DOMINGO BA DALA II TEMPU BAIBAIN NIAN
Primeira Leitura: Isaiah 62:1-5
Segunda Leitura: 1 Cor 12:4-11
Evangelho: Jo. 2:1-11
Evangelho ohin nian hanorin mai ita lisaun importante haat maka hanesan tuir mai ne’e: Jesus nia inan Virgen Maria dehan ba Jesus katak “sira nia tua hotu ona”, Jesus dehan “hau nia loron ladauk too”, Virgen Maria hatete ema sira dehan “imi sei halo tuir buat nebe nia haruka”, Jesus dehan “imi tau be’e ba kusi sira ne’e to’o nakonu”
Lisaun ha’at ne’ebé maka refere iha leten ne’e dala barak akontese iha ita nia moris lor- loron. Ita nu’udar humanu, tan ita nia limitasaun, dala ruma ita la rekonese Jesus nia presence iha ita nia leet, ita sei duvida ba ninia milagre sira ne’ebé mak Nia halo tamba ita preokupa demais saida mak akontese iha ita nia moris.
Ita hotu hatene katak ita nia mundu agora dadauk mosu problema oin oin hanesan: Pandemia, funu, hamlaha, desatre naturais etc. Ho rasaun ida ne’e ita la iha tempo hodi rona saida mak Nai hatete mai ita. Maibe evangelho ohin nian Jesus fo hanoin ita katak ense fali kusi ne’ebé mamuk ho fiar no esperansa tomak ba Nia, no mos fo hanoin mai ita katak Ninia tempo seidauk to’o nebe ita hein deit Nia.
Wainhira tempu to’o ona Nia bele halo milagre, nune’e ita tenke ho pasensia hodi hein, hametin fiar no haboot esperansa tomak ba Nia. Mai ita hamriik hamutuk fo forsa ba malu, iha solidaridade, fiar metin ba Nia, nakonu ho esperansa hodi hein Ninia milagre sira.
Reflesaun Husi: Irmã Felizarde Santos, OP
0 comments:
Post a Comment