Fiar importante atu hala'o servisu Maromak nian

 

DOMINGO BA DALA XXVII TEMPU BAIBAIN NIAN

1a. Leitura: Hab. 1:2-3;2:2-4

2a. Leitura: 2Tim.1:6-8,13-14

Evangelho: Lk. 17:5-10

 

    Evangelho ohin ita rona  Jesus hanorin kona fiar no servisu ba Maromak. Iha contexto ida ne’e sai hanesan diálogu entre Jesus ho nia estudante sira no ema hirak nebe tuir nia, kona ba lala’ok no sai oinsa los wainhira ita hola parte hodi sai nu’udar discipulo Jesus nian.

   Jesus hanorin no fo dalan ba nia escolante sira kona ba sala no perdaun. ita hare iha nee Nai Jesus nia hanorin rua mak kait malu ne’ebé nia ofresse ba nia discipulo sira wainhira sira hasa’e lia ba nia hodi husu atu aumenta no haforsa sira nia fiar.     

    Primeiro nia fo hanoin kona ba buat ne’ebé familiar teb-tebes mai ita katak fiar ne’ebé kiik oan ou oituan sei guia ita atu halo buat ne’ebé furak no kmanek. Ho coragen simples ne’ebé Nai Jesus hanorin lori ita atu buka ita nia fatin hodi hamrik metin atu haburas ita nia fiar iha nia aman nia domin.

     Segundu Nia halo ita atu hatene tuir kona ba planu Nia Aman ninian ba ita nee saida no saida mak ita atu halo.  Ho ida nee nia escolante sira hatene hela sira an katak sira nee atan ba planu Maromak ninian.

     Maske Maromak halo buat diak no furak oi oin liu husi ita ho fiar ne’ebé hanesan mostarda musan, maibe buat hirak nee ita halo, laos buka para hodi ita nia maluk seluk hare hodi sura no aprecia ita nia servico. maibe buat hirak nee ita halo hodi participa iha planu Maromak nian nuudar graça ida ba ita, katak laiha mak liu no laiha mak menus.

    Wainhira graça ne’ebe ita iha, hodi uza atu coopera ho Maromak liu husi servisu ne’ebé ita halo, laiha mak liu ita nia obrigasaun  Moromak hanesan fiar nain ida. Maibe ita nia fiar halo ita no lori ita atu fiar katak, saida maka ita oferese iha serviso Maromak nian nu’udar nia atan bele halo no produz barak liu tan.  

Reflesaun Husi:Irmã Cacilda de Fatima, OP