Imi Sei Sasin Kona Ba Buat Hirak Ne’e(Lk. 24:48)

 

Domingo do Ascensão do Senhor

 

1a.  Leitura : Atos. 1:1-11

2a.  Leitura : Ebr.  9:24-28;10:19-23

Evanjelho: Lk. 24:46-53.

 

 

     Belun doben sira hotu ne’ebe cristo hadomi,

 Ohin 40 dias da Pascua ou Domingo ba dala hitu iha tempo pascua nian, marka mos okaziaun ba Solenidade Ascensão do Senhor. Commemorasaun ne’e depois de Jesus nia resureisaun nia mos mosu ba nia apostolo sira, no nia sa’e ba lalehan hodi fila fali ba nia Aman nia horik fatin.

    Iha primeira leitura no evangelho kolia kona ba evento Ascensão do Senhor. No carta ba Eebreu sira koalia kona ba sakrifisio hotu ne’ebe mak cristo halo hodi fo esperansa ba ita hotu hodi hetan Nia Gloria.

    Ohin fo hanoin mai ita hotu kona ba Jesus sa’e ba lalehan la signifika nia abandona ou husik ita mesak maibe hanesan nia dehan ona katak  ha’u ba uluk  hodi prepara fatin ba imi hotu, Nia mos hateten no promete katak Nia sei mai fali iha loron ikus. Nune’e mos nia promete ba nia eskolante sira katak Nia sei haruka nia Espirito Santo mai hodi acompanha, guia no continua fo inspirasaun ba sira hodi haklaken Maromak nia liafuan ba ema hotu no sai sasin cristo nian iha rai klaran tomak.

   Tan ne’e liu husi solenidade Ascensão do Senhor ida ne’e fo hanoin mai ita hotu atu realiza ita nia an hanesan membro da igreja, ita ida-idak tenke hala'o missaun nebe Maromak tau hela konfiansa ba ita, atu sai sasin Cristo nian no lori Cristo nia naran ba ema hotu.

   Ita hotu Maromak nia oan, ita tenke esforsa ita nian an hodi halo buat ne’ebe diak hodi la’o tuir Nia no obedece ba Nia laifuan. Henesan Nia promote ona, mai ita continua husu Espirito Santo hodi guia ita, fo kbiit no motiva ita iha viagem moris hodi continua hala’o Nia missaun ho fiar no ksolok.

 

Reflesaun Husi:

Irmã Alda Batista Carvalho Soares, OP