“Keta tauk ema sira, basa,la iha buat haksumik ne’ebé sei la hetan;la iha buat ida ne’ebé ema sei la hatene ”

 

                                           DOMINGO XII TEMPU COMUN

 

1a. Leitura: Jer.20,10-13

2a. Leitura: Rom. 5,12-15

Evangelho:  Mt. 10,26-33

 

Ohin ita rona leitura tolu ne’ebé fo hanoin mai ita ,wainhira ita iha susar nia laran, tenki iha laran metin nafatin iha Na’i.

 Iha primeira leitura profeta Jeremias  ne’ebé simu liafuan a’at barak iha nia moris, liu husi ne’e halo nia fiar liu tan  katak Maromak sempre proteje nia nafatin wainhira nia hetan susar oi-oin.

 Iha segunda leitura saun Paulo  nia karta ba sarani sira iha Roma dehan katak ita sei la liu husi sala no mate ita mos la hetan moris foun iha loron ikus , nune’e  fiar katak  Jesus ida ne’ebé hadomi tebes nia eskolante sira , nia la husik sira mesak maibe nia sempre hamutuk nafatin  no proteje sira.

Iha evangelho saun Mateus nian dehan ita ema sempre iha protesaun husi Na’i , tamba laiha buat ida  ne’ebé subar ema sei la hatene no sei la hetan , maibe lia hirak nee Jesus dehan subar mai ita atu bele ba haklaken ba uma kain sira seluk nebe oho isin maibe labele oho klamar .

 Jesus fo nafatin coragen mai ita atu keta tauk basá maske fuuk lahan deit mos nia sei sura hotu , katak atu labele subar buat ne’ebé iha naroman. Labele tau fali iha nakukun tanba ne’e labele tauk .

  Ema  ne’ebé hanai hau iha ema seluk sira leet  hau mos sei hatene nia iha hau Aman  ne’ebé iha lalehan nia oin , maibe ema ida  ne’ebé heli hau iha ema seluk sira leet  hau mos sei la hatene nia iha hau Aman  ne’ebé iha lalehan nia oin.

Nune’e keta tau atu moris iha naroman nia laran.

Reflesaun Husi : Irmã Sabina Gonzaga, OP

Kontinua Le'e

“ Hau hakarak laran luak domin nian, lakohi buat karan.”

 

DOMINGO X COMUN

1a. Leitura: OS. 6,3b-6 (3-6)

2a.  Rom 4,18-25

Evangelho: Mt: 9,9:13

 

            Ohin ita tama ba Domingo ba dala X  tempo comum nian, santa kreda konvida ita liu hosi leitura sira  atu ita  hakbesik an ba nia no has’ae  ba nia domin laran luak nian  ne’ebé  Nai husu mai ita,atu lori ba ema sira ne’ebé mak ita hasoru iha ita nia misaun,tanba  nee nia nebe bolu ita nunka see husik ita lao mesak.hodi hein ho fiar metin iha  Nai  wainhira ita hasoru buat ne’ebéita hotu la hein atu hetan, tanba  nee Abrão  ne’ebé sai hanesan  Aman ba nasaun barak hatudu nafatin mai ita modelu fiar nian atu ita mos bele moris tuir.

        Nune’e mos iha evangelho Jesus bolu  Mateus iha nia  situasaun ne’ebé sai hanesan ema cobrador,Mateus husik nia servicu nudar cobransa nia hamrik hodi lao tuir Jesus  ne’ebé hili  nia iha ema barak nia leet, Mateus nia matan nakloke ho lian bolu ida nebe unico tebes hosi lian hotu- hotu tanba nee nia obedese hodi halo tuir Jesus no sai eskolante  ne’ebé diak  hodi  lao ba oin sai haklaken nain  no la iha hanoin seluk atu fila fali mai kotuk.

        Hahalok Mateus nian  ida nee hanorin ita atu hanoin fila fali ba ita ida idak ne’ebé iha mos esperensia bolu hanesan Mateus, iha  momentu neba saida mak ita halo?

         Maromak ne’ebé bolu no hili ita,  tau hamutuk ita iha fatin ida hodi hatan ba buat  ne’ebé ita hasoru iha ita nia misaun acontecementu sira nebe ita la hein atu akontese. iha ema ne’ebé  hewai ita iha ema barak nia oin, hanesan ema fariseu  sira nne’ebé hewai jesus wainhira jesus hare Jesus han hamutuk ho ema publican Jesus hatan ho lian ida dehan” Hau mai laos ba ema diak maibe ba ema moras”  Maromak koko  ita nia fiar atu hatan ba nia iha situasaun saida deit mak  mosu,  ita sei metin nafatin iha ita nia fiar hanesan fiar  nebe abraun  hatudu hela mai ita ne ka lae?

        Mai ita hamutuk metin nafatin iha orasaun hodi fira metin nafatin ba ida ne’ebé bolu ita.

 

Reflesaun Husi: Irmã Zelia dos Reis, OP

 

Kontinua Le'e

Santissima Trindade: Celebrasaun Festa Domin nian

 

Domingo da Santíssima Trindade

 

1a.  Leitura: Ex 34:4b-6, 8-9

2a.  Leitura: 2 Cor 13:11-13

Evangelho: Jn 3:16-18

Ohin Loron Festa Solenidade da Santissima Trindade mai ita komprende oitoan kona ba saida mak “A Solenidade da Santíssima Trindade”?

A Solenidade da Santíssima Trindade ne celebração festa solemnidade ba Igreja hotu hotu instituído husi Papa Joao iha  XXII (14th cen) depois de reforma de Liturgia. Celebração ne’e hahu depois de Festa Pentecostes.  Tamba sa mak Papa João XXII instituido Festa Solenidade da Santissima Trindade? Papa João XXII instituido festa ne hodi celebra doutrina da Trindade nian ne’ebé manifesta ona hanesan Maromak ida deit maibe iha três pessoas divinas, hodi kontra Arian Heresia ne’ebé mak fiar katak Jesus ne’e Maromak nian oan maibe la COETERNO ho Maromak, no sira hanorin katak Jesus ne’e Maromak nia oan ne’ebé la’os hanesan ho Maromak iha buat hotu. Ho ida ne’e mak Igreja Katolika institui Celebrasaun de Solenidade da Santissima Trindade ho haktuir katak: Maromak ida deit maibe iha três pessoas divinas katak: Aman Mak Creador, oan mak Salvador no Spirito Santo mak Auxiliador. No sira nain tolu Maromak ne’ebé hanesan iha buat hotu hotu no ida deit.  Wainhira ita Celebra Festa Solenidade da Santissima Trindade ita Celebra festa Domin nian. Domin ne’ebé Maromak haraik mai ita hori uluk kedas. Ita nia ser humano mak ilas Maromak nia domin, tamba ita nia imagen human nian forma husi Maromak  Santissima Trindade. No Santissima Trindade ne forma husi Domin Aman Maromak no Ita Nai Jesus Kristo rasik. Domin ne mak halo sira ida deit iha Maromak ne’ebé tres pessoas divinas. Ida ne signifika katak Spirito Santo mak Domin husi Aman Maromak no Jesus Kristo rasik.

Iha Primeira Leitura ita hare Profeta Moses simu Maromak nia ukun fuan sanulu e nia mos husu Maromak atu fo perdão ba nia emar sira.  Moses mos hakneak no husu Maromak atu lao ho nia iha nia Jornal moris nian. Domin ne’ebé mak ita celebra iha loron ohin mak Domin ne’ebé  Jesus Kristo hatudu mai ita liu husi nia Incarnação. Domin ne’ebé fo uluk ba Maromak, ba ita nia an no ema seluk. Domin ne’ebé mak Jesus fo mai ita liu husi saran nia An hodi mate iha kruz.   

Hodi ida ne’e mak Evangelho loron ohin nian São João haktuir mai ita katak: Maromak hadomi tebes mundu to haruka nia oan Mane mai moris ho ita hodi salva, no ema ne’ebé mak fiar iha Jesus Kristo sei hetan moris Rohan Laek. Ema hotu hotu iha kapasidade atu hadomi malu tamba domin mak identidade kriasaun Maromak nian. Maibe dalaruma ita laiha kapasidade ne’ebé bot hanesan Jesus hodi hadomi maun alin sira, tamba ita nia memory card domin nia nakonu ona ho domin mundo nian.

Mai ita fiar hamutuk katak kultura Maromak nian mak Hadomi maromak liu buat hotu no hadomi ema seluk hanesan ita at rasik. Se ita iha difficuldade atu hadomi ita mos tenki iha deficuldade  atu hakanek no estraga ema seluk. No dalan diak atu fo obrigada ba Jesus ba nia domin tomak mak respeitaema selukmak ita la gosta sira. Halo diak loron loron maske ita iha dejafios nia laran. Reja ba ema ne’ebé ita la gosta tamba Jesus det mak bele fo grasa domin nian mai ita atu moris iha dame no domin nia laran.

Notas Importantes:

1.         Heresia Arian: Doutrina nebe mak la tuir Igreja Katolika nian. Katak Jesus Kristo Maromak maibe lahanesan ho Aman Maromak.

2.         Coexistensia katak Existe hamutuk hori uluk kedas no buat hotu hotu hanesan.

3.         Trinidade Katak Tresunidade. Nain 3 maibe ida det tamba sira nain tolu ne Maromak ida det iha tres Pessoas Divinas.

 

Reflesaun Husi Irmã Rosaria Aurea Ximenes, OP 

Kontinua Le'e

“Dame hela ho imi!”Nudar Ha’u Aman haruka Ha”u mai,nune’e mos Ha’u haruka imi ba” Simu ba Espiritu Santu”.

 

DOMINGO DE PENTECOSTES

1ª.  LEITURA: Apos. .2:1-11

2ª.  LEITURA : 1Cor. . 12:3b-7,12-13

EVANGELHO : João 20: 19-23

Ohin ita celebra loron iha ne’ebé Igreja moris. Papa Fransisco dehan” Ita fila fali ba origin Igreja bainhira Nia hahu ou moris. Igreja ne’e hahu ho apostolo sira ho Nain Feto ne’ebé hela,hein no harohan hamutuk iha uma laran hodi hein promesa ba mahein(Espiritu Santo), Jesus mosu ba sira hodi hu’u Espirito Santo ba sira .hahu hosi momento neba sira nakonu ho Espirito Santo hodi fo sasin kona Jesus ida ne’ebé ema oho mate tiha liu loron tolu no moris hias fali,sira fo sasin kona ba  Divindade Jesus Nudar Maromak Nia Oan, ne’ebé mai atu salva povo Maromak nian.sira nia sasin lori povo Barak fila ba Maromak. Mundo ohin loron atu sai Cristo Nia sasin ita precisa : “Nakloke ba Maromak nia lian ne’ebé koalia mai ita iha silencio interna nian, hatudu ita nia fidelidade iha fiar, aten berani atu fo sasin, lao no moris iha ukun fuan Maromak nian no sempre buka hakbesik an ba Maromak”.

Fo sasin no sai sasin Cristo nian sempre e tenke hahu hosi hirak ne’ebé besik mai ita,hirak ne’ebé hela ho ita, hahu hosi ita nia Familia, fen-laen, inan-aman ba oan sira, visinhos, maluk hirak ne’ebé ema hewai,kiik e kiak liu,mai ita religiosa ne’ebé moris iha comunidades (irmans e irmauns)maluk hirak ne’ebé ita contacto loron-loron.  Hosi sira ne’e hotu mak ita hetan/sente presente real Cristo nian.

Ita sei la  sai sasin ou fo sasin diak liu iha liur se ita labele hatudu uluk iha ita nia an ba hirak nebe hamutuk ho ita. Sasin ida ne’ebé forte liu nudar ema Kristaun mak ita nia devosaun ba Eucharistia, domin boot ne’ebé ita hatudu hodi hola parte iha Eucharistia. Tamba Eucharistia mak mandato ne’ebé Cristo husik hela iha han ikus ho nia escolante sira.

 Oinsa ita hadomi Eucharistia ida ne’e mak halo ita sai sasin  ne’ebé diak liu.  Espiritu Santo hola fatin e actua iha ita nia moris  wainhira ita iha unidade,hanesan apostolos ,sira mai hosi “background”familia ne’ebé la hanesan(balun pescador, seluk fali ho cargo alto iha sociedade). Balun Hebrew balu Grego, balu fraco,  seluk fali forte,sira hotu iha diferencias. Papa Fransisco dehan: “ Jesus  la troka sira, halo sira sai modelo ida deit, Nia husik sira, iha sira nia “uniqueness” e agora unifica sira ho Nia Espirito Santo.   Espirito Santo halo sira unidos iha sira nia diferenças.

 Mai ita reflete ,saida mak unifica ou saida mak halo ita hamutuk? Tamba ita iha ita nia diferenças, ita nia hakarak, opiniaun, sensibilidades no  .dala barak tentasaun mai haketak ita,tamba ita hakarak kria ita nia imagen mesak. Ida ne’e la’os Espirito nia hakarak.

Espirito Santo fo hanoin ita katak ita hotu” Maromak nia oan” iha igualidade iha buat hotu,mesmo iha diferenças. Espirito Santo unifica ita hotu.iha diferenças, dificuldades  mak ita hotu hamutuk iha Jesus Cristo ,no iha Jesus Cristo ita hotu “maun _alin,Nan-feto,Bin-Alin.

 

Espirito Santo hi’it An mai: Horik iha ami ida-idak nia moris !!!

 

 

Reflesaun husi: Irmã Olandina Baptista, OP

 

Kontinua Le'e