Domingo Ba dala IV Tempu Baibain Nian
1a. Leitura: Jer 1:4-5, 17-19
2a. Leitura: 1 Cor 12:31-13:13
Evangelho: Lk 4:21-30
Primeira Leitura no Evangelho ohin nian fo hanoin mai ita kona ba ita nia vokasaun tamba, iha Primeira leitura Jesus hateten katak “molok o nia inan kous o, hau hatene nanis o, molok o nia inan hahoris o, hau hili tiha ona o, hodi halo o sai profeta rai tomak nian.” Iha Evangelho Saun Lukas haktuir katak “ema rejeita profeta ida iha ninia fatin rasik.”
Uluk knanain, Ita nuudar Sarani Katolika, ita nia knaar maka haklaken Nain nia Evangelho ba mundu tomak liu-liu ema sira nebe mak seidauk rona. Maibe ita tenke simu ninia konsekuensia hanesan rejeita ita, hatuun ita,nst.
Iha ita nia moris, wainhira ita koalia lia los/halo buat nebe diak, sempre iha kanek, maske ita nia ema rasik sei la simu ita no buat barak mak sei akontese ba ita maibe ita tenke hanoin katak Maromak hatene saida maka ita halo tamba nia kunhese liu ita duke ema seluk. No mos Nia fo grasa ba ita atu lori ninia liafuan diak ba mundu. Tan nee la iha kestaun nebe forte liu kona ba opozisaun tamba ita fiar katak nia sempre akompanha ita ba ne’ebé deit.
Ikus liu, Evagelho ohin nia fo hanoin no fo korajen mai ita makaas atu kontinua la’o ba oin nafatin maske dalan ida ita hili dadauk ne la fasil no dala barak ita monu, maibe hamriik fila fali no kaer metin nia liafuan katak “keta tauk haw sei akompanha o iha ne’ebé deit”
Reflesaun Husi: Irmã Felizarde dos Santos, OP
0 comments:
Post a Comment