MAI, HARE NO FIAR

                                  DOMINGO DE PÁSCOA DA RESSUREIÇÃO DO SENHOR

  

1ª Leitura:Atos. 10 34ª:37-43

2ª Leitura: Col. 3:1- 4

Evangelho: Jo. 20:1-9

 

 

Maluk sira hotu, ohin loron boot ou loron especial. Loron Domingo ne'ebé mak importante iha tinan ida nee ba ita sarani sira. No Domingo ida nee fo sentidu ba ita hotu.

 Loron tolu ba tridum pascua nian no loron premeiru ba loron cinquenta nian. Loron ohin mos loron ne'ebé mak importante tebes ba: JESUS NIA MORIS HIAS….ALELUYA…

Iha leitura ohin loron fo hanoin mai ita  katak; ITA HAN HO HEMU HAMUTUK ONA HO NIA, DEPUES NIA MORIS HIAS. Iha libro apóstolo sira  nia hahalok, ofrece mai ita testamuniu ne'ebé mak kapas tebes oinsa ema kristaun uluk sira hatudu sira nia fiar ba Jesus nia moris hias. No fa afektu ba comunidade sira ne'ebé mak apostulu sira moris ba. Husi esperensia paskua halo sira sai ema primeru ne'ebé mak fo testemuniu konaba Jesus nia moris hias. Sira mak sai testego lolos nian konaba akontasementu anunsiasaun. Experensia paskua nian mak halo ita comprende ho comunidade no haklaken Evanjelhu ba ema hotu.  Nunee ita hotu ohin loron tenki koko ita nia forsa kona ba moris hias hodi hatoo no fahe ita nia fiar ba ema seluk.

Fiar iha Kristu nia moris hias laos atu rai ba ita nia an rasik o ba familia deit maibe fahe mos ba maluk sira seluk. Lia fuan Pedro nian ohin se sai realidade esperanza katak buat hotu se sai los, ita mos han ho hemu hamutuk ho Jesus iha nia moris hias. Manera especial ohin iha eukaristia ne'ebé mak ita celebra hamutuk.

 

Maluk sira hotu mak Kristu hadomi; MAI, HARE NO FIAR. Opsaun ida ne'ebé mak ita ofrece iha liturgia ida nee relatu ho experensia Maria Madalena hamutuk ho Pedro no eskolante sira ne'ebé mak Jesus hadomi. Maria Magdalena mak sai ema primero nebe mak descobre konaba Jesus nia moris hias ne'ebé mak la iha rate no nia ba avizu ba nia eskolante sira..

Relata ho historia ne'ebé mak akontese konaba Jesus nia moris hias, historia nee koalia konaba detalla uitoan deit maibe fo naroman ba ita atu hare husi lia fuan sira nebe limitasaun deit. Moris hias iha símbolo no signifikasaun tebes ne'ebé hatudu ho fiar, laos bukti realidade maybe hatudu ho imagen konaba saida mak akontese. Rate la’os mamuk, maibe nakloke no nakonu ho sinal oi oin.

Maluk sira, Importante loke ita nia ann no haklean ita fiar konaba experensia misterio ne'ebé iha selebrasaun mak ita fiar ho an tomak hodi bele hare ho matan foun no iha fiar los. Ita mos hanesan disiplu sira la comprende diak lia fuan sira nee.

 Nunee ita tenki haraik ann no loke nia fuan hodi comprende dia-diak sentido moris hias nian.Jesus nia moris hias sai hanesan naroman no kbiit ne'ebée mak hlo ita sai kapas hodi sai evangelisasaun no testigus hodi Maromak nia presencia ba maluk sira seluk.

Ksolok pascua nian sai hanesan fortaleza iha tinan tomak, no lo-loron. Hanesan Amu Papa Francisco nia primeru dokumentu hateten; Ksolok Evanjelhu nian(Evanjelhu Gaudium): Iha Igreja ita presija fo testemuniu ksolok Evanjelhu nian

, ksolok paskua nian, ksolok oinsa atu hadomi no hatudu ba Maromak hadomi ita rohan laek.

Mai ita husu ba ita nia rasik; Oinsa hau halao paskua nee? Hau bele hetan ksolok paskua nian? Hau bele sai testigu konaba moris hias o hau seidauk asume hau nia indentidade hanesan disipulo lolos? Mai ita refleta ba nia an ida-idak.

 

 ! FELIZ PASCUA DA RESSUREIÇÃO BA ITA HOTU…. !!! JESUS MORIS HIAS ONA!  ALELUYA….ALELUYA.

 

Reflesaun Husi: Irmã Natalia Fouk, OP

Kontinua Le'e

JESUS MAK MAROMAK NIA OAN LOLOS

                                                                 DOMINGO RAMOS

1ª Leitura: Isa 50,4 -7

2ª Leitura: Filip 2:6-11

Evangelho: Marc 15:1-39

 

    Maluk Sira, semana Santa hahu ho Domingo Ramos o Domingo Paixão. Ohin Igresia fo mai ita aportunidade hodi hahi Jesus iha ita nia fuan hanesan Nai Liu Rai no centru ba ita nia vida. Ema hahi no hakilar ba Nia: HOSANA DAVID NIA OAN, NE'EBÉ MAK MAI HODI NAI NIA NARAN. Ita hakarak tuir Cristu, maski defisil no komplekadu tebes, mabe ita fiar katak ita se hetan moris naroman, nee mak naroman moris rohan laek nian.

 Iha evanjelhu saun Markus nian hateten katak paixão Jesus nian. Jesus hetan tentasaun oi- oin, negasaun no husik Nia, buat hotu tanba domin no obedensia ba Maromak nia planu. No kortina iha templu nian se nakles, nee simbolisa katak aksesu Maromak ba ita hotu no Kristu nia mate.

 Iha Evanjelhu domingo ohin hatudu konaba drama salvasun nian, iha neba mak obedensia, haraik an no sakrfisio ne'ebé mak ofrece no sai regalu moris rohan laek nian.

 Maluk sira, Jesus halo hakfodak ita iha loron primeru ema sira acompanha too Jerusalem ho kuda buru, hodi hein atu salebra Paskua ho diak no vitoria, maibe Jesus mai atu halo tuir ho sakrifisiu hodi saran an no celebra vitoria Maromak nian no mate iha Cruz.

Iha cidade Judea Jesus nia moris fatin, Nia moris, boot no to'o Nia mate sai hanesan mehi liberasaun definitifa, iha sidade ida momento neeba fatin santu, ema barak hein hela libresaun husi obra mesias ida ne'ebé mak Maromak haruka. Ema balun hanoin katak Jesus mai ho poder atu halo povo Judeo sira libre husi sira nia enemigo.

Lia fuan seluk sira mehi ema ida ne'ebé iha poder atu salva sira husi polika ho ekonomia hodi sira nomina nasaun tomak, Maybe Jesus nia manera oin seluk no importante ho relijiaun ema judíu sira nian.

Nunee iha relatu evanjelhu domingo ohin ho kuda buru, Jesus sae kuda buru ho dignidade liu ho kuda tama iha Jerusalen ema barak hakilar no hahi NIA, hosana Nai liu Rai, sira hakilar ho haraik an, respetu no paz.

 Laos liu rai ida mak atu ukun nasaun ida, maibe liurai ida mak lori dame ba mundo tomak. Husi nee, Jesus  koalia mai ita konaba fiar, misión no dalan ne'ebé atu lori ita too dalan liberasaun no ksolok nian. Inspirasaun ida Jesus dehan mai ita, ida nee mak DOMIN ne'ebé serbi ema hotu no  fo gratuita ba ema hotu nia diak. Ema ne'ebé simple no haraik an se hetan Jesus Nazaré Mesias lolos nian, ne'ebé mak hahi nia hanesan maksoin. Nunee eskolante sira hamutuk ho nia hodi rona, simu ho kontenti hodi selebra Mesias domin nian ne'ebé mak Jesus hatudu mai ita.

Maun alin sira, Ita nudar ema sempre sufre no nunka satisfetu ho buat hotu ne'ebé ita iha, sempre lao buka ho manera oi-oin no hein nafatin. Dalaruma iha mehi ne'ebé mak as liu maski buat ne'ebé mak ita hakarak dook liu husi ita maibe buka tuir nafatin. Ida mak hanaran mehi iha loron manas o hayalan. Maibe ita too deit mundo  mehi nian deit. Ita hakbesik ba Maromak nunee bele hatan ita nia resposta. Bainhira ita halo radiografia konaba historia bíblica ita sei hetan promesa Maromak nian sei too mai no se lori ita ba moris haksolok nian.

Maluk doben sira hotu, Iha grasa ida nee mak cuaresma, ita nudar sarani atu reflete kona ba ita nia resposta ba Jesus Nazaret ne'ebé entrega nia moris tomak ba ita. Oinsa ita resposta ba DOMIN Maromak nian hatudu iha CRUZ?

Misteriu saida mak paixão Jesus nia terus no mate, ita tau iha nia fuan hodi tranforma no kuidadu ita nia moris iha domin, servisu no entrega? Mai ita hotu ho konfiansa no agradese hodi reflete no moris ho grasa ne'ebé NIA fo no haraik mai ita ida-idak no sai sarani ne'ebé diak hodi hafahe esperanza no moris ressureição nian.

 

FELIZ DOMINGO RAMOS BA ITA HOTU!

 

Reflesaun Husi: Irmã Natalia Fouk, OP

Kontinua Le'e

Hakarak Hare Jesus

                                        DOMINGO BA DALA V TEMPU QUARESMA

  

1ª Leitura Jerm 31:31- 34

2ª Leitura Hebr 5: 7-9

Evangelhu 12: 20-33

Maluk sira, ohin ita tama iha  quinto domingo quaresma nian. Ita iha ona iha semana ikus quaresma nian, semana ne'ebé  importante ba signal anual celebrasaun semana santa. Liturgia de la palabra domingo ida nee sai hanesan Maromak nia profunda alianza haruka Jesus mai iha mundo atu salva ita.

Maluk sira: NAROMAN IHA ITA NIA LIMAN RASIK. Iha nakukun bot, kalan ne'ebé mak naruk no taka metin, difikuldade ne'ebé mosu oi-oin. Jesus mosu mai ho nia naroman. Laos leno deit maibe fo naroman ne'ebé ba mundo tomak. Ita hetan oportunidade tebes leno no fo naroman husi ita nia kiak no difikuldade sira hotu. Los duni iha naroman oi-oin ne'ebé atrae ita naroman falso nian hanesan dekorasaun no buat seluk tan, ida hanesan fo ita sensasaun momento deit, maibe ita presija liu naroman los nian. Nune’e mak Maromak, naroman ne'ebé mak mai husi Kristu hanesan sasukat ba igreja sai unidade ho Kristu mak lia los no naroman mundo nian.

Iha Evanjelhu ohin loron nian fo hanoin katak, iha versaun okasaun, problemas no confliktu sira ne'ebé Jesus hasuru autoridades religiosos sira, ema diak sira no grupo fiar nain Judaísmo sira nian nee lia fuan ne'ebé hakeraek nanis ona. Jesus halo nia síntesis sira iha mandamentu rua  importante mak Hadomi Maromak liu buat hotu no hadomi ema seluk ema seluk hanesan ann rasik. Ne'ebé hadomi nia halo tuir nia lei, sai Perfeito no santidade ne'ebé mak ema santu halo tuir ida nee hanesan PONTE DOMIN NIAN. Hanesan Papa Bento XVI nia lia fuan dehan: Maromak mak domin ardente caridade no iha an tomak. Ho forsa transforma mundo atu sai diak liu tan liu husi ita nia ann no fuan tomak.  Lei  foun la impede oinsa atu aprende normas no oinsa atu tuir Cristu nia dalan, hodi trasforma ita nia fuan.

Maluk sira, Jesus haklaken Maromak nia lia fuan atu ita bele rona ho diak, hodi halo tuir, ho valor no construi relasaun diak ho maluk seluk hodi harí mundo ne'ebé iha damai no paz.

 Ita nudar sarani ita tenki sai modelo ne'ebé mak diak no fo ejemplo diak hodi sai ponte lia los nian no inspirasaun ba maluk sira seluk. Jesus Maromak nia oan, se converte no sai modelo ba iha hahalok no fiar nian. Rona no halo tuir Maromak nia lia fuan, hanesan lia fuan sira ne'ebé mak tenki kontinua nafatin. Rona Maromak signifika: halo tuir, no la halo tuir signifika la rona Nia lian.

Ita nia cultura a’at ida ne'ebé lakoi halo tuir no la obedece. Dala ruma ita la ba misa, la reza no hado'ok an husi NIA, maibe bainhira hetan susar, problema no terus mak foin fakfodak no hakbesik Maromak. No bainhira iha tempo diak ita haluhan NIA.

Maluk sira, Agora no momento ida nee ita hasuru malu ho Jesus atu hadia ita nian a’an hafoun ita nia espíritu hodi rona no halo tuir Maromak nia lia fuan. Oinsa atu lori ema seluk ba naroman o sai ejemplo naroman ba ema seluk?

Uluk knanain sai naroman ba ita nia rasik, signifika katak tenki sai sasin iha tempo saida deit. Maromak hakarak ita nia fiar nafatin ba iha Nia, tanba ho domin boot nee hatudu mai ita liu husi cruz no salvasaun Jesus.

Mai ita hadia ita nia ann hodi hetan moris fuan nakonu ho ksolok no santo iha tempo no momentu ida nee. Maromak haraik bensa nafatin ba ita ida-idak. 

 Feliz domingo ba ita hotu…!!!

Reflesaun Husi: Irmã Natalia Fouk, OP

Kontinua Le'e

Ema ne’ebé mak serbisu ho los sei hetan naroman moris nian

        DOMINGO BA DALA IV TEMPU CUARESMA

1ª Leitura: 2 Cro36:14-16 19-23

2ª Leitura: Efes 2:4-10

Evangelho: Jo. 3:14-21

 

Maluk sira, misericordia domin no salvasaun nee lia fuan sira nebe mak sai chave iha quarto domingo tempu cuaresma ida ne’e. Maromak ne’ebé mak ita fiar, hanesan Maromak ida  riku ho misericordia tanba Maromak mak domin nain ba creatura sira hotu. Maromak nia justisa  mak sai hanesan domin tanba husi Maromak nia domin mak salva ita. Nia hadomi tebes ita hodi nunee Nia haruka nia oan mane mesak mai iha mundo atu salva ita. Ita nia experensia fiar nian labele haketak ann husi Maromak nia domin los no compromisso mak lori ita nia fiar  iha Maromak nia domin.

Iha Evangelhu ohin koalia kona ba, Ita nudar ema sempre hakarak  moris nafatin. Nunee Ita nia esperensia lor loron sai hanesan testemunha  Evanjelho hanesan dalan fiar nian. Se hakarak moris rohan laek tenki fiar metin iha cristu. Nunee ita nudar cristaun, moris rohan laek tenki hare no fiar ba  Jesus iha situasaun saida deit ho ita nia esperencia amizade no relasaun metin ho Maromak. Iha dalan importante ba ita, tanba ho ita nia experensia fiar nian, no se hafahe ita nia esperansa ba moris rohan laek no posiblidade ba futuru,

Fiar iha Jesus, hanesan dalan hodi loke odamatan hodi bele hetan vida rohan laek nebee ita mehi, ida nee mak esperanza ba moris rohan laek. Maromak nia domin rohan laek ba mundo no hadomi liu ita hodi entrega nia oan mane mesak mai iha mundu atu salva ita. Nia hadomi munda  la iha sasukat no ho  laran tomak.

Iha refraun ida hateten katak “obras domin nian laos rasaunne’ebé  mak diak. Maibe obra domin Maromak  ne’ebémak hatudu mai ita hanesan  dom ida ne’ebé mak entrega nia Oan Mane Mesak mai atu salva ita hodi moris rohan laek. Nunee mate iha cruz sai hanesan aksaun domin ne’ebé mak laiha sasukat.

Domin signifika fo doação  husi nia ann rasik, KUANDU LA IHA DOMIN LA IHA DOAção, LA IHA SAKRIFISIU NO LA IHA ENTREGA.

 

Maromak foti insiatifa atu hadomi ita hakuak ita ho Nia miseria no transforma ita nia fraku hodi hetan graça. Tanba nia hadomi  liu ita no sai la premeira, tanba hakarak ita sai perfektu no sai diak liutan husi buat husi hotu. Cristu naroman mundo nian no naroman ba ita nia moris, nia ofrece naroman ba ita hodi ita sai naroman liu tan. Naroman ida nee oinsa bele halao, saida mak  iha ita nia fuan.

Maluk sira, dala ruma ita koalia bosok mak barak duke koalia los, maibe ita presija lia los hodi salva naroman ne’ebé ita iha atu sai naroman diak liu tan. Nunee Cristu mak hun husi lia los nian, ho lia los halo ita libre, tanba Maromak ponte lia los no moris rohan laek. Maluk sira, Kuaresma mak tempu atu aprende dalan domin nian no dalan atu hakribii  ita nia sala.

Mai ita fair ba NIA hodi hetan moris rohan laek.

BOM DOMINGU BA ITA HOTU NO MAROMAK ACOMPANHA ITA NAFATIN.

 

Reflesaun Husi: Irmã Natalia Fouk, OP

Kontinua Le'e

LABELE HALO HAU NIA AMAN NIA UMA HANESAN MERCADU

                                              TERCEIRO DOMINGO DA QUARESMA

  

1ª Leitura:  Exdo 20:1-17

2ª Leitura: 1Cor. 1: 22-24

Evangelho:  Jo. 2:13-25

 

 Maun alin sira ohin ita tama iha terceiro domingo quaresma nian. Jesus hatene oinsa ita nia fiar ne’ebé mak kesemetin ho cultura, ba maromak falsu, adora buat seluk, fiar ba matan dok o halo kustume seluk hodi halakon o hadook aan husi Maromak nia domin lolos. Maluk sira, templo iha Jerusalen uluk hanesan fatin sagrado no signifikado tebes ba tradisaun ne’ebé mak lulik no espiritual tebes ba ema Israel sira, uluk sai hanesan fatin ba Maromak nia povo no sai hanesan dalan santidade ba Moises ho nia povu. Iha evangelho ohin koalia kona ba:

A. TEMPLO, MAROMAK NIA UMA! B. TEMPLO MAK FATIN ATU HALO NEGOCIO? C. TEMPLO SAI  SINAL KRISTU NIAN!

A. TEMPLO, MAROMAK NIA UMA.

Iha tradisaun ema Israel sira nia fuan, leI, templo no observasaun no constitusaun sira sai hanesan sinal no identidade ba Maromak. Templo Jerusalen nian uluk sai hanesan fatin  sagrado tebes tanba sira tau matan ho diak no fo konsekuensia tomak tanba fatin nee mak uniko tebes no oficial ba MAROMAK NIA UMA. Ba tradision Espiritu ba ema israel sira templu uluk sai hanesan fatin común bainhira ema santo no ema sala nain, ema ricu no ema kiak bele loke sira nia fuan, sai hamutuk no buka dalan hodi halo conversaun no bele ofrece sira nia ofrendas ba MAROMAK. Iha fatin nee Maromak fo perdua no haraik bensa ba ema hotu no la hili ema.

B. TEMPLU, FATIN ATU HALO NEGOCIO?

Koalia konaba akontesementu iha templo ne’ebé mak hatudu mai ita nudar ema kristaun ne’ebé diak. Jesus ba templo iha tempo paskua celebrasaun importante ba ema Judeu sira, maibe bainhira Jesus too, nia hare ema usa Maromak nia uma hodi faan no troka sasan hanesan merkado no  laos sai hanesan fatin reza nian. Bainhira Jesus hare situasaun ida nee Nia la nonok deit, Nia sobu husi tali hodi duni sira husi templo, no hadia fali fatin nee hanesan fatin santo ba Maromak nia uma. Jesus hatudu nia aksaun atu fo hanoin mai ita katak, Ita nudar Maromak nia povo tenki sai aten brani no haforsa ita nia aan hodi hadia ita nia hahalok hamos ita nia fuan husi hanoin foer no a’at ne’ebé mak domina ita nia ann. Ita tenki tau matan ba ita nia fuan no laran atu sai mos no sai fatin santu hanesan templo ne’ebémak mos no hodi atu hahi.

C. TEMPLO, SINAL KRISTU NIAN.

 Templusignifikadu tebes, hanesan fatin  sagradu o lulik sinal hanesan fatin  hasoru malu ho Maromak ida ne’ebé misericordioso, fo konsola ba ita bainhira ita sai tristi, perdua ita nia sala, hadia ita husi sala no hakuak ita ho Nia miserkordia.Bainhira ita  lakon esperansa. Jesus nia fuan sai hanesan fatin ne’ebé Maromak hela ba, Nia lia fuan no  gestus sira sai misecordia ba peregrina sira. Nunee iha situasaun a’at la iha esperansa Jesus hakuak ho Nia misecordia.

Maluk sira hotu,  Ita nudar ema kristaun sai hanesan templu KRISTU nian iha historia mundo ida nee. Ita nia vocasaun no misaun sai hanesan fatin sagradu hodi nunee ema seluk bele hetan o hasoru Maromak iha nia aksaun no atitude verdadera iha ita nia an. No sai fatin ida  bele hodi kura, halibur ema no fo perdua ba ema. Sai hanesan fatin  ne’ebé mak hatudu katak:

MAROMAK MAK DOMIN NAIN! DEUS é AMOR! GOD IS LOVE! Oinsa  bele sai hanesan tempu Kristu nia iha ita nia moris lor-loron? Oinsa bele hatudu MAROMAK NIA DOMIN Iha hau nia lia fuan, gestus, aksaun, aietude no testemuniu sira? No Oinsa hau bele halao misaun no sai hanesan fatin sagardo hodi nunee ema sira o sarani sira bele hasuru malu no koenhese MAROMAK?

Mai ita hotu reflete no husu ba nia ann ida-idak. FELIZ DOMINGO BA ITA HOTU!

Reflesaun Husi: Irmã Natalia Fouk, OP

Kontinua Le'e