RIKU IHA SE NIA SORIN: DOMIN OU RIKUSOIN – MAROMAK OU MUNDU?

 

DOMINGO XVIII  TEMPO BAIBAIN NIAN

1a. Leitura: Eccl. 1:2;2:21-23

2a. Leitura: Col. 3:1-5,9-11

Evanjelho:  Lk. 12:13-21

 

     Evangelho ohin loron nian gia ita, atu hare ba ita nia an, katak saida maka ita iha, saida mak ita nia maun alin sira iha no saida  maka ema seluk iha.

    Buat hirak ne’e kona ba rikusin hotu ne’ebé ita iha, no oinsa rikusoin sira nee domina fila fali ita. No oinsa ita  nia atitude ou reasaun, waihira ita menus ona rikusoin  ne’ebé ita iha. Ita haksolok no kontenti maka’as ho rikusoin  ne’ebé ita iha. Iha ita nia vida loro loron ita hasoru obstaculo tolu  ba ita nia fiar mak RIKUSOIN,  RESPEITA, NO ORGULHO.

   Mai ita hamutuk hare ba realidade  ne’ebé mak ita no ema hotu esperencia, katak ita hakarak rikusoin  ne’ebé barak  atu nune’e ema seluk foti ita as liu hotu hotu liu husi edukasaun ne’ebé  diak, diresaun  ne’ebé mak ita hela no halo ema orgulho ho material ne’ebé ita iha. No ita lahatene katak buat hotu  ne’ebé ita iha bele troka no lakon iha momentu no minute balun nia laran. Relasaun entre ita ho ita la’o lalos ona, mate bele acontese ba ita derepente, moras oi-oin mosu, nst. 

    Haka’as an atu sai riku iha parte mundu  no iha parte  Maromak nian. Mosu obstaculo boot iha moris mak oinsa moris iha SIMPLICIDADE, INTEGRIDADE, no HUMILIDADE. Humanidade nia orgulho katak ita nee Maromak nia oan no sai maun alin no feton ba malu, simu malu no simu ita nia an nu’udar ita an rasik. Simplicidade  ne’ebé diak ba ita atu sente confortavel ba ita an, maka ita simu realidade  ne’ebé haleu ita iha ita nia  moris loro loron nian.  Buat sa maka ita iha, ida nee sai prezente ita mos, ne’ebé fo ba ita ba mundu nia diak. Ba Comunidade, ba vijinhu, no ema barak tan, laos diak ba ita nia an deit.

    Too ikus mai ita husu, buat sa mak inportante. Ita husu atu julga bajeia ba DOMIN ga ba RIKUSOIN.  Se ita iha rikusoin entaun saida maka ita halo ba rikusoin hirak nee? buat hirak ne’e facil los ba ita  atu hases an tia husi Maromak. Husu no hare ba  iha realidade akontese dunik hanesan nee ga lae? Riku iha Maromak nia DOMIN riku iha COMPAIXÃO riku iha PERDÃO no JUSTIÇA.

 

Reflesaun Husi: Irmã Cacilda de Fatima, OP