DOMINGO XVI TEMPO COMUM
1a. Leitura: 23, 1 - 6
2a. Leitura: Ef. 2, 13 - 18
Evangelho: Mc. 6, 30-34
Ohin ita tama ona ba Domingo sanulu resin neen tempu bai-bain nian. Leitura tolu ne’ebé mak ita lee no reflete mesak furak no mesak kmook hodi kontinua transforma ita nia-an nudar ema fiar nain.
Evangelho ohin nian kontinuasaun ho Evangelho domingo kotuk koalia kona ba Jesus bolu Nia Apóstolo sira nain sanulu resin rua, hodi haruka sira na'in rua-rua ba hanorin ema. Nia haraik mós ba sira kbi'it atu ukunespiritu foer sira.
Wainhira Apóstolo sira fila fali husi missaun ne’ebé sira halao, sira haktuir sai ba Nia buat hotu sira halo no hanorin. Liu husi missaun ne’ebé mak Jesus ho nia Apóstolo sira halo la fasil nakonu ho sakrifisio maibe sempre halo ho domin ba humanidade tomak.
Liafuan diak Jesus nian hanorin mai ita oinsa atu hatene ema seluk nia presiza iha kompaisaun hanesan Jesus laiha tempu atu deskansa tamba ema barak buka nafatin Nia. Jesus hanoin tebes ema sira ne'e, basá, sira hanesan bibi sira ne’ebé bibi-atan laek.
Jesus dehan ba nia Apóstolo sira atu deskansa uitoan buka fatin hakmatek atu bele reza ka kontaktu ho Maromak. Iha ita nia moris dala ruma ita ho preokupasaun barak dala ruma stress, dala ruma kole, dala ruma mos ita nia serbisu sira la hetan suçessu ida ne'e atu mai ita katak, ne'e tamba dala barak ita laiha tempu ba Maromak ne mak nia moris sai mijerable.
Nee duni liu husi reflesaun badak ida ne'e hau konvida ita tau nafatin Jesus mak sai centru iha ita nia moris.Buka nafatin tempu atu haforsa relasaun ho Nia tamba iha Nia mak ita hetan hakmatek no ksolok.
Reflesaun husi: Irmã Maria de Fátima Sequeira,OP
0 comments:
Post a Comment