IRMÃS MISSIONÁRIAS DOMINICANAS DO ROSARIO IHA
TIMOR LESTE
Missionaria : Ami nia kongregasaun komposto husi irmas ne'ebe mai husi nasionalidade
22 no nasaun 21 nebe mak marka prezensa iha mundu. Ami nia komunidade
hela iha fatin kiak sira hodi moris hanesan sira nune’e bele
haklaken liberdade ba atan sira no ba sira nebe ema hanehan.
Ami
fiar iha fraternidade universal, konfia iha posibilidade atu harii
mundu diversidade husi fatin riku sira, ba komunidade nomos ba ema
idak – idak nune’e mak ami moris iha komunidade kiik oan sira
atu bele komparte ami nia moris no misaun.
Ami
fiar iha kbiit feto nian hodi liberta, nudar be matan moris no kmook,
hametin an iha relasaun humana, hanesan samaritanu hodi tulun hirak
nebe terus, defende ba moris vulneravel sira iha rai nee.
Dominicanas: Ami buka atu iha vida fraternal comunidade, liu husi estuda
no orasaun, naroman atu leno presensa Maromak nian iha realidade,
rekonhese sinal moris nian no lalatak nebe mak hatudu dalan no
haruka ita atu ba iha kbiit laek sira
Ne’e
mak Maromak nia lifuan nebe habosu ita iha ita nia komitmentu ba
Maromak nia reino no dudu ita nia inisiativa no projectu sira,
nudar ita nia abut haklaken, anunsia no denunsia.
Do
Rosario: Iha Nain Feto ami rekonhese nudar eskolante diak,
nudar feto orante, serbisu makas, atu hari'i fraternidade,
ofresse an, la hanoin an no hakarak hatutan nafatin domin. Atenta
nafatin ba Maromak nia planu no Ninia istoria, nebe mak hananu no
selebra nafatin ho hahi atan sira no habosu hamlaha, nia mak ami nia
bematan inspirasaun iha ami nia missaun, haforsa nafatin ami ho diak
no tau matan nafatin baa tan feto sira nebe mak lao sai husi kultura
rasik ba moris iha diversidade relijioso nian.
0 comments:
Post a Comment