“HARUKA NAIN RUA-RUA HO KBI’IT ATU DUNI SAI ESPIRITU FOER SIRA.”

 DOMINGO XV DO TEMPO COMMUN

1a. Leitura: Am.7: 12-15

2a. Leitura: Ef. 1: 3-10

Evangelho:  MC 6:7-13

Domingo  xv tempo commun nian, leituras no Evangelho ohin nian  konvida ita  atu reflete didiak kona ba ita ida-idak nia esperensia  ne’ebé Maromak bolu ita hanesan  Nai Jesus bolu  nia  apostolu nain 12, mai ita  iha momentu furak sira ne’ebé liu ona  no oin  sa mak ita hatan ho sentementu  ba bolu ne’e iha ita ida-idak nia fatin, ita balun prontu no karik ita balun la prontu iha tempo neba ,maibe Maromak nunka see husik ita mesak tanba nia fihir ona ita desde hori uluk kedas desde wainhira ita sei iha ita inan nia knotak .

Hanesan saun Paulo fo hanoin  mai ita ne’ebé moris  iha  vida consagrada  vokasaun nee graça ida, nebe ita simu hosi Maromak  ho bensaun oin-oin, liu hosi matenek ho talentu ne’ebé ita iha, katak Maromak  iha ona planu ba ita hodi  haruka ita  ba iha fatin nebe ema presija, hanesan Jesus hili nia apostolu sira nain rua-rua hodi fo kbi’it ba sira atu duni sai espiritu foer sira e saida mak apostolu sira halo? sira  rona hodi halo tuir saida  mak Jesus haruka sira atu halo,hahalok diak apostolu sira nian nemak presija ita atu tau iha pratika nudar missionaria diak ida, katak la hili fatin nebe diak deit ba hau atu ba tanba buat hotu-hotu iha maibe ita mos presija moris tuir saida mak hakerek ona iha ita nia carisma katak :”ba iha fatin ne’ebé ema kiak sira presija  no koko moris ne’ebé sira moris ba.”

Dala ruma mos ita sai disobedece ba ita nia kna’ar sira ne’ebé haruka ita ba no halo tanba ho situasaun nebe la apar ho ita nia moris ita rejeita tanba deit la bele adapta maibe ida nee laos kestaun bot ida ba ita, nudar missionaria ida ita mos presija actua hanesan profeta Amos katak nia rona ba Maromak ne’ebé haruka nia atu ba no sai ema naduina ida hodi moris iha povu Israel nia le’et, tanba profeta Amos fiel ba Maromak nia liafuan nebe nia rona 

.Nune’e mos ita presija aprende hosi profeta sira nebe kari hela fini fiar nian  ba ita, tanba ita ema la perfeito dala ruma ita monu ho ita nia fiar rasik,tanba ita larona ho didiak Maromak nia liafuan sira nebe koalia mai ita,maibe dalan ba ita mak nee see ita lao sala dalan karik buka atu hanoin nafatin maromak nebe bolu ita,  tanba maromak nunka see husik ita mesak.

Nia sempre kuida ita, iha situasaun saida deit mak ita hasoru maske ita lafiel ba Maromak maibe Nia sempre fiel ba ita,  hodi hein ita atu fila fali ba Nia, no hili ita atu tuir nafatin Jesus nia ain fatin,

                                                                       BY:  IRMÃ ZELIA DOS REIS NUNES, OP