Nai perdua hau ba!

 

DOMINGO BAIN BAIN BA DALA XXX

1ª. Leitura: Sir.35,15b-17.20-22a

2ª. Leitura: Tim.4:6-8,16-18

Evanjelho: Lukas.18:9-14

Belun doben sira;

     Maromak nia liafuan moris no aktivu nafatin, kroat liu fali samorai nia penetra kedas ita nia fuan no laran basá Maromak nia liafuan mak liafuan moris; Liu husi mensajem  ba loron domingu nian ohin ita rona husi livro Ben – sirá deklara katak Maromak nee impartial ba orasaun ema mukit nian ne’ebé iha dalan hodi dada  Maromak nia atensaun no karta saun  Paulo nia deklara katak nia luta nafatin hodi hasoru. Tan nee ho mensajem nebe fo sentidu klean ba ita nia moris nudar sarani hafanu nafatin ita an atu hader hodi lao no kolabora hamutuk ho Maromak basá liu husi Nia deit  mak ita bele sadere an ho atitude  haraik – an hodi konfia deit ba Maromak nia kbiit. Nuneé mai ita reflete klean hodi hare atitude husi farizeu no publikanu.

    Ema farizeu no publikanu mak grupo rua ne’ebé diferensa boot hanesan lalehan no rai. Ema farizeu mak sira nebe iha templu no iha sosiedade judeu sira leet fo respeitu tebes, sira hanesan ema santu tamba halo tuir lei no dever relijiaun nian. Publikanu fali mak ida ne’ebé judeu sira la gosta liu iha sosiedade leet tamba dehan sira nee mak liman ain (atan) governu romanu sira nian.

Matan mundu nian fihir  husi status sosial, kareira  ka pozisaun deit maibe Maromak nia matan hili husi ita neon; se mak nia, pojisaun saida laos prioridade iha Maromak nia matan ita hotu hanesan nudar ema sala nain no presisa konversaun. Ho hahalok ida neé deit bele rekonhese ita an katak ita ema humana no ita nia dever ho direitu hanesan hotu iha Maromak nia matan basá  Maromak  hakarak hili husi ita nia integridade no ita nia lealdade.

      Belun doben sira… mai ita hotu hanoin klean ho matan fiar nian husi ezemplo fariseu no publikanu hodi halo koresaun  ba ita an rasik katak: hau nia motivasaun atu ajuda ka atu halo diak ruma  los ka lae? Se karik konsensia dehan seidauk entau ladauk tarde  atu transfroma hodi halo ita nia motivasaun tais momos atu iha mudansa ba ita nia moris basá Maromak konhese didiak ita fuan. Maromak mos koko hela ita nia motivasaun wanhira ita harohan ba Nia nunee mai ita hakbesik ba Nia pessoalmente ho fuan mos no laran diak atu simu buat nebe mak tuir deit Maromak nia planu

Maromak nia domin boot tebes!

Perdua hau Nai...!

Reflesaun Husi: Irmã Lucia Francisca do Carmo, OP