DOMINGO BA DALA XVII TEMPU BAI BAIN
1a. Leitura Rs 4.42-44
2a. Leitura: Ef 4.1-6
Evangelho: Jo 6.1-15
Ita iha ona experencia milagre iha ita nia moris? Simbolu 5+2= 50000 bolu atensaun mai hau no halo hau hakfodak kona ba paun fuan lima no ikan rua bele fo han ba ema barak no oi oin deit ne’ebé buka no hakarak tuir Jesus. Ba hau ida ne’e milagre boot ida ne’ebé acontece no dala barak ho ita nia hanoin ema nian deit ita sei la kumprende.
Ohin ita rona iha Evangelho S. Joao 5+2 laos 7 maibe 5000, la’os matematika ne’ébe hanorin iha eskola maibe Nai Jesus rasik nia laran luak no laran sadia fahe paun moris ne’ebé tun husi lalehan halo milagre ida ne’e hodi hatudu Maromak nia kbiit ba ema mukit sira. Paun fuan lima no ikan rua hodi hatudu Maromak nia domin ba ema mukit sira ne’ebé buka Maromak.
Iha primeria leitura haktuir mos kona ba profeta Isaias ne’ebé Maromak haruka atu konvida ema hotu ba nia, ema hotu ne’ebé hamrok mai hemu ba husi we matan tamba Maromak mak we matan moris,ita hotu hetan ksolok rohan laek. .Elizeu bolu ema sira ne’e basá Maromak dehan sira sei han too bosu no naresin,ema sira nee han duni too naresin.
Iha segunda leitura Saun Paulo iha nia karta ba sarani sira iha Efeso mos hafanun ita atu rona kona ba ita nia fiar ba Maromak nia domin ida ne’ebé ita labele sukat. Lia fuan sira nee nakonu ho esperansa ne’ebé sei hakaas an atu moris ho neon ida deit iha dame laran.
Jesus nia milagre ida nee hatudu Maromak nia kbit ba ema kbit laek sira. Jesus fo han ema sira nee la sukat ou la fo pas pas deit maibe nia fo han ema rihun lima nee la sura feto no labarik. Apostolu sira hanoin barak oinsa atu fo han ema lubun bo’ot ne’e maibe sira haluha katak Jesus hamutuk hela ho sira.
Milagre acontese lor-loron iha ita nia moris maibe dala barak ita hanesan apostulo sira, matan, tilun, no fuan taka hela. Nune’e, Ita la bele hare buat furak barak ne’ebé Na’I Maromak halo ona mai ita. Fiar deit, milagre se’I mosu.
Irmã Sabina Gonzaga,OP
0 comments:
Post a Comment