IHA FATIN NE’EBÉ HAU HELA, IMI MOS SEI HELA BA

 

 

DOMINGO BA DALA VII PASCOA

SOLENIDADE DA ASCENÇÃO DO SENHOR

 

1a. Leitura: Apos. 1:1-11

2a. Leitura: Ef.  1:17-23

Evangelho: Mat.  28:16-20

 

Maun alin doben iha Kristu,  ohin igreja selebra loron importante ida iha sarani hotu nia moris; selebrasaun ne’ėbé hanaran Ascenção do Senhor ka Jesus sae ba lalehan momentu ne’ebé maka istoria fiar nian, liu tiha Ninia moris hias husi mate Nia sae ba lalehan iha Aman nia Gloria ho Ninia kbiit rasik. Nia husik hela iha mundo,  husik hela Nia eskolante sira maibe la’os atu halo eskolante sira sai oan kiak basà nia promete tulun nain ba ita ida-idak.

Jesus ba lalehan hodi prepara fatin furak ida ba ita, fatin hakmatek rohan laek nian ne’ebé ita sei horik iha ne’eba iha ita nia loron ikus no fo sasin mai ita katak lalehan mak ita nia destinasaun rohan laek nian iha loron ida basa ita nia fiar , fiar ba moris hias nian iha loron ikus tan  iha han kalan ikus nian Jesus hateten hela liafuan ikus nunee “ Hau sei mai fali atu lori imi mai hamutuk ho Hau iha Hau nia fatin, iha nebe Hau hela imi mos sei hela ba.

            Iha primeira leitura ita rona iha apostulu sira nia hahalok hatoo mai ita oinsa Jesus ba lalehan no promete hela nia Espiritu Santu nu’udar tulun nain ne’ebé  sei mai guia ita no haforsa ita nia viagem iha mundu nee ne’ebé sei lori no lao iha dalan misaun nian ne’ebé ita hotu sei fo sasin hodi haklaken liafuan diak. Jesus mai husi lalehan no nia fila fali ba lalehan nunee mos ita laos mundu nee nian tan nee ita nia moris laos kesi ba sasan mundu nee nian.

 Iha segunda leitura kona ba apostulu saun paul nian ba sarani sira iha Éfeso koalia kona ba oinsa Jesus hatudu nia an ba igreja no ba ita hotu; revelasaun neebe lolos iha nia Gloria buat hotu neebe nia hanorin mai ita mak oinsa ita fiar iha kristu ita Nain no nia fo hanoin mai ita atu fiar iha Jesus Kristu ne’ebé nuudar Maromak nia Oan lolos basa liu husi moris hias no sae ba lalehan Nia hatudu mai ita kona ba lalehan nia Gloria rohan laek.  Ida nee fo hanoin mai ita katak ita nia fiar la lakon leet deit basa kreda nia istoria fiar nian manifesta mai ita iha Ninia moris santu hotu. Iha evangelhu saun Joao nian hatoo mai ita katak Nia haruka ita atu kontinua haklaken Jesus nia naran ba fatin hotu-hotu.

Tan nee, maun alin sira ho ita nia selebrasaun Jesus sae ba lalehan no oinsa ita  nia misaun ohin loron nian mak evanzelizasaun iha tempu ohin loron, misaun importante ba ita nia an hadia ita nia igualidade moris nuudar sarani.  Ita harohan atu ho Maromak nia Gloria lalehan nian kontinua hatudu dalan mai ita no nafatin fo inpirasaun liu husi nia Roman lialos no domin nunee ita hakas an nafatin atu sai eskolante ne’ebé diak iha mundu ohin loron. Tan Sentru husi viajem mundu nee nian mak dalan ba lalehan. Durante loron haatnulu nia laran liu tiha Jesus nia moris hias Nia sempre mosu ba eskolante sira atu enkoraja sira, hametin sira nia fiar nu’udar fini domin nian.

Iha konsiliu vatikanuy II afirma nune’e: Kristu sempre prezente iha igreja iha komunidade liu liu iha selebrasaun liturjia Eucaristia tamba liu husi Eukaristia mak maneira espesial hodi revela ninia domin ba ita tan nee mai ita haksolok nafatin unifika ita an ho Aman  Maromak, ho igreja, ho sarani sira. Laiha ema mak hapara Maromak nia domin nunee ho Jesus ne’ebé sa’e ba lalehan fo hanoin mai ita atu husik ita nian an sai ida deit ho Aman Maromak.

 

Reflesaun Husi: Irmã Lucia do Carmo, OP

 

Kontinua Le'e

HATENE HADOMI- HATENE MORIS TUIR UKUNFUAN

 

DOMINGO BA DALA VI

TEMPU PASCUA

 

1a. Leitura- Apos. 8: 5-8,14 17

2a. Leitura- 1 Ped 3: 15-18

Evangelho-Jo 14: 15-21

 

            Jesus  husu ita atu hadomi malu nafatin no atu hadomi hanesan Nia. Nia hateten nune’e   imi hadomi  Hau karik imi sei halo tuir hau nia ukunfuan sira. Hau sei harohan ba imi atu haraik ksolok wain seluk ne’ebé atu hela nafatin ho imi.

Moris tuir Jesus deit mak ksolok lolos maske dalan barak ita hasoru desafios  nudar  ita ema fragil/fraku, maibe Jesus enkoraja nafatin ita atu keta hare ba dezafios nudar ita nia inimigo maibe hadomi dezafio nudar amigo tanba  loron ida ba loron seluk Nia sei transforma ita atu sai husi dezafios ba ksolok lolos ida iha tempu tuir mai.

 Nune’e  keta tauk no tau laran metin nafatin ba Jesus  tanba Jesus deit mak halo buat hotu nia mak hun no nia rohan. Tau laran metin deit ba Jesus mak ita nia dalan lolos no dalan salvasaun nian.

        Domin Maromak nian hanesan we matan moris ne’ebe suli lapara ba ema ne’ebé presija Maromak nia grasa. Tan domin deit mak ema bele moris hakmatek no domin deit mak bele kesi ema nia relasaun ema ho ema no ema ho Maromak.

            Tan ne’e maluk sira, sei ita koalia kona ba domin, laos koalia deit iha ibun maibe tenki halo tuir ukunfuan Jesus nian. Hadomi hanesan Nia hadomi ita.

 

Reflesaun Husi: Irmã Maria Goreti de Almeida, OP

 

Kontinua Le'e

JESUS MAK DALAN BA LALEHAN

 

 DOMINGO 5   PASCUA NIAN

1a. Leitura: Apos. 6:1-7

2a. Leitura:1Ped. 2:4-9

Evangelho: Jo. 14:1-12

Ohin ita tama Domingo lima ba Pascua nian, no liu husi passagem Evangelho ohin nian, Sao Joao hateten mai ita kona ba fatin neebe Nai Jesus hadiak ona ba ita iha lalehan. Ida nee maka  promesa neebe, fo ita esperanca hodi comforta ita, iha mundu nebe complicado ou sabraut ho situasaun oi-oin.

Ho promesa ida nee haforsa ita atu hatene katak, iha neba iha fatin ne’ebé sei segura ho domin lolos, no promesa ida nee fo hanoin ita atu hala’o jornada moris nian iha mundu ida tuir Nai nia hanorin ne’ebé lori ita atu ba hela iha nia uma no fatin ne’ebé nia prepara ona.

Iha declarasaun inportante tolu ne’ebé Jesus dehan sai nunee, “HAU MAK DALAN, LIA LOOS NO MORIS”. hateten halo klaro los kedan iha passagem ida nee, katak nia deit  mak DALAN ba Aman Maromak. Ita labele lao too iha maromak liu husi maneira seluk no dalan seluk no nia dehn mos katak nia laos DALAN deit maibe  LIA LOOS NO MORIS nian.  Tamba nee Nai Jesus nia hanorin no nia moris mak dalan atu hela ba nafatin tuir AMAN nia hakarak.

Reflesaun Husi: Irmã Cacilda De Fatima,OP

 

Kontinua Le'e

“Jesus Mak Ita Nia Portaun. Ema Ne’ebé Mak Tama Liu Husi Nia Sei Hetan Salvasaun No Moris Rohan-Laek”

 

DOMINGO BA DALA IV TEMPO PASCUA

Primeira Leitura – Apos. 2:14ª,36-41

Segunda Leitura – 1Ped. 2:20b-25

Evangelho – Jo. 10:1-10

Domingo ba dala IV tempo Pascoa sai hanesan Domingo “BOM PASTOR” nian. Tinan-tinan ita hotu rona Jesus nia lia- menon no promesa katak Jesus mak ita nia Bom Pastor (Bibi-atan diak), nomos ita nia matadalan no lori ita ba fatin ne’ebé mak seguro no we’e matan malirin. Bibi-atan di'ak, hatene ninia bibi sira, no prontu atu hasa'e sakrifísiu hotu ba sira-nia moris-di'ak. Nunee mós ho Jesus, nia hatene didi'ak ita, nia lori ita ba seguransa no tau matan ba ita-nia presiza hotu. Bibi-atan ne'ebé di'ak mak metafór ne'ebé Jesus uza iha Evanjellu São João.

Nia mak bibi-atan ne'ebé fó ninia moris ba bibi-malae sira, no nia hatudu ninia domin no ninia dedikasaun ba ninia dixipulu sira. Bibi-atan ne'ebé di'ak hatene ninia bibi-malae no sira hatene nia, no sira harii relasaun ne'ebé kle'an no besik.

 Jesus bolu ita, ho ita naran no lori ita ba moris rohan-laek, hodi fó matadalan nebe lialoos. Nudar Bibi-Atan ne'ebé Diak nia ilas mak Jesus fó sai ninia laran-sadi'a, ninia kuidadu, no ninia sakrifísiu sira, hodi fó ezemplu ne'ebé kbiit-laek kona-ba saida mak signifika atu la'o tuir nia no iha moris ne'ebé serbí ema seluk.

Iha Evanjellu São João, Jesus uza metafór portaun nian atu deskreve ninia knaar nu'udar dalan úniku ba moris rohan-laek. Nia mak portaun ba bibi-malae sira, no dalan ida de'it atu tama ba bibi-malae nia luhan mak liuhusi nia. Ema naran de'it ne'ebé koko atu tama liu husi dalan ne'ebé la hanesan mak na'ok-teen, imajen ne'ebé kbiit boot kona ba  Kristu nia eskluzividade no ninia knaar ne’ebe uniku nu’udar salvador ba mundu. Liuhusi ninia mate no moris-hias, Jesus fó dalan ida de'it atu sai Maromak nia belun no simu prezente moris rohan-laek nian.

Jesus dehan katak bibi-malae sira hatene bibi-atan nia lian no la'o tuir nia tamba sira rekoñese ninia lian. Nuudar ita uza tempu hamutuk ho Jesus, ita aprende atu hatene ninia lian no halo tuir ninia matadalan sira. Liuhusi orasaun no lee Maromak nia liafuan, ita hakle'an liután ita-nia relasaun ho Jesus no komprende liután ninia hanorin sira. Bainhira ita rona liu tán ba ninia lian no halo tuir ninia matadalan, ita sei hetan liután moris ne'ebé nia promete ba ema hotu ne'ebé fiar iha nia. Hodi aprende atu rekoñese bibi-atan di'ak nia lian, ita bele moris ho hakarak, ksolok no kumprimentu, ne'ebé dirije husi ninia matenek no domin.

Iha São João nia Evanjelho, Jesus deskreve nia an nu'udar Bibi-Atan Diak ne'ebé fó ninia moris ba ita. Nia mós hanesan portaun ne'ebé ita tama ba moris rohan-laek, hodi fó oportunidade ba ita atu hetan esperiénsia moris ne'ebé nakonu ho buat ne'ebé mai husi relasaun ne'ebé kle'an ho nia. Bainhira ita rona ba ninia lian no la'o tuir nia, ita hetan moris ne'ebé iha objetivu no signifikasaun ne'ebé iha haksolok, dame, no kumprimentu. Mai ita haree nafatin Jesus nu'udar ita-nia bibi-atan no matadalan, hodi tau fiar ba ninia domin no matenek hodi lori ita liu husi dezafiu no inserteza sira iha ita-nia moris, no ba ninia laran-di'ak ne'ebé nakonu ho domin.

“Jesus nu'udar bibi-atan ne'ebé di'ak mak ezemplu ne'ebé perfeitu kona-ba domin, kuidadu, laran-sadi'a, sakrifísiu, fiar no salvasaun ba nafatin.”

Reflesaun husi: Irmã Julieta da Costa, OP

 

 

 

Kontinua Le'e