Graduasaun exercicio iha Pre Eskolar Saun Domingos de Gusmao, ba dala 14. Loron 5 de Dezembro de 2020 ho lema: “O nosso Futuru é Brilhante”

 

Graduasaun exercicio  iha Pre Eskolar Saun Domingos de Gusmao, ba dala 14 halao iha loron Sabadu, 5 de Dezembro de 2020 ho lema: “O nosso Futuru  é Brilhante”

Graduasaun nee hahu ho simu Bainaka husi Estudantes Drumband (Eskola Dominikana Hera), hodi akompanha bainaka husi Ministerio Edukasaun Nasional, Ministerio Edukasaun Municipio, delegada Provincial Irma Milagros Guarte no reprezentante Dir. Edukasaun Dominikana hafoin estudantes no inan aman akompanha hodi lori sira ba Salaun de Saun Domingos.

Continua kedas Marcha husi Graduantes,ho Total graduantes 56 feto 26 mane 30. 

Mestra sira nebe hanorin mak iha ano escolar 2020 mak Mestra Elda Elda Soares, Mestra Saturnina da Silva no Irma Fatima Sequeira ho sira nia diretora escola nian mak Irma Lucia do Carmo.

Kongregasaun Missionarias Dominicanas do Rosario  serbi maun alin sira liu husi edukasaun Bazika tan nee ami fasilita edukasaun kualidade bazeia ba ami nia karizma  hodi opta ba direito moris no dignidade hodi assumi lema: Ciencia, virtude no aksaun sinteze fiar, cultura no moris;

Ciencia: Dezenvolvimentu matenek integrada ho fuan hodi lao too iha lialos liu husi investigasaun     cientifika 

Virtude: konstrui no adopta eskala valores nebe orienta sira nia etika moral hodi moris iha     dignidade

Aksaun: sai labarik dinamika, aktivu hodi dezenvolve nia hanoin atu sai produtivo nokreativo.

Graduasaun exercicio ida ne'e nakonu ho ksolok no ambiente familiar tan iha participasaun masima husi inan aman, aluno sira, professoras no convidado sira. 

Representante husi Irmas Dominicanas, Irma Alda Soares, iha ninia mensajen fo emfasis ba  Papel professores nian liu-liu foca ba area importante tolu:

1.      Oinsa maka profesores sira bele ajuda, dezenvolve estudante sira nia matenek liu husi procesu aprendezazen nian.

2.      Profesores sira laos deit atu hanorin materia deit maibe atu transforma mos estudante sira nia an liu husi procesu aprendezazen

3.      Professores mos sai mata dalan ba estudante sira hodi descobre kona saida maka ba lialos.

Tamba ne’e ita iha Timor presiza hasae liu tan capacidade professores sira nian atu bele iha capacidade diak hodi influencia estudante sira.

Nia hatutan  katak  atu sai professores nebe diak tenke iha objectivo ne’ebe klaru no nia tenke domina ninia lisaun, tenke preparado molok ba iha aula laran, no iha responsabilidade  boot ba studante sira, Hodi nune’e bele encoraza estudante sira iha procesu aprendezazen.

Irma Alda mos agradese ba professores sira ne’ebe fo an tomak  hodi hanorin iha escola sao domingo de guzma. Ha’u hatene professores ne’ebe hanorin iha infantil ou TK ne’e la fasil tamba atu acompanha ou hanorin ita nia alin kiik ho idade 4, 5 ou 6 ne’e presiza pasensia barak, no domin ne’ebe boot.

Hanesan agradesemento ba profesores sira estudante  ida ho naran Milena da Silva dedika Puizia ida  ba sira ho titulo:

LIAN OSAN MEAN

Professora…

Rai Nakaran Destina Imi Nia Deskansa

Maske Imi Matan Kolen Atu Hateke

Laiha Opsaun Atu Hapara

Haksumik Imi Husi Toba Fatin.

 

Hanesan Loro Matan Dader Nian

Harahun Nakukun Iha Lidun Lalehan

Husi Mahoben Domin Iha Imi Fuan

Hatutan Ba Ami  Orasaun ho Haksolok.

 

Professora...

Husi Oras ba Loron, Semana Hakat ba Fulan

To’o Tinan Besik Remata, Imi Lian Nafatin Halerik

Dalen ho Lian Mamar,  Hatudu dalan Futuru Nian.

Imi Lasenti kolen Atu Hakbiit Ami,

Dada Ami Liman, Marka Dalan Moris

ABC no 123, Mak Sentidu Moris nian

Hau Belun Sira…

Kesi ba Ho Korenti Domin

Lian Menon Husi Professora

Hodi Kuda iha Ita Nia Hanoin

                                                                          Basa.....

Sira Lian Mak Osan Mean

Obrigada.

 

Hakerek husi:

Irma Lucia do Carmo, OP

Kontinua Le'e

Hametin fiar no haraik-an hodi haklaken Evangelho.

Domingo advento daruak nian

Primeira Leitura: Is.  40:1-5, 9-11

Segunda Leitura: 2 P 3:8-14

Evangelho: Mk. 1:1-8 

HAMETIN FIAR NO HARAIK-AN  HODI HAKLAKEN EVANGELHO.

Reflesaun husi: Irma Felizarde Mariana dos Santos

Ohin ita tama ba Domingu advento daruak, Evangelho ohin iha São Markus foti husi Profeta Isaias katak “lian be hakilar iha rai-fuik maran: ‘hadi’a Na’i nia dalan, halόs nia dalan terik!” (Mk 40:3) ida ne koalia kona ba Joao Baptista no ninia ministériu. Nia maka Kristu nia manu-ain atu mai uluk Nia hodi prepara dalan los ba Nia. Nune’e hau nia reflesaun ohin nian hau hakarak atu hatudu frase haat nebe maka importante liu, hanesan tuir mai ne:  atu sai Ninia manu-ain/mesenjeiro, atu troka ita nia moris, haraik-an, nakloke an ba Espiritu Santu.

Sai Kristu Nia manu-ain ne katak atu sai nu’udar Ninia lian tan ne’e halo tuir saida maka Joao Baptista halo iha evangelho ohin nian. ita nu’udar sarani katolika tenke sai Joao Baptista tuir mai, atu nune’e bele sai Profeta nebe mak iha kualidade hodi haklaken Nain nia evangelho ba nia emar sira liu-liu ema sira nebe maka presija liu. Maske situsaun agora ne mak troka buat hotu maibe ita tenke book an hodi lao ba oin nafatin hodi servi nia emar sira liu husi dalan oin oin. Hodi too ema sira nebe maka presija loss tamba ita mak Nai nia instrument tan ne, ita la lakon esperansa maibe fiar metin nafatin ba Nia hodi haklaken Nain nia liafuan diak ba mundo. 

Tempu Advento  fo hanoin beibeik ona mai ita atu troka ita nia  moris hodi nune’e ita bele hamamuk fatin ba Nia.  Entaun saida mak ita presija prepara atu hein Kosok oan Jesus?

Situasaun agora nebe ita enfrenta dadauk nian katak mundu tomak afekta hotu tamba Virus Korona, ita nia moris troka total kedas, ida ne mos fo vantagen ba ita tamba hanorin ita sai ema nebe domin nain, unidade no buat seluk tan, loke ita nia matan hodi hare saida mak akontese iha mundu. Tan ne’e ita tenke iha mudansa hodi lao ba oin. 

Oinsa ita bele troka ita nia hahalok no mudansa ne liu husi sakrametu  rekonsiliasaun no husu perdua ba Nai ba buat hirak nebe maka ita halo iha tempu uluk tamba tempu adventu ne oportunidade diak mai ita para atu prepara-an no fó liman ba malu hodi prepara hela fatin mamuk ba kosok oan Jesus nebe atu mai tempu natal nian. 

Lisaun ohin hau aprende iha evangelho Markus nian maka virtude ho haraik-an tamba ne maka xave ida atu komprende liu tan iha tempo advento ne ninian. Entaun wainhira ita ho haraik-an hodi haklaken Nain nia liafuan diak ita sei manan buat hotu. Tan ne evangelho ohin nian Joao Baptista fo exemplo diak ba ita mosmos, ita tenke haraik-an no loke ba Nain nia graca, vontade no Espiritu Santu atu molde ita nafatin.

Domingo ida ne ita sunu lilin Segundo adventu nian, ne reprezenta Fiar. Ida ne’e bolu “Lilin Belem nian” hanesan relembra fila fali Maria no Jose sira nia viajen ba Belem. Nune’e ema fiar nain mak sira nebe sempre esforsu an hodi halakan naroman iha nakukun laran iha moris lor-loron nian. Sira konsiente katak sira ema fraku maibe sira esforsu an nafatin atu moris iha grasa Maromak nian. Esperansa mak liafuan save ba sira. Naroman no esperansa ba ema fiar nain mak Jesus Kristu, ita nia Mesias.

Kontinua Le'e