RIKU IHA SE NIA SORIN: DOMIN OU RIKUSOIN – MAROMAK OU MUNDU?

 

DOMINGO XVIII  TEMPO BAIBAIN NIAN

1a. Leitura: Eccl. 1:2;2:21-23

2a. Leitura: Col. 3:1-5,9-11

Evanjelho:  Lk. 12:13-21

 

     Evangelho ohin loron nian gia ita, atu hare ba ita nia an, katak saida maka ita iha, saida mak ita nia maun alin sira iha no saida  maka ema seluk iha.

    Buat hirak ne’e kona ba rikusin hotu ne’ebé ita iha, no oinsa rikusoin sira nee domina fila fali ita. No oinsa ita  nia atitude ou reasaun, waihira ita menus ona rikusoin  ne’ebé ita iha. Ita haksolok no kontenti maka’as ho rikusoin  ne’ebé ita iha. Iha ita nia vida loro loron ita hasoru obstaculo tolu  ba ita nia fiar mak RIKUSOIN,  RESPEITA, NO ORGULHO.

   Mai ita hamutuk hare ba realidade  ne’ebé mak ita no ema hotu esperencia, katak ita hakarak rikusoin  ne’ebé barak  atu nune’e ema seluk foti ita as liu hotu hotu liu husi edukasaun ne’ebé  diak, diresaun  ne’ebé mak ita hela no halo ema orgulho ho material ne’ebé ita iha. No ita lahatene katak buat hotu  ne’ebé ita iha bele troka no lakon iha momentu no minute balun nia laran. Relasaun entre ita ho ita la’o lalos ona, mate bele acontese ba ita derepente, moras oi-oin mosu, nst. 

    Haka’as an atu sai riku iha parte mundu  no iha parte  Maromak nian. Mosu obstaculo boot iha moris mak oinsa moris iha SIMPLICIDADE, INTEGRIDADE, no HUMILIDADE. Humanidade nia orgulho katak ita nee Maromak nia oan no sai maun alin no feton ba malu, simu malu no simu ita nia an nu’udar ita an rasik. Simplicidade  ne’ebé diak ba ita atu sente confortavel ba ita an, maka ita simu realidade  ne’ebé haleu ita iha ita nia  moris loro loron nian.  Buat sa maka ita iha, ida nee sai prezente ita mos, ne’ebé fo ba ita ba mundu nia diak. Ba Comunidade, ba vijinhu, no ema barak tan, laos diak ba ita nia an deit.

    Too ikus mai ita husu, buat sa mak inportante. Ita husu atu julga bajeia ba DOMIN ga ba RIKUSOIN.  Se ita iha rikusoin entaun saida maka ita halo ba rikusoin hirak nee? buat hirak ne’e facil los ba ita  atu hases an tia husi Maromak. Husu no hare ba  iha realidade akontese dunik hanesan nee ga lae? Riku iha Maromak nia DOMIN riku iha COMPAIXÃO riku iha PERDÃO no JUSTIÇA.

 

Reflesaun Husi: Irmã Cacilda de Fatima, OP

 

 

Kontinua Le'e

AMI AMAN

 

Evangelio sao Lucas 11:1-13

RefleÇão ba DOMINGO XVII TEMPO COMMON NIAN.

 

    Maun Alin doben sira, ita ohin tama ba iha Domingo XVII, tempo baibain. Iha ita nia evanjelho ba loron ohin nian, Jesus convida fila fali ita hotu atu hola parte iha ema seluk nia le’et no la’o hamutuk ho sira ne’ebé mak iha susar laran.

   Iha Evangelio nee, iha Jesus nia scolante ida, hanesan ita,  imi ho hau, ne’ebé  mak husu ba Jesus atu hanorin sira oinsa atu hamulak. Iha neba Jesus hatan ba Nia katak, hamulak hanesan nee:

   Ami Aman, iha lalehan,Tulun ami hahí Ita Naran.
Halo Ita Nia reinu to’o mai ami. Haraik  ai-han lorn-loron nian mai ami, atu ami bele moris.Haraik perdua mai ami salan, Nu’udar ami perdua ba ema halo aat ami. Labele husik ami monu ba tentasaun.

  Jesus hakarak ita  ne’ebé mak fiar iha Nia, harohan mos ba ita nia Aman iha leten as ba hanesan nia haruka nia eskolante sira harohan.Tamba buat hotu ne’ebé mak ita hakarak atu husu, nia hatene ona. Ho ida nee, orasaun Ami Aman sai hanesan orasaun  ne’ebé mak ajuda ita atu comunica didiak ho aman Maromak liu husi ita nia susar no terus  ne’ebé mak ita hasoru iha ita nia moris tomak. Tamba ita hotu hatene katak Maromak nunka baruk atu rona ita no tulun ita. Sim nudar ema humano dala barak mak ita halo sala maibe ita senti katak nia la perdua, maibe ba Maromak sempre perdua, no ba Maromak ema hotu los no diak. No nia hanesan, Aman ida nebe’e mak nunka husik nia oan sira terus no halerik mesak.

Nune’e,  mai ita hare no rona husi Jesus katak; see ita husu ho fiar ita sei hetan, no simu husi nia mana iha leten as ba.

   Entaun ho ejemplo ne’ebé  mak Jesus nia escolante husu, hanorin ou fo hanoin mai ita katak, Husu ba imi sei simu, Buka ba imi sei hetan duni, basa ema hotu  ne’ebé husu sei simu. Se wanhira ita husu ho fiar no humilidade, mak ita sei hetan no simu husi Nai. Tamba Maromak rasik la baruk atu rona ita nia halereik, maibe dala barak ita rasik mak baruk no tauk atu hein no lakon pasencia iha Nai, ho ita nia egoism sira.

 

   Mai koko kria hahalok pasencia no buka atu perdua no tulun ema hirak  ne’ebé mak ita halo sala hasoru no mos ema hirak ne’ebé mak persiza ita nia tulun.Tamba ita hotu la perfeito, so Maromak deit mak perfeito ba buat hotu so koko atu halo tuir nia ejemplo nudar sarani diak ida.

   Ho ida nee, evangelho ohin bolu ita hotu, atu koko no tuir sa ida mak Jesus haruka no tenik ba nia escolante sira atu halo. Iha ita nia  moris  ita persiza kria atitude hanesan Jesus nia scolante ne’ebé mak fuan boot tebes hodi husu Jesus atu hanorin nia oinsa atu harohan ou husu tulun. No mos koko atu Perdua, Simu, Fahe no hatene mos fo agradece, e nos mos hatene atu cria attitude hospitalidade ba ema hotu la’os ba ema nebe’e mak ita hatene ou ita nia maluk, familia, kolegas, no konhese  maibe’e  koko atu loke oadamatan ba ema hotu.

 

Reflesaun husi: Irmã Dionisia Salsinha Maia, OP

 

 

 

Kontinua Le'e

Focus ba saida mak prioridade

 

Domingo XVI Tempo Baibain Nian

 

1a. Leitura: Gen. 18:1-10a

2a. Leitura: Col.  1:24-28

Evangelho: Lc. 10:38-42

 

       Evangelho ba loron ohin nian, Saun Lukas koalia kona ba relasaun entre Jesus no feto rua hanesan Marta ho Maria. Marta sibuk liu ba buat hotu no koko halo buat hotu mesak deit. Maria fokus liu ba Jesus tan ne’e nia tur iha Jesus nia ain hodi rona saida maka ni koalia. Tan ne’e feto rua ne’e hanorin mai ita lisaun ba moris nian. Dala barak iha ita nia moris ita sai hanesan Marta hodi sibuk buat nebe la importante ou menus valor ba ita nia moris loron-loron nian.

     Hanesan Marta wainhira nia sibuk liu ba serbisu entaun haluha tiha katak Jesus iha hela sira nia uma, no nia hirus fali Maria tamba nia la ajuda. Ita mos dala barak sibuk liu ba ida-idak ninia serbisu, no ita hatene katak agora ne’e mundu ne’ebé mak barulho tebes hanesan teknologia sira ne halo ita la fokus ba buat ne’ebé mak valor boot ba ita nia moris. Tan buat sira ne halo ita hadook husi Nain no lori ita ba tentasaun mundu nian hanesan konta ema nia vida, laran moras ba ema ne’ebé halo diak no selu-seluk tan.

     Evangelho ohin nian Jesus konvida ita atu sai hanesan Maria hodi hakbesik Nia, rona Nia no fokus ba buat nebe mak Nia koalia. Tamba Nia hili Maria iha parte nebe diak liu, ne’ebé dalaruma ita mós presiza hili parte ne 'ebé di' ak liu, atu rona Na 'i iha orasaun no iha momentu silénsiu. Maske mundu ne’e nakonu ho destruisaun, maibe ita presija foti desisaun hodi fahe tempo para hatene katak tempu iha atu nonok hodi rona no tempu iha atu koalia. Tamba dala barak Jesus koalia ho ita iha tempu silensiu.

 

Reflesaun Husi: Irmã Felizarde dos Santos, OP

 

 

 

 

 

Kontinua Le'e

SE MAK HAU NIA MALUK SIRA?

 

 

DOMINGO XV TEMPO BAIBAIN  NIAN

 

1ª.Leitura:  Det. 30, 10’14

2ª. Leitura: Col. 1, 15, 20

Evangelho: Luk, 10, 25, 37

 

    Ida ne’e hanesan pregunta ida  mai ita atu hodi reflete tanba dala ruma ita sedauk comprende ho diak,  ema sese mak  ita nia maluk ou belun sira. Maibe ita nia  maluk ou belun  sira mak labele hare husi rasa, suku, religaun, metan o mutin, riku ou kiak, foho ou cidade, matenek ou beik, bonita ou oin a’at no seluk tan  inklui mos sira ne’ebé mak hakanek ita.

 

   Iha Evanjelho ohin loron nian, Jesus fo hanoin ou hatudu mai ita oinsa hare ita nia maluk sira ho diak. Jesus hakarak  hanorin  ita katak oinsa ita hanesan ema fiar nain no hadomi maluk sira seluk. Oinsa ita nia aksaun sentidu ba ita nia maluk sira seluk. No hare ema seluk diak la’os tan sira halo diak mai ita ou hanesan ho ita.

Nudar ema ita hotu la perfeitu maibe ita hotu importante tanba ita hotu criatura Maromak nian. Nune’e  Maromak hakarak ita hatene haraik an  hodi  tau matan ba  ita maluk seluk.

Jesus hakarak oinsa ita hatudu ita nia hahalok ho fuan no laran tomak ba ita nia maluk sira, signifika katak hadomi ba ema seluk la’os ho lia fuan iha ibun tutun deit  ou sentimentu deit maibe hatudu ho hahalok no asaun ne’ebé mak realidade ou real e tenki halo sacrificio.

 

   Nune’e mai ita  ida idak husu ita nia aan, oinsa ita nia fiar? ita nia fiar produce obra diak ou at liu ou fiar fraku  ne’ebé mak mate ou  nia fiar ne’ebé mak la metin ou hau hanesan ema ne’ebé mak hili sira mak hau gosta deit? Ita ida-idakk halo pregunta ba ita nia ann rasik hodi halo reflasaun ba ita nia ann rasik. Maromak hatene ou coenhese  ita diak liu. Maibe oinsa ho ita rasik hanesan  iha dalan husi Jerujalen ba Jerico.

 

   Maluk sira, Ita nudar Maromak nia manu ain tenki  aten brani hodi prontu ajuda maluk sira seluk ne’ebé presija ita nia ajuda, hodi nune’e hatudu katak, ita sai parte iha moris rohan laek nian.

Ho Maria nia tulun no ajuda e confianza domin nian  bele sai domin nain hodi ajuda ema seluk hanesan ema samaritano, hodi nune’e  moris tuir mandamentu Kristu nian fo mai ita.

 

 

FELIZ DOMINGO E MAROMAK HARAIK BENSA BA ITA HOTU!

 

Reflesau Husi: Irmã Natalia Fouk, OP

 

Kontinua Le'e