Contemplação e Ação

 

DOMINGO DA IV TEMPO BABAIN

 

1ª. LEITURA: Deut. 18:15-20

2ª.  LEITURA: 1 Cor. 7:32-35

EVANGELHO: Marcos 1:21-28

Profeta ida lori naha todan  hodi haklaken Maromak nia hanoin no hakarak ba ema  atu rona no atu tau iha prátika moris diario. Ita hotu hetan chamada atu haklaken. Atu haklaken primeiro tenke refleta uluk, iha lai conexão ho ida ne’ebé iha Liafuan Diak(Maromak). Jesus iha Evangelho ohin hanorin ho Authoridade no hatudu mos Nia identidade nudar Maromak oan tamba ne’e  mesmo Diabo mos reconhese poder ne’ebé  Jesus iha. Jesus nia relasaun ho Aman mak fo Nia kbiit tomak Espiritu Santo nian hodi hasai diabo nebe ukun hela ema ne’e. Jesus hatudu domin Aman Maromak nian ba ema nia oan ne’ebé kleur ona domina ho espirito at hodi libera nia ba moris ne’ebé digno nu’udar criatura Maromak nian. Oinsa atu hanorin ho autoridade?

           Ohin Familia dominicana iha mundo celebra loron ba Santo boot  Tomas de Aquino, hau atu fahe deit kona ba Santo Tomas nia hanoin kona ba kontemplasaun in salmo 54 nebe koalia kona ba: ”dintinsaun liras manu metan ho pombu” iha arca Noah nian.  Pombu  refere ba contemplativa ne’ebé laran luak ne’ebé la’os deit contempla paisajen foun ne’ebé nia hare quando Noah husik nia semo ba liur hodi detecta kona situasaun iha liur depois de diluvio maibe fila fali ba arca hodi fahe noticia diak nebe nia hare hodi lori esperanca ba populasaun iha Arca laran.manu pombu mos criatura nebe mos sempre tun iha ai sanak ,pombu simbolu domin nian ne’ebé daet ba ema seluk e ho compaisaun hotu. Manu metan fali la fila fali ba Arca ne’ebé hatudu imagen individualis ne’ebé interese deit ba nia matenek e satisfasaun individual. Hirak ne’ebé semo hanesan manu metan la hare necesidade visinho nian, sira deit mak sai diak iha Maromak Nia oin la hanoin atu lori mos santidade ne’e  ba ema seluk. ( Aquinas at Prayer by Paul Murray, OP).

            Santo Tomas nia moris husik hela dutrina ne’ebé too ohin loron uza ba referencia oin-oin ninian “Summa Theologica.” Santo Thomas nu’udar Frade, Sacerdote, Mestre boot, Filósofo, e Teólogo ne’ebé iha influecia makaas iha Igreja katolika.

                 Nu’udar Cristaun, Ita nia moris tenke mos lori influencia diak ba ema seluk nia moris, hadaet buat ne’ebé bele lori ema seluk hetan salvasaun Maromak nian. Ita nia contemplasaun tenke iha resultadu iha ita nia moris, la’os deit especialista iha liafuan mais tenke demostra iha hahalok. Ida ne’e mak hanorin ho autoridade. Koalia ho liafuan no hatudu iha hahalok lorloron.

 

                                    Feliz Fiesta  de São Tomás de Aquino!   .

  

Reflesaun Husi: Irmã Olandina Baptista, OP

 

Kontinua Le'e

Husik sira nia moris hodi tuir Jesus

 

DOMINGO BA DALA III TEMPO COMUM

1° LEITURA:   JONAS,  3, 1-5. 10

2°  LEITURA:1 KORINTU . 7:29-31

EVANJELHU  SÃO MARCOS. 1: 14-20

 

Leituras sira nebe ita rona nee kona ba chamamentu hotu iha nebe   mak Aman Maromak serbsiu hamutuk ho Oan Mane atu kontinua halao knar haklaken lialos nian liu husi kolaborasaun ema nian tan ne’e “bolu”  hahu kedas husi profeta Jonas, Simão no Andre ; lia bolu ne’e mos hanesan ba Tiago ho João. Ohin loron  chamamentu nee mos kontinua nafatin ho alvu hanesan habelar Maromak nia domin; Ita hakarak duni atu husik buat hotu, troka matadalan no halo tuir Maromak nia matadalan. Ida ne’e bele lori ita ba fatin ne’ebé ita lakohi ba, fatin ne’ebe ita nunka hein atu ba. No ida ne’e bele troka ita nia moris ba nafatin ne’e mak naran bolu

            Iha evanjelho são marcos ita rona Maromak bolu no konvida ba ema idak-ida, karik ema ne’ebe santo tebes ka iha obrigasaun atu sai nai lulik ka madre ita hateten nune’e ita nunka sai ba ita an,maibe  ida ne’e ba Kristo.

Jesus bolu peskador sira atu hatudu hahalok haraik-an no hatete ho klaru katak sira mai tuir Hau ne’e mak buat hotu ne’ebe Hau foti. Maske ita  hatene ka la hatene. Iha evanjeluo ne’e kona ba buat ruma ne’ebe bele book ita hotu ba saida mak ita halo, ida ne’ebe bolu ita mak salva ita. Konvite atu la’o tuir Kristo hodi hasa’e sakrifisio, atu rende an, atu fo sasin no atu halo orasaun hodi hatudu agradese no halo tuir Jesus nia hahalok haraik-an no tau fiar ba Nia.

        Kuando Jesus bolu peskador sira ne’e, sira la mesak bainhira sira la husik sira nia moris. Sira iha kompañia, basá sira la’o hamutuk, Simão, Andre, Tiago no João.

     Ida ne’e fo hanoin mai ita katak atu sai ema ne’ebe la’o tuir Kristo, ida ne’e laos mesak deit. Hodi sai ema ne’ebe kristaun tenki envolve ema seluk no tenki dada ema barak la’o tuir Kristo ohin loron ita halibur hamutuk bebeik iha komunidade hodi fahe ita nia domin ba Maromak, fahe ita nia domin ba  malu, ita nia laran manas ba mensajem husi evanjelu.  Ita fo sai buat ne’ebe ita fiar no ita haklaken Maromak nia liafuan ho lolos.   

Bensaun ba ita hotu!

Reflesaun Husi: Irmã Lucia do Carmo, OP

 

 

Kontinua Le'e

MAI HODI HARE

 

SEGUNDO DOMINGO DO TEMPO COMUN

1a. Leitura: 1 Sam.3:3b-10,19

2a. Leitura: 1 Cor. 6:13c-15a,17-20

Evanjelho: Jo. 1:35-42

Liafuan diak ohin loron nian fo hanoin fali mai ita kona ba ita nia Vokasaun ida-idak hanesan presente ida husi Na’I Maromak. Presente ida ita simu “ gratis” deit.

Samual iha primeira leitura ladun hatene didiak ho Na’i. Nia vokasaun presente gratuito ida.

Saun Paulo fo hanoin mai ita katak ita hotu mak “membros do corpo de Deus.” Nia hatene ho nia encontro ho Jesus iha dalan ba Damascus 100% presenti ida. Nune’e mos ho apostolu sira ne’ebé mak hatan ba Jesus nia convite: “ Mai hodi hare.”

Nai bolu ita ba vida ida ne’ebé deit, ita presica convida maluk sira atu mai hodi hare Na’I Nia domin bo’ot tebes ba sira, mai hodi hare Na’I laran kmaus tebes; mai hodi hare katak sei iha moris ida folin liu moris iha mundo ne’e ninian.

Laos deit atu tuir, hanesan  bai-bain  sei buka, hodi moris duni hamutuk ho Jesus Cristo. Wainhira bolu ita ba moris, Maromak bolu mos ita atu fo-an iha nia, hodi Halo parte iha nia moris hamutuk deit ho Nia  sai Santo.

Na’I Domin nain, agradese tebes tan bolu ami atu existi iha mundo ne’e, permiti ami atu fahe ita nia serbisu iha mundo ne’e, tan fo bensaun mai ami lor-loron. Hanorin ami atu hadomi nafatin ita.Amen.

Reflesaun Husi: Irmã Maria Soares Babo, OP

 

 

Kontinua Le'e

Sai sinal ida ba ksolok lolos nian

 

SOLENIDADE DA EPIFANIA DO SENHOR

 

1^a Leitura: Isaias 60:1-6

2^a Leitura: Efesu 3:2-3a.5-6

Evanjelho: Mateus 2:1-12

 

Maun-alin, sarani doben sira; ohin Santa creda celebra solenidade Epifania Na’I nian; Jesus nia revela-an mai iha mundo, liu husi bibi atan, liurai no magia sira mak ksolok no dame nia hun mai iha mundo ida ne’e. sai momenu especial ida mak ita celebra iha festa Natal nian, parte husi Jesus nia prejensa iha mundo mak salvasaun hodi salva ema hotu. Jesus ninia Incarnasaun “Maromak nia Oan Mane mesak moris husi nia inan Virgin Maria.

Iha solenidade ida ne’e, Jesus bolu ita hotu no fo hanoin mai ita Maromak revela ninia an, moris hanesan ema kiak hodi hatudu Nia deseju lolos katak Nia mak sasan hotu nia nain, kriasaun hotu sei hetan salvasaun iha Nia deit.

Husi eventu inportante “Solenidade Epifania do Senhor” Maromak manifesta nia-an mai iha mundo liu husi Nia oan Jesus, ohin magia nain tolu ne’ebé mai husi fatin dook ba vijita Belem.

Matenek boot nain tolu ne’e lao tuir deit sinal ka fitun ne’ebe sira hetan,mai duni iha fatin Jesus moris ba. Maske fatin dook maibe sira des araska too duni iha fatin refere hodi hare mane maksoin lori dame no domin mai iha mundo. sinal liu husi fitun ne’ebe sira rasik hare ho matan.Ohin Maromak hatudu ninia oan mane mesak Jesus Cristo iha ita nia relasaun pessoal sira, kesi metin iha domin Maromak nian ho ita iha mundo.

 Profeta Isaias koalia mai ita nia liafuan domin,esperansa no ksolok. Natividade Jesus nian iha balada sira nia hela fatin no bibi atan sira mak hare uluk. Atitude simples ne’e fo hanoin bebeik no fo hanaoin nafatin mai ita katak; moris kiak iha fatin kiak laos bareira ka “hambatan” ba moris rohan laek.

 Hanesan sarani fiar nain buka hadomi malu, tulun malu, buka moris iha dame laran, lori malu ba dalan diak no respeita malu tuir doutrina sarani nian. Lisaun diak mai ita atu aprende mak exemplo husi Magia nain tolu nia attitude; lao husi fatin dook, la sente kolen no iha esperansa katak sinal ne’ebé mak sira hare sei hatudu buat ruma diferente ba sira nia moris, laos presente ne’ebé sira lori mak iha folin liu, maibe dejeju atu hatene lolos sinal ne’e katak sa? Ikus mai sira mai too duni iha fatin hodi hare Jesus.

 Perseveransa iha ita nia moris lor-loron ne’e importante tebes. hanesan ema ita fraku no kolen lalais deit bainhira buka buat ne’ebé ita hakarak ou harohan ba ita nia intensaun sira sei kleur atu hetan, ita komesa dehan kolen no baruk tamba lori tempu naruk mak sei hetan nia rejultadu.

 Moris ohin loron hakarak buat hotu instant dalaruma mos ita obriga Maromak atu tuir ita nia hakarak, haluha tiha prejente furak liu iha mundo mak ita nia vida rasik ne’ebé mak sai sinal domin ba moris rohan laek nian.

Jesus kosok oan nia moris simples tebes, iha celebrasaun Epifania halo ita iha unidade ho familia Maromak nian, sai hanesan familia Nazare, hasai tiha bareira ita ema nian atu ita bele hakbesik liu tan ba Maromak fo fuan cristaun nian ida ne’e mak objective husi celebrasaun ohin nian.

Igreja Misionaria ho nia misaun atu lori Cristo ba mundo tomak, bibi atan sira reprejenta moris kiak no ignoransia, magia sira reprejenta fiar nain no intellectual sira. Ita hotu hola parte iha prejensa Jesus nian ne’ebe lori salvasaun mai iha mundo hodi recunhese katak Jesus mak Maromak oan no liurai los nian.

    Mai ita refleta hamutuk significa husi epifania:

1             Epifania bolu ita atu hamenus tiha ita nia dúvidas sira kona ba ita nia fiar sarani nian

2.               Epifania chamada ida mai ita atu oferese prejente furak sira, tulun ema seluk liu husi attitude no hanoin diak sira ne’e mak ita iha hanesan magia nain tolu ne’ebe ohin lori sira nia prejente: Aiben morin /Divinidade, Osan mean/liurai no Naan horun/ paisaun no mate.

3.                   Epifania maneira ida atu lori ita ba dalan evajelisador/a nian

4.                 Lisaun husi Magia sira; foti matan hateke ba fitun hodi rona sira nia fuan.

Mai ita hotu buka moris ho dame no domin hodi sente mundo ida ne’e nia furak, sente kosok oan ne’ebé mai moris ona iha ita leet. Dame, Unidade no paz ne’ebé ita labele hola ho ita nia osan no ita nia kapasidade rasik mak; “dame ne’ebé Jesus fo mai ita”.

Perguntas mak ne’e ita prontu ka soi duni ba dame ne’e ka lae? Ida ne’e fila fali ba ita ida idak nian an hanesan sarani fiar nain. Maromak nafatin konvida ita hotu atu sai ninian oan doben. Amen.

Reflesaun Husi:

Irmã Sabina Martins Mota,OP

 

Kontinua Le'e