunee Ita nia esperensia lor loron sai hanesan testemunha  Evanjelho hanesan dalan fiar nian. Se hakarak moris rohan laek tenki fiar metin iha cristu. Nunee ita nudar cristaun, moris rohan laek tenki hare no fiar ba  Jesus iha situasaun saida deit ho ita nia esperencia amizade no relasaun metin ho Maromak. Iha dalan importante ba ita, tanba ho ita nia experensia fiar nian, no se hafahe ita nia esperansa ba moris rohan laek no posiblidade ba futuru,

Fiar iha Jesus, hanesan dalan hodi loke odamatan hodi bele hetan vida rohan laek nebee ita mehi, ida nee mak esperanza ba moris rohan laek. Maromak nia domin rohan laek ba mundo no hadomi liu ita hodi entrega nia oan mane mesak mai iha mundu atu salva ita. Nia hadomi munda  la iha sasukat no ho  laran tomak.

Iha refraun ida hateten katak “obras domin nian laos rasaunne’ebé  mak diak. Maibe obra domin Maromak  ne’ebémak hatudu mai ita hanesan  dom ida ne’ebé mak entrega nia Oan Mane Mesak mai atu salva ita hodi moris rohan laek. Nunee mate iha cruz sai hanesan aksaun domin ne’ebé mak laiha sasukat.

Domin signifika fo doação  husi nia ann rasik, KUANDU LA IHA DOMIN LA IHA DOAção, LA IHA SAKRIFISIU NO LA IHA ENTREGA.

 

Maromak foti insiatifa atu hadomi ita hakuak ita ho Nia miseria no transforma ita nia fraku hodi hetan graça. Tanba nia hadomi  liu ita no sai la premeira, tanba hakarak ita sai perfektu no sai diak liutan husi buat husi hotu. Cristu naroman mundo nian no naroman ba ita nia moris, nia ofrece naroman ba ita hodi ita sai naroman liu tan. Naroman ida nee oinsa bele halao, saida mak  iha ita nia fuan.

Maluk sira, dala ruma ita koalia bosok mak barak duke koalia los, maibe ita presija lia los hodi salva naroman ne’ebé ita iha atu sai naroman diak liu tan. Nunee Cristu mak hun husi lia los nian, ho lia los halo ita libre, tanba Maromak ponte lia los no moris rohan laek. Maluk sira, Kuaresma mak tempu atu aprende dalan domin nian no dalan atu hakribii  ita nia sala.

Mai ita fair ba NIA hodi hetan moris rohan laek.

BOM DOMINGU BA ITA HOTU NO MAROMAK ACOMPANHA ITA NAFATIN.

 

Reflesaun Husi: Irmã Natalia Fouk, OP