ITA NIA BOM PASTOR MAK CRISTU NAI LIURAI

 

SOLENIDADE  JESUS CRISTU, NAI LIURAI

1a. Leitura: Ez 34:11-12, 15-17

2a. Leitura: 1 Cor 15:20-26, 28

Evangelho: Mt 25:31-46

 

Wainhira ita rona liafuan liurai, ita hatene ema ne’e famosu, matenek, riku, iha poder atu ukun. Nia sai hanesan leader boot ida ba ita. Ema barak rona, respeita no hamtauk nia.

Iha reflesaun ohin loron nian hau hakarak dehan liurai mos bele sai hanesan bibi atan diak. Karik ita sei dehan oinsa atu conecta bibi atan diak ho liurai ida?Existe diferenças boot iha sira nia moris no ocupação.

Maibe ita nia Bibi Atan Diak ho Cristu Na’I Liurai existe semelhanças barak. Jesus la’os Pastor-Rei ba dala uluk. David wainhira nia sei joven hili nia sai bibi atan no eventualmente sai liurai Israel nian. Wainhira ita le’e salmo sira David nian frequetemente bele recunhese bibi tan ida nia fuan liu fali liurai ida nia ukun.

Caracteristica husi bibi atan diak ida mak nia ema diak, hatene proteje, guia, nutre no fo nia an ba ema seluk bele moris.

É ainda mais ho ita nia Bom Pastor. Pesquisa iha escritura sira, estuda Jesus nia moris, no rona Jesus nia liafuan sira. Ita sei hare momos katak Cristu, liurai boot ida mai servi hanesan Bibi Atan Diak ida.  

            Iha festa ohin loron nian atu fo hanoin mai ita katak hanesan liurai ida, Jesus mai servi no ukun ho domin. Tan ne’e, hanesan ninia bibi sira precisa aprende husi Bibi Atan Diak oinsa atu hadomi.

Manera ida atu hadomi mak Nia hanorin mai ita hotu katak: “Hau hamlaha, imi fó han Ha‟u; Ha‟u hamrook, imi fó hemu Ha‟u; Ha‟u la‟o rai, imi simu Ha‟u; Ha‟u isin tanan, imi fó hatais Ha‟u; Ha‟u moras, imi ba haree Ha‟u; Ha‟u iha dadur laran, imi ba haree Ha‟u. (Mt. 25: 35-36).

Portanto, iha loron ikus Nia sei mai fali no sei husu ba ita ida-idak: Ita hadomi to’o iha ne’ebé?

Reflesaun Husi: Irmã Maria de Fatima Pui, OP