IMI MAK MASIN NO NAROMAN MUNDO NIAN

 

DOMINGO V TEMPO BAIBAIN

1ª Leitura: Is. 58: 7-10

2ª Leitura: 1Cor. 2: 1- 5

Evanjelho:  Mt. 5: 13-16

 

Maluk sira ohin ita  tama iha domingu V tempo baibain nian, Iha Evanjelhu ohin loron nian Koalia kona ba Masin no Naroman.

Jesus dehan ba nia eskolante  sira imi mak masin no naroman mundu nian,  hodi fo sabor no haburas  signifika katak, masin serbi para fo sabor ba aihan sira. Naroman serbi para fo naroman iha nakukun. Hanesan masin no naroman hala’o sira nia funsaun, ita nia identidade nudar Jesus nia manu ain hanesan presencia Maromak nia reinu.

Ita nia prejensa iha mundo ida nee hatudu iha serbi no misaun. Vokasaun e misaun atu sai masin no naroman ba maluk sira seluk. Labele moris ba ita an rasik ou sai egoísta, sente katak iha mundo nee hau deit mak bele, mak matenek, mak boot , mak riku, mak bonita o bonito….no hare ema seluk la bale no la  iha folin.  Maibe signifika katak, moris iha mundo ida nee para fo testemunho no lia fuan  diak ou lia los kona  Jesus. Oinsa bele sai sasin nebee mak diak, buat hotu ita tenki aprende husi buat nebe mak Maromak hanorin ona  mai ita.

Mundu nee sai nakun presija noraman hodi fo naroman. Mundu nee sai a’at presija masin atu prevene hahalok a’at sira ne’ebé mak naklekar iha mundo, hanesan agora ema barak terus tanba funu, hamlaha no laiha justisa. Ita tenki fo sasin ne’ebé forte mak kona ba Maromak, nune’e ema bele fiar no kunhese Maromak.

Nune’e mos ho naroman , nia funsaun halakon nakukun no lori ema ba dalan los. Ita labele taka naroman saa tan ita rai, funsuan ita ema kristaun o sarani nudar naroman tenki koalia lia los no  halo justisa. Ita nudar Maromak nia oan tenki brani no koalia los ba ema seluk. Ita mos lori ema seluk atu hetan lia los iha Cristu. Maromak nia lia fuan sei sai realidade iha ita nia moris, Ita tenki fiel tuir nia dalan,hodi nunee  ita bele sai testimuniu  diak ba ema sira iha ita leet.

Nunee mai ita  husu ba  ita nia an ida idak…Saida mak impide bainhira ita sai  sasin o sai testemunia ba ema seluk iha ita nia moris?

Maluk sira mai  ita agradece ba Nai ba missaun ne’ebé mak Nia fo fiar mai ita, hodi sai hanesaan Masin  No Naroman ba maluk sira seluk.

Ho Maromak nia tulun ita bele sai testemunia nebe mak diak iha ita nia moris  lor’loron no  hatudu  iha ema sira nia leet.

Domingo Ksolok ba ita hotu!

 

Reflesaun Husi: Irmã Natalia Fouk, OP

 

Kontinua Le'e

Husik buat hotu Hodi tuir Nia

 

Terceiro Domingo do Tempo Comum

 

1a. Leitura: Is 8:23—9:3

2a. Leitura: 1 Cor 1:10-13, 17

Evangelho: Mt 4:12-23 or 4:12-17

 

Evangelho Saun Mateus fo hanoin mai ita kona ba ita nia vokasaun. Vokasaun ne’ebé iha ita nia moris ne’e  iha oin tolu mak hanesan: Vokasaun ba kaben Nain, moris mesak, no ba vida religiosa/o. Hau hakarak foka liu ba vida religiosa nian.

Iha Ita nia Vokasaun ne’bé maka iha ne’e ita nia desijaun rasik. Jesus bolu ita, no ita hatan ninia bolu ne’e.  Fofoun hahu atu tuir Nia, ita kontente tamba ita la hatene atu ba ne’ebé los no saida mak atu akontese ba ita. Maibe neneik ita discobre katak buat barak mak ita sei hosoru iha dalan naruk ida ne’e. Ita presija  lori Ninia krus hodi tuir nia.

Lori krus maka hanesan: wainhira ita husik buat hotu (Familia,nasaun…), no iha dalan klaran ita sei hasoru difikuldade barak. Tamba ita hatene katak dalan ida ne’e la fasil maibe ita presija esforsu an hodi husu Ninia ajuda hodi fo grasa, bensaun no korajen ba ita atu nunee ita bele hatak liu ba oin ho laran metin nafatin ba Nia.

Ita fiar Katak Nia bolu ita, nia sei la husik ita monu no la’o hamutuk hoita nafatin. Ho fiar ida ne’e mak  ita hakarak  husik bua hotu no fo buat hotu la iha reserva maske difisil maibe dudu neneik sei too iha neba.

Reflesaun husi: Irmã Felizarde dos Santos, OP

 

  

Kontinua Le'e

SAI TESTEMUNHA BA JESUS HO ITA NIA EJEMPLO MORIS.

 

Domingo Daruak  Tempo Baibain

 

Primeira Leitura: Is 49:3, 5-6

Segundo Leitura: 1 Cor 1:1-3

Evanjelho: Jn 1:29-34

 

 

Evangelho loron ohin nian enfatiza kona ba São João Baptista nia lalaok fiar nian. Hanesan mensageiro Maromak nian, São João Baptista mai uluk hodi prepara fatin hodi simu Jesus. Molok Maromak haruka São João Baptista mai, Maromak hili uluk Israel oan sira atu sai nia servidor ba nia Liafuan. Sai hanesan atan ba Maromak nia mensagem, Maromak hasai sira husi mundu nian ukun, terus no susar.

Tamba deit Israel nia fiar mak Maromak halo sira sai naroman ba nasaun hotu no salvasaun Maromak nian ba ema hotu iha mundu tomak. Ho ida ne mak naroman ne’ebé Maromak fo ona ba Israelita sira kontinua haklaken husi São João Baptista sai ba ema ne’ebé moris iha nakukun laran. Nia lori ema sira sai husi dalan at hodi tuir Maromak. São João Baptista sarani ema hotu ho nia fiar liu husi be hodi hein Jesus Kristu nia spiritu atu hasantu  ema sira hodi sai Maromak nia oan. Hanesan Maromak nia atan, São João Baptista rekonese nia an katak nia la’os maksoin, maibe nia mak mata dalan ba Maksoin ne’ebé atu mai.

Humilidade nebe mak São João Baptista konfesa kona ba nia an halo evangelista joao mos hare Jesus hanesan Maromak nia oan rasik. Hanesan São João Baptista mai ita haklaken Maromak ba ema seluk, tamba ita nia fiar mos bele loke ema seluk nia fuan hodi lao tuir Jesus.

São João Baptista nia fiar halo nia rona no hare Maromak nia manifestasaun ba nia oan rasik. Ho ita ne mak São João Baptista haklaken katak ho Jesus mak ita bele iha Spiritu santu Maromak nian. No fiar nebe mak sira haklaken kontinua iha São Paulo ne’ebé mak Jesus rasik hili hodi lori nia mensagem domin nian ba Mundu tomak. Tamba deit humilidade São Paulo husik nia moris pasado nian hodi tuir Jesus iha nia moris tomak.

 

Reflesaun Husi: Irmã Rosaria Aurea Ximenes, OP

 

Kontinua Le'e

BUKA NAROMAN TOO HETAN

 

Domingo Epifania do Senhor

1a. Leitura: Is 60:1-6

2a. Leitura: Eph 3:2-3a, 5-6

Evangelho: Mt 2:1-12

 

 

Kristu, ita-nia naroman mai ona iha mundu no nabilan iha nakukun laran.

Iha festa  Epifania nian ne 'e, koalia kona ba Na' i nia manifestasaun ba povu hotu-hotu no reprezenta husi ema matenek nain sira ne' ebé mai husi loro-sae atu bá adora, ema Judeu nia Liurai.

Evangelho Saun Mateus fo hanoin mai ita katak ema matenek nain tolu maske husi dook maka mai maibe sira mai ho objetivu ida no fokus hodi buka Naroman ne’e too hetan duni. Naroman ne’ebé mai ona iha mundu hodi leno iha nakukun laran. Sira hanorin ita oinsa bele fokus ba buat nebe prioridade liu ba ita nia moris maka Nain nia prejensa mai iha ita le’et. Tan Nia lori domin, paz no unidade mai iha mundu. Sira nain tolu hanorin ita lisaun hanesan pasensia, fokus no nakonu ho esperansa.

Matenek nain tolu ne’e wainhira ba hare Menino Jesus ho presente furak ida hanesan osan mean, ai wen morin, ho mina morin. Ba ita nu’udar Sarani Katolika, presente saida maka ita bele oferese ba Nia? Wainhira ita hakarak atu oferese duni presente ida ba Nia maka hanesan perdua ema, hadomi ema seluk hanesan ita an rasik.

 

Reflesaun Husi: Irmã Felizarde dos Santos, OP

 

  

 

Kontinua Le'e