Ha’u Liurai duni!

 DOMINGO XXXIV TEMPO BAIBAIN

SOLENIDADE DE JESUS CRISTO REI e SENHOR DO UNIVERSO

PREMEIRA LEITURA: DANIEL 7,13-14

SEGUNDA LEITURA: APOCALIPSE 1, 5-8

EVANGELHO: JOAO 18, 33b-37

“ Nune’e Pilatos hateten ba Nia “ ne’e sa O Liurai duni ¡ Jesus simu dehan ; “ Los”! Ha’u Liurai duni! Ha’u moris, Ha’u mai iha rai klaran atu sasin lialos”! ema hotu ne’bé moris tuir lialos ,rona Ha’u lian”!

 Maluk doben sira iha Cristo,

            Papa Francisco iha Nia homilía iha Festa Loron ohin nian nia dehan; “Jesus la’os deit hasees-An hosi buat poder mundo nian, Nia mos fo libertasaun no ukun ema hotu ne’ebé lao tuir Nia atu sira nia fuan atu libre hosi buat at. Cristo Nia ukun ne’e ukun ho liberdade, la hanehan. Nia trata Nia Escolante sira hanesan Amigo laos hanesan sujeito. Cristo mesmo hanesan Rei do Universo Nia la haketak Nia-An hosi Nia emar sira , Nia mai atu sira hetan diak . Lao tuir Cristo ita sei la lakon buat ida maibe contrario ita sei hetan dignidade hanesan Maromak oan .Cristo la hakarak atu ema sai atan maibe atu ema moris libre.

 Evangelho ohin fo hanoin mos mai ita atu ita mos moris iha lialos, moris ho digno, wainhira laiha bosok, laiha manipulasaun ita sentí libre, la tauk ,la moe atu koalia no defende ita nia-an waihira ita hasoru  problema tamba ita consiente katak ita lao tuir dalan los.

Moris ohin loron nakonu ho desafio. Desafio nebe todan liu mak oinsa atu ita hasoru mak ita nia-an rasik. Ita husu ita nia-an bele ka lae, ha’u koalia lialos?Oinsa ha’u fo hanoin ha’u nia-an wainhira ha’u halo buat ruma ne'ebé contra ha’u nia konsiensia?  Jesus convida ita hotu atu sai sasin ba lialos iha ita nia moris simple loron-loron nian.Nai maromak nia liafuan ne’ebé ita rona no le’e iha Sagrada escritura tenke fo fuan ba ita nia moris.

Feliz Festa Cristo Liurai!

Reflesaun Husi: Irmã Olandina Baptista, OP