FUAN PRONTU ATU SIMU JESUS?

 

Primeiro Domingo do Advento

1a. Leitura: Is. 2:1-5

2a. Leitura: Rom. 13:11-14

Evanjelho: Mt. 24:37-14

Maluk doben sira hotu Mak Cristu hadomi.

Husi fuan ba fuan mai ita hamutuk hodi reflete kona ba Maromak nia liafuan. Ohin tama ona ba primeiro Domingo de Adventu. Liafuan Adventu Mai husi Lian latin, “ADVENTUS” katak: SEI MAI.  Advento Mak Tempo propriu atu ita ema sarani sira hotu prepara' ita nia an atu simu ida ne’ebé sei mai, Maromak ne’ebé halo an ba Mane iha Cristu.

Tempu ne’ebé hein hodi preparasa an  atu selebra Nai hi’it An mai atu Converte Ita husi sala, no fo mai Ita esperança, hodi simu Jesus ne’ebé mai iha ita nia fuan,  ba ita nia familia no ba ema hotu.

Maluk sira, iha leitura tolu ohin loron nian fo hanoin mai ita atu reflete ba ita nia an rasik. ita pronto ka lae atu simu nia iha ita nia moris lor-loron nian liu-liu iha tempu natal.

 Fo tempu atu reflete iha tempo Santo ida ne’e kona ba misterio Maromak nian ne’ebé mai iha mundo; halo an ba ema tan Nia domin  atu soy Nia povo, nomos atu fo hatene ba Ema sira vida foun ne’ebé halo Ita sai Maromak oan hakiak, ba moris esperança ka laran metin, ba Nia povo ne’ebé Nia hili nanis.

 

Reflesaun Husi: Irmã Maria Soares Babo, OP

 

Kontinua Le'e

CRISTU MAK LIURAI DOMIN NIAN

 

SOLENIDADE ITA NIA NAI JESUS, CRISTU LIURAI

1a. Leitura: 2S 5:1-3

2a. Leitura: Col. 1:12-20

Evangelho: Lk. 23:35-43

 

       Ohin Domingo ikus tinan Liturgia nian nebé hanaran mos Domingo CRISTO LIURAI nian. Cristo mai iha mundo atu halibur ema hotu hodi hatudo  dalan no lia lós ba ema tomak bele moris tuir, nune'e, ikus mai,bele hare glória Maromak nian nudar nia rasik lia tun ba ita ne'e ho Nia hedi iha Cruz katak ohin duni Ó sei tama hamutuk ho ha'u iha Reino Lalehan.

     Tan ne'e,buka moris tuir Nia hanorin sira no saran-an tomak atu Nia ukun ita no lori ita tuir dalan salvação. Ita nia Eucharistia ohin loron hodi hahi CRISTO LIURAI,ita Na'in no harohan atu ukun kreda  iha mundo rai-klaran hodi halibur ema tomak sai povo ida deit hodi ba moris iha Maromak nia Reino.                          

     Iha Primeira Leitura hosi profeta Samuel katak David hemu moruk o povo Israel hodi sai sira nia Liurai,no Segunda Leitura hosi São Paulo nia surat ba Sarani sira iha Colosso koalia kona ba Cristo katak Nia Maromak no Liurai hodi ukun sasán tomak no mos Kreda nia ulun.       Iha Evangelho hosi São lucas haktuir katak Cristo Maromak no Messias nebé mai soi ema tomak hodi ba moris iha Reino Lalehan.

    Cristu hanesan Liurai hanorin mai ita atu atu servi ema hotu ho domin. Nia la hare ba ita nia sala no hakarak deit ita nia diak, Nia hakarak ita hotu senti Maromak nia domin no Misericordia iha ita nia moris.Nia la ukun ho poder; Nia ukun ho domin.

 

Reflesaun Husi: Irmã Flavia Mendonça

 

Kontinua Le'e

“IMI NIA AMAN ABRÃO, ISAAC NO JACOB NIA MAROMAK LA'OS MATEBIAN SIRA NIAN MAIBE EMA MORIS SIRA NIAN”

 

DOMINGO XXXII TEMPU BAIBAIN NIAN

1a. Leitura: 2Mac 7:1-2,9-14

                                                            2a. Leitura: 2Tes. 2:16-3:5

                                                             Evanjelho: Lukas 20:27-38

     Ema mundo ne’e nian, iha pensamento ne’ebé limitado, ema nia komprende naton deit ba realidade moris nian iha mundo ne’e nian, maibe  fiar an hodi compara ho mundo rohan laek nian(lalehan). Ho esperensia ida nee mak halo ema sai duvida kona ba moris hias.  Hanesan ita rona iha Evanjelho ohin loron nian, kona ba Saduceu balun ne’ebé mak duvida kona moris hias, hodi husu perguntas ba Jesus dehan: mane ida mate tiha no husik hela nia fen, maibe oan laiha. Tuir mai nia alin mak hola fali feto faluk nee. Iha maun alin nain hitu mak hola feto faluk nee maibe laiha oan. Ikus mai sira nain hitu ho feto faluk nee mos mate. PERGUNTA “ feto nee see los nia fen?

   Jesus la uza metafora oioin atu esplika kona ba pergunta nee. Jesus uza deit realidade moris mundo nee nian hodi esplika, tan Nia hatene katak ema nia capasidade la maximo atu compriende kona ba buat ne’ebé ema la hare no seidauk esperensia.  Jesus mos hatene ema nia frakeja, tan nee mak nia fo resposta baseia ba ema nia comprensaun.

    Ho pontus ida nee mak Jesus esplika no fo sai claro ba ema Saduceu sira hodi dehan:” mundo ne’e nia oan sira hola malu nudar fen-laen. Maibe sira ne’ebé soi ba mundo seluk (lalehan) sira nee la kaben tanba sira lebele mate tan, basa sira hanesan anju.

    Liu husi resposta ne’ebé Jesus clarifica ba perguntas Saduceu nian, atu fo hanoin mai ita katak ita ninia existensia iha mundo nee la’os rohan.  Hakait ba ita nia fiar, ita iha esperansa boot katak ita mos sei haksolok iha mundo foun. No mundo foun ida nee la signifika atu repete ita ninia lalaok sira iha rai nee nian, maibe mundo foun ida ne’ebé hafutar ita an ho unuk mutin, hafalun iha fuan ne’ebé la nahas atu hahi no hanai no adora Maromak, hamutuk ho anju sira. Ho fiar ida nee mak Jesus hakarak atu hatete momos mai ita katak mundo foun ou moris hias ne’ebé ita sei hetan iha loron ikus no ita hotu sei sai hanesan Anju sira hotu.

    Atu conclui Jesus hatutun” Abrão, Isac no Jacob nia  Maromak laos matebian nian maibe Maromak moris hias nian”.

    Tuir ita hotu hatene katak SALA ninia consequensia mak MORTALIDADE. No ema hotu aseita katak sala mak halo ita mate no mate ida nee hola parte iha ema nia moris . Maibe tuir ita nia fiar mate la’os ikus ba ita. Moris hias mak destinasaun. No iha ne’eba mak ita  hetan oprtunidade foun atu hela iha mundo foun ida nee hodi hahi no hanai Nai ho hanoin  puro, los no hakmatek rohan laek nian. Amen

 

REFLESAUN HUSI: IRMÃ SARA MENDONÇA,OP

 

Kontinua Le'e

JESUS MAI BUKA SIRA NE’EBÉ MARJINADO

 

DOMINGO XXXI TEMPO BAIBAIN NIAN

1ª.  Leitura: Sabedoria 11:22-12:2

2ª.  Leitura: 2 Tesalonica 1:11-2:2

Evangelho: Lucas 19:1-10

  

   Evangelho ohin Domingo ba dala 31  ne’e koalia mai ita kona ba Jesus nia hasoru malu ho  chefe cobrador imposto naran zaqueu . Cobrador imposto sira sempre hasoru rejeitasaun hosi sira nia maluk judeu rasik tamba sira ne’e conhecido hanesan ema nebe la honrada, la honesta ,traidor  no buat seluk tan, nebe halo sira sai ema excluida hosi sociedade ema judeu nian. Maibe Jesus la descrimina ema  ida , Zaqueu hetan privilejio hosi Jesus nebe nia rasik la espera  Iha Evangelho ohin Jesus dehan ba Zaqueu ne’ebé iha hela ai leten  hein hela hodi hare Jesus ne’ebé liu hosi neba” Zaqueu tun mai lalais, basa, ohin Ha’u sei hela iha O uman”.Zaqueu tun ho laran ksolok boot, hodi simu Jesus iha nia uman. Zaqueu ho presença Jesus nian iha nia uman troka nia  moris totalmente too fahe mos ninian rikusoin ba ema kiak no nia mos dehan sei selu fali ema hirak nebe nia halo at sira nia sasan 4x lipat.

               Ohin Jesus dehan mos mai ita ida-idak katak Nia hakarak hela mos iha ita nia uma, ita nia comunidades, iha ita nia fuan. Jesus la hare ita nia kondisaun  atu iha diak ou ladiak,sucesso ou frustrasaun,iha ksolok ou tristeza nia laran, Jesus oferese mai ita Ninian tempo, Domin no  bensaun agora depende mai ita ida-idak , ita nia disposisaun hakarak simu Nia oferta ou lae.

     Se ita mos hanesan Zaqueu nebe ho ksolok boot simu Jesus iha nia uma, husik hela ita nia frakesa sira iha kotuk no troka sai ema foun hanesan Zaqueu. Mai ita loke ita fuan husik Jesus horik iha neba hanesan ita nia tamu especial nebe ita sei hakaas_an atu oferese buat diak ba Nia hanesan Zaqueu.

 

 

Reflesaun  Husi: Irmã Olandina Baptista, OP

 

Kontinua Le'e