DOMINGO XXII TEMPU BAIBAIN NIAN
1a. Leitura: Sab.9,13-19
2a. Leitura: Flp. 9b-10,12-17
Evanjelho: Lc. 14, 25-34
PRIMEIRA LEITURA Sab.9,13-19 : fo hanoin mai ita katak ; Ita ema nia kapasidade la to’o no atu hatene klean kona ba Maromak nia hakarak no Ninia hanoin.
SEGUNDA LEITURA Flp.9b-10,12-17 : St.Paulo Fo hanoin mai ita katak : Ita ema labele halo buat ida se la tulun husi Maromak significa katak ; saida deit mak ita halo iha moris ne’e tamba ita hetan kbiit husi Maromak no Nia sempre fo forsa ita hodi halao knaar ne’ebe nia haraik mai ita ida-idak.
Iha evangelho Lc. 14, 25-34 Haktuir mai ita “ Se mak hakarak tuir ha’u lori nia kruz” ohin Jesus konvida ita ida-idak atu hare fila fali ba ita an rasik oinsa ita halao moris ne’e katak ita haksolok ho moris ne’e ou ita la satisfeito moris ne’e ; significa katak dalaruma ita hasoru problema ita hakarak halai ses (escapa husi realidade).
Moris ne’e Grasa ida nebe Maromak fo ba ita ema ida-idak maibe tan ita ema fraku, la forsa, laiha kbiit atu hasoru realidade moris nian tan ne’e ita dehan todan tebes halao moris ne’e.
Tan ne’e Jesus encoraza ita hotu atu prontu lori ita nia kruz hodi lao tuir nia. Atu lao tuir Jesus ne’e la fasil ( ita sei hasoru dezafio, problemas oi oin deit) maibe se ita iha fiar metin ba Nia maski o hasoru anin boot, laloran bo’ot, tentasaun saida deit o sei metin nafatin hodi hasoru ho haksolok tamba Jesus sempre iha ba ita, Nia sei fo ita kbiit no forsa hodi bele hasoru situasaun hirak ne’e.
Mai ita hotu lori ita ida-ida nia kruz hodi lao tuir Jesus no Nia sei halo kmaan naha nebe todan iha ita nia kabas signifika wainhira ita fiel ba Maromak nia bolu Nia sempre iha ba ita iha momento saida deit. Loron ba loron koko tau nafatin fiar iha Jesus no moris tuir nafatin Maromak nia liafuan no sai sasin kristu nian ba ita nia maluk sira no haksolok hodi lao tuir Nia no continua praclama Maromak nia diak ba ema hotu.
Reflesaun Husi: Irmã Alda Baptista de Carvalho Soares, OP
0 comments:
Post a Comment