LORON IDA MOS ITA SEI MATE

 

DOMINGO XVI TEMPO BAIBAIN NIAN

                                                   

 

    1a. Leitura: Amos 6.La 4-7

    2a. Leitura: Tim 6 .11 -16.

    Evangelho: Luc. 16 -19-31.

 

    Maluk sarani doben sira, ohin ita tama ona ba Domingo XVI  tempo Commun  fo hanoin mai  ita  atu rona  ba leitura  sira no evangelho Saun Lucas nian ne’ebé koalia kona ba ema rico  ida no  ema kiak ida ho naran Lazaru ne’ebé moras no hasoru hamlaha  boot. Nia hahan sira mak hahan ne’ebé monu hosi meja leten nia hili hodi Han, nia kanek sira la hetan kura hosi ema ida  asu mak lambe hela nia kanek sira.  Ema kiak ne’e  presija tebes  ema  rico ne nia tulun , maibe ema rico ne’e la’o liu husi nia oin hare deit, nia hakribi  ema ne’e. Fim husi istoria Lazaro mate ba kedas lalehan maibe ema riku ne’e mate hasoru terus tan iha nia moris nia goja no haluhan katak loron ida mos nia sei mate.

          Maluk sira esperiencia ida ne’e ita mos hasoru iha ita nia moris lor loron  hakarak buat hotu ba ita nia an rasik deit,  la hanoin maluk sira seluk  ne’ebé presija ita nia tulun. Ita tau  liu importancia ba ema nebe ita gosta hodi ignora ida nebe ita lagosta no halai ses hosi situasaun sira hanesan nee.

    Rikusoyn ita bele iha  maibe  oinsa ita uja rikusoyn ne’ebé ita iha? Saida mak importante liu mak ita iha hahalok diak, iha laran kmaus no laran luak atu fahe ho ema seluk. No tenki hanoin katak se ita riku la’os ita mak diak liu ona hodi la hare ba ita nia maluk sira seluk. Rikusoyn sira ita sei la lori wainhira ita sei fila fali ba Aman Maromak nia uma.

   Mai ita moris tuir Jesus ninia hanorin sira hodi hatudu compaixão ba ita nia maluk sira liu-liu sira sei moris iha susar no terus nia laran, nune’e ita sei hetan premiu iha moris rohan laek nian.

 

Reflesaun Husi:

Irmã Sabina Gonzaga, OP