Contemplação e Ação

 

DOMINGO DA IV TEMPO BABAIN

 

1ª. LEITURA: Deut. 18:15-20

2ª.  LEITURA: 1 Cor. 7:32-35

EVANGELHO: Marcos 1:21-28

Profeta ida lori naha todan  hodi haklaken Maromak nia hanoin no hakarak ba ema  atu rona no atu tau iha prátika moris diario. Ita hotu hetan chamada atu haklaken. Atu haklaken primeiro tenke refleta uluk, iha lai conexão ho ida ne’ebé iha Liafuan Diak(Maromak). Jesus iha Evangelho ohin hanorin ho Authoridade no hatudu mos Nia identidade nudar Maromak oan tamba ne’e  mesmo Diabo mos reconhese poder ne’ebé  Jesus iha. Jesus nia relasaun ho Aman mak fo Nia kbiit tomak Espiritu Santo nian hodi hasai diabo nebe ukun hela ema ne’e. Jesus hatudu domin Aman Maromak nian ba ema nia oan ne’ebé kleur ona domina ho espirito at hodi libera nia ba moris ne’ebé digno nu’udar criatura Maromak nian. Oinsa atu hanorin ho autoridade?

           Ohin Familia dominicana iha mundo celebra loron ba Santo boot  Tomas de Aquino, hau atu fahe deit kona ba Santo Tomas nia hanoin kona ba kontemplasaun in salmo 54 nebe koalia kona ba: ”dintinsaun liras manu metan ho pombu” iha arca Noah nian.  Pombu  refere ba contemplativa ne’ebé laran luak ne’ebé la’os deit contempla paisajen foun ne’ebé nia hare quando Noah husik nia semo ba liur hodi detecta kona situasaun iha liur depois de diluvio maibe fila fali ba arca hodi fahe noticia diak nebe nia hare hodi lori esperanca ba populasaun iha Arca laran.manu pombu mos criatura nebe mos sempre tun iha ai sanak ,pombu simbolu domin nian ne’ebé daet ba ema seluk e ho compaisaun hotu. Manu metan fali la fila fali ba Arca ne’ebé hatudu imagen individualis ne’ebé interese deit ba nia matenek e satisfasaun individual. Hirak ne’ebé semo hanesan manu metan la hare necesidade visinho nian, sira deit mak sai diak iha Maromak Nia oin la hanoin atu lori mos santidade ne’e  ba ema seluk. ( Aquinas at Prayer by Paul Murray, OP).

            Santo Tomas nia moris husik hela dutrina ne’ebé too ohin loron uza ba referencia oin-oin ninian “Summa Theologica.” Santo Thomas nu’udar Frade, Sacerdote, Mestre boot, Filósofo, e Teólogo ne’ebé iha influecia makaas iha Igreja katolika.

                 Nu’udar Cristaun, Ita nia moris tenke mos lori influencia diak ba ema seluk nia moris, hadaet buat ne’ebé bele lori ema seluk hetan salvasaun Maromak nian. Ita nia contemplasaun tenke iha resultadu iha ita nia moris, la’os deit especialista iha liafuan mais tenke demostra iha hahalok. Ida ne’e mak hanorin ho autoridade. Koalia ho liafuan no hatudu iha hahalok lorloron.

 

                                    Feliz Fiesta  de São Tomás de Aquino!   .

  

Reflesaun Husi: Irmã Olandina Baptista, OP