3° DOMINGO DA PASCOA
1a. Leitura:Acts 5,27b-32,40b-41
2a. Leitura: Apoc 5,11-14
Evangelho. Jo.21,1-9
Jesus Nia apostolo sira mesak pescador ema, ti’ha nain sira ne’ebé professional tebes. Ida nee parte ida iha sira nia moris no servisu ne’ebé sira halo hela wainhira Jesus liu bolu sira hodi tuir Nia.
Jesus bolu mos ita atu fila fali ba Nia. Iha ita nia journada moris nian liu liu iha tinan Jubileu nian nee, mai ita ida-idak ho lao ba hasoru Jesus iha dalan esperansa nian ho fuan boot rekonhese Jesus ne’ebé konvida Pedro iha sira nia dialogu ho apostolo sira seluk, haruka soe dai ba tasi tanba Jesus hatene saida mk sira halo buka ikan iha kalan tomak soe dai maibe la hetan buat ida. Iha parte ida tanba sira la rekonhese Jesus iha ne’ebé mosu ba sira iha tasi ibun, tanba nee sira la hetan buat ida iha kalan nee. Hafoin rona tiha Jesus nia lian sira nian matan nakloke ho fiar wainhira dai nakonu ho ikan barak no dai besik ona atu nakles.
Dala ruma mos ita lakon konfiansa iha ita nia servisu balun ne’ebé ita halo ho ita nia esforsu ne’ebé makas maibe too ikus ita la hetan resultadu diak. Jesus nafatin husu ita atu koko nafatin lao ba oin laos atu fila ba kotuk.
Mai ida idak reflete mos ba ita nia an katak loron loron Jesus mos husu ba ita perguntas ne’ebé hanesan nia husu ba Pedro. Dala ruma ita mos hanesan Pedro hatan ba Jesus maibe ho ita nia fiar ne’ebé la hanesan.
Iha dalan balun ita bele hatan hanesan Pedro hatan ba Jesus ou iha mos dalan balun ita nia hatan ba Jesus la hanesan, tanba ho ita nia preokupasaun barak ba sasan mundo ne’ebé dala ruma halo ita sai vitima hodi la rona ba Jesus nia haruka sira.
Dala ruma iha momentu balun importante tebes, ita haluha atu rona Jesus ne’ebé bolu ita no atu rona Nia iha momentu nakukun nia laran tanba Jesus hatene buat hotu iha ita nian hanoin sira no saida mak ita halo.
Maromak nia liafuan ne’ebé ita rona encoraja nafatin atu lao hamutuk ho Jesus ne’ebé fihir no bolu ita iha dalan esperansa nian ba hasoru Jesus ho fuan moos. Hatan ba Jesus nia konvite sira ho votu de obediencia ne’ebé ita halo. Hanesan Jesus husu Pedro ba dala tolu o hadomi hau ka lae? Bali hau nia bibi sira,responsabilidade boot ne’ebé Pedro simu maske todan maibe Pedro hatene katak Jesus la husik nia mesak. Nune’e mos ita bele banati tuir mos hahalok diak nee iha ita nia ida -idak nia moris .
Bom Domingo Ba Ita Hotu !!!
Reflesaun Husi: Irmã Zelia dos Reis, OP
0 comments:
Post a Comment