BUKA ULUK MAROMAK NIA PREZENSA

 

 

DOMINGO XVI TEMPU COMMUM

1a. Leitura: Gen. 18:1-10A

2a.  ^{Leitura: Col. 1:24-28}  

EVANGELHO:  Lc. 10:38-42 

 

Iha primeira leitura, ita rona narrativa ida ne'ebé maka'as no hahú ho Abraão hatudu laran-di'ak ba ema na'in tolu ne'ebé mai vizita Maromak nia povu. Eskritura ne’e kolia kona ba fiar, kona ba Abraão no Sara nia promesa, no kona ba importánsia atu simu ema seluk, hodi hatudu katak Maromak iha ita-nia moris.

Mensajen sira ne’e konvida ita atu hanoin kona-ba ita-nia moris rasik kona-ba hatudu laran-di'ak, fiar, no nakloke ba Maromak ho ita nia hasoru malu. Ita sei hanoin kona-ba oinsá mak ita bele hatán ba ema seluk nia presiza no oinsá mak ita tau fiar ba Maromak nia promesa sira, maski sira haree katak sira la bele komprende. Ikus mai, eskritura sira-ne'e fó laran-manas mai ita atu simu bénsaun ne'ebé ita sei hetan tanba ita hatudu laran-di'ak no laran-metin ba Na’i.

Iha Segundo leitura fo liamenon mai ita, katak San Paulo sei la hetan susar o hetan laran-sadi'a ka salva nia, maibé nia mós la fó kmaan ba ninia terus sira ne'ebé Jesus rasik hasoru. Maibé, Paulo haree katak nia hetan terus hanesan nia halo tuir Kristu nia ilas. Ita mós bele haree ita-nia susar no susar sira nu'udar dalan ida atu halo ita sai hanesan Jesus, tanba ita hakarak "halo tuir ninia Oan-Mane nia ilas" (Rom. 8:29). To'o ita hamutuk ho Kristu iha glória, ita mós sei hetan terus balu hanesan Jesus Kristu.

Mai ita haree eskritura ne'e no haree saida mak ita bele hetan iha Evangelho Saun Lucas. Ulukliu, ita haree katak Marta simu Jesus iha ninia uma. Enkuadramentu ba istória ne'e mak hospitalidade. Ita bele haree mos lisaun primeiru, iha fatin ne'ebé Abraao simu ema nain-tolu ne'e, katak la'ós de'it feto sira-nia serbisu. Abraao fó hahán no hemu di'ak liu ba ninia konvidadu nain-tolu. Ema ne'ebé la'o-rai mak anju sira. Tradisaun bainhira ita simu ema estranjeiru ne'ebé tama iha ita-nia uma, karik ita "ko'alia kona-ba anju sira ne'ebé la hatene" hanesan Abraao.

Iha istória ne'e, Jesus to'o iha suku ida no ema simu nia iha Marta nia uma. Bainhira Marta haka'as an atu prepara no serbí, ninia alin-feto Maria tu’ur iha Jesus nia ain hodi rona ba Jesus nia hanorin. Sira nain-rua ne'ebé la hanesan mós halo planu atu buka-hatene didi'ak kona-ba Jesus nia signifika.

Iha istoria ne’e fo hanoin ba ita katak ita presiza hatene didiak saida mak importante no saida mak urjente. Dala barak ita la konsiente ba buat ne’ebé mak  importante mai ita, dalaruma ita focus liu ba halo buat ne’ebé mak urgente duke halo buat ne’ebé mak importante. 

Nune’e ita husu Na’I Nia grasa atu ita bele hatene didiak saida mak importante no saida mak urjente iha ita-nia moris?

 

Reflesaun Husi: Irmã Bernadetha Abuk, OP

 

 

 

 

 Foto: Husi internet.

 

 

Kontinua Le'e

Se Mak Hau Nia Maluk?

                                                   

                                               Domingo XV Tempu Baibain

1a. Leitura : Dt. 30: 10-14

2a.  Leitura : Col. 1: 15-20

Evangelho: Lk.: 10: 25-37

  

Iha moris ne’e, hau recunhese ema hotu hau hasoru hanesan hau nia maluk ou hau hili deit ema balun mak sai hau nia maluk? Loron ida sei ita hotu realiza katak humanidade tomak no ema hotu mai ita nia maluk, moris ne’e sei diak no furak liu tan.

Iha Ai-knanoik kona ba Samaritanu di'ak. Jesus Kristo dezafia ita atu habelar no  fo signifika kona-ba  ita nia maluk no atua ho mizerikórdia no kompaixaun, liu-liu ba sira ne’ebé terus, hamlaha, falta domin ba malu. Maski hatene kona-ba lei, nia fó hanoin katak domin loloos espresa liu hosi asaun, la'ós de'it liafuan .Ai-knanoink  ida-ne'e, ita hare ba Nai Maromak nia  domin  no ukun-fuan sira,  atu  ita aprende moris tuir liu husi hahalok, laran-di'ak, mizerikórdia, no hatene perdua.

Saun Paulo ko’alia kona-ba Jesus Kristu nu’udar Maromak invizível nia ilas, liu husi Nia kria buat hotu. Mensajen ida-ne'e subliña ligasaun kle'an ne'ebé ita fahe hoJesus Kristu; Nia mak centro ba ita-nia moris no ba kriasaun hotu. Ita-nia komprensaun kona-ba domin no kompaixaun tenke metin no suli  husi relasaun ho Maromak ne'ebé hatudu Nia  domin ba ita no too nia saran an ba mate iha cruz ba atu salva  ita  hotu.

     Profeta Moisés iha primeria leitura ko’alia ba nia  povu, hodi  fo garante katak Maromak nia ukun-fuan sira la’ós dook husi ita. Mensajen ida nee fo importansia atu hela ho Maromak liu husi nia liafuan  no asaun concreto ita halo iha moris ne’e. Profeta Moises fo hanoin mai ita oinsa atu bele hatene se mak ita nia maluk liu husi hakbesik an ba Maromak.  Tanba nee, ita tenke buka Nia  iha Nia liafuan sira  no  husu Espiritu Santu atu fo naroman  ba ita nia hanoin sira atu hatene recunhese ita nia maluk sira. 

   Experensia sai maluk la’os deit ema ne’ebé loron kalan han hemu hamutuk, lao hamutuk, maibe ba ema hotu liu-liu ema hirak ne’ebé ema  hatene fo tulun malu iha tempu susar nia laran. Maluk lolos mak sira ne’ebé maske situsaun  saida sira prontu nafatin hamutuk ho ita. Basá Jesus Kristo dehan: hau nia belun mak ema sira ne’ebé wainhira Hau hamlaha fo han Hau, Hau hamrok fo bee Hau, Hau hena la iha fo hatais Hau. Atu dehan katak ida ne’ebé sai hau nia maluk mak ema sira ne’ebé hola parte iha hau nia moris durante hau iha susar laran.

Mai ita continua habelar mensagen esperensa nian ba ita nia maluk sira hotu katak: Nai Maromak laran diak no laran kmaus tebes! Hau moris tuir estilo moris ida ne’e ka lae?Ita harohan atu ita bele loke ita nia matan no ita nia fuan hodi simu ema hotu hanesan ita nia maluk tan ita hotu mesak maun, bin, alin iha Kristu.

      Reflesaun  husi: Irmã Maria Goreti de  Almeida. O.P.  

Kontinua Le'e