Husik sira nia moris hodi tuir Jesus

 

DOMINGO BA DALA III TEMPO COMUM

1° LEITURA:   JONAS,  3, 1-5. 10

2°  LEITURA:1 KORINTU . 7:29-31

EVANJELHU  SÃO MARCOS. 1: 14-20

 

Leituras sira nebe ita rona nee kona ba chamamentu hotu iha nebe   mak Aman Maromak serbsiu hamutuk ho Oan Mane atu kontinua halao knar haklaken lialos nian liu husi kolaborasaun ema nian tan ne’e “bolu”  hahu kedas husi profeta Jonas, Simão no Andre ; lia bolu ne’e mos hanesan ba Tiago ho João. Ohin loron  chamamentu nee mos kontinua nafatin ho alvu hanesan habelar Maromak nia domin; Ita hakarak duni atu husik buat hotu, troka matadalan no halo tuir Maromak nia matadalan. Ida ne’e bele lori ita ba fatin ne’ebé ita lakohi ba, fatin ne’ebe ita nunka hein atu ba. No ida ne’e bele troka ita nia moris ba nafatin ne’e mak naran bolu

            Iha evanjelho são marcos ita rona Maromak bolu no konvida ba ema idak-ida, karik ema ne’ebe santo tebes ka iha obrigasaun atu sai nai lulik ka madre ita hateten nune’e ita nunka sai ba ita an,maibe  ida ne’e ba Kristo.

Jesus bolu peskador sira atu hatudu hahalok haraik-an no hatete ho klaru katak sira mai tuir Hau ne’e mak buat hotu ne’ebe Hau foti. Maske ita  hatene ka la hatene. Iha evanjeluo ne’e kona ba buat ruma ne’ebe bele book ita hotu ba saida mak ita halo, ida ne’ebe bolu ita mak salva ita. Konvite atu la’o tuir Kristo hodi hasa’e sakrifisio, atu rende an, atu fo sasin no atu halo orasaun hodi hatudu agradese no halo tuir Jesus nia hahalok haraik-an no tau fiar ba Nia.

        Kuando Jesus bolu peskador sira ne’e, sira la mesak bainhira sira la husik sira nia moris. Sira iha kompañia, basá sira la’o hamutuk, Simão, Andre, Tiago no João.

     Ida ne’e fo hanoin mai ita katak atu sai ema ne’ebe la’o tuir Kristo, ida ne’e laos mesak deit. Hodi sai ema ne’ebe kristaun tenki envolve ema seluk no tenki dada ema barak la’o tuir Kristo ohin loron ita halibur hamutuk bebeik iha komunidade hodi fahe ita nia domin ba Maromak, fahe ita nia domin ba  malu, ita nia laran manas ba mensajem husi evanjelu.  Ita fo sai buat ne’ebe ita fiar no ita haklaken Maromak nia liafuan ho lolos.   

Bensaun ba ita hotu!

Reflesaun Husi: Irmã Lucia do Carmo, OP