Nai perdua hau ba!

 

DOMINGO BAIN BAIN BA DALA XXX

1ª. Leitura: Sir.35,15b-17.20-22a

2ª. Leitura: Tim.4:6-8,16-18

Evanjelho: Lukas.18:9-14

Belun doben sira;

     Maromak nia liafuan moris no aktivu nafatin, kroat liu fali samorai nia penetra kedas ita nia fuan no laran basá Maromak nia liafuan mak liafuan moris; Liu husi mensajem  ba loron domingu nian ohin ita rona husi livro Ben – sirá deklara katak Maromak nee impartial ba orasaun ema mukit nian ne’ebé iha dalan hodi dada  Maromak nia atensaun no karta saun  Paulo nia deklara katak nia luta nafatin hodi hasoru. Tan nee ho mensajem nebe fo sentidu klean ba ita nia moris nudar sarani hafanu nafatin ita an atu hader hodi lao no kolabora hamutuk ho Maromak basá liu husi Nia deit  mak ita bele sadere an ho atitude  haraik – an hodi konfia deit ba Maromak nia kbiit. Nuneé mai ita reflete klean hodi hare atitude husi farizeu no publikanu.

    Ema farizeu no publikanu mak grupo rua ne’ebé diferensa boot hanesan lalehan no rai. Ema farizeu mak sira nebe iha templu no iha sosiedade judeu sira leet fo respeitu tebes, sira hanesan ema santu tamba halo tuir lei no dever relijiaun nian. Publikanu fali mak ida ne’ebé judeu sira la gosta liu iha sosiedade leet tamba dehan sira nee mak liman ain (atan) governu romanu sira nian.

Matan mundu nian fihir  husi status sosial, kareira  ka pozisaun deit maibe Maromak nia matan hili husi ita neon; se mak nia, pojisaun saida laos prioridade iha Maromak nia matan ita hotu hanesan nudar ema sala nain no presisa konversaun. Ho hahalok ida neé deit bele rekonhese ita an katak ita ema humana no ita nia dever ho direitu hanesan hotu iha Maromak nia matan basá  Maromak  hakarak hili husi ita nia integridade no ita nia lealdade.

      Belun doben sira… mai ita hotu hanoin klean ho matan fiar nian husi ezemplo fariseu no publikanu hodi halo koresaun  ba ita an rasik katak: hau nia motivasaun atu ajuda ka atu halo diak ruma  los ka lae? Se karik konsensia dehan seidauk entau ladauk tarde  atu transfroma hodi halo ita nia motivasaun tais momos atu iha mudansa ba ita nia moris basá Maromak konhese didiak ita fuan. Maromak mos koko hela ita nia motivasaun wanhira ita harohan ba Nia nunee mai ita hakbesik ba Nia pessoalmente ho fuan mos no laran diak atu simu buat nebe mak tuir deit Maromak nia planu

Maromak nia domin boot tebes!

Perdua hau Nai...!

Reflesaun Husi: Irmã Lucia Francisca do Carmo, OP

 

 

Kontinua Le'e

Maromak nia justisa soi ba ema hotu, ema nia justisa soi deit ba kbiit laek sira.

 

Domingu XXIX Tempu Baibain Nian

 

1ª.  Leitura Ex17:8-13

2ª.  Leitura 2 Tim3:14-4:2

Evanjelhu  : Lukas 18:1-8

 

 

         Maromak nia justisa soi ou vale ba ema hotu no la hare ba faluk ou riku tanba maromak hakarak liberta ema sai husi descriminasaun mundu nian ou poder mundo nian. Tanba Maromak nia laran diak ne’e la sukat ho justisa maibe hare duni katak ema ne’e nia povu ou povo de Deus ( Maromak nia povo). Ohin loron ema la pratika ona Maromak nia hanorin sira no ema rasik kria sira nia idea konstrutivo ida ho sira nia poder rasik hodi hanehan ema seluk ho sira nia poder. Entaun ita hare katak justisa ne’e vale ba ema kiik sira ou kbi’it laek sira no ba ema bo’ot sira justisa la iha ida ne’e mak mundu ohin loron pratika.

          Evanjelhu domingo ida ne’e mos apresenta mai ita kona ba juiz a’at, ne’ebémtesi lia la tuir Maromak nia hakarak. Sira rasik la tauk Maromak no la respeito ema seluk. Husi evangellu ne’e mos hanorin ita atu matan moris neon nain,tanba ema ohin loron mos kuando tesi lia ba ema seluk hare ba raas ou kor,se ne’e hau nia familia nia mak sala maibe nia los ema seluk mak sala maske ema ne’e loos tanba hare ba familia nia tenki loos.

     Ezemplu, se o iha osan o sala maibe o los maibe o los maibe o kuando la iha osan o sala. Kompara ho mundo ohin loron mos poder no osan mak bele halo hotu-hotu no la hare ona ba Maromak nia liafuan ne’ebé dehan,hare ema hotu hanesan ita nia amigo no Maromak rasik nia imagem.

     Se ita hare ba justisa ohin loron karik kiik sira mak sala tama kadeia, no boot sira mak sala justisa invalido. Kompara ho matenek nain balun dehan politika ne’e hanesan, elefante ho susuk, justisa ka lei ne’e hanesan labadaen,elefante liu labadaen kotu no susuk liu labadaen kaer metin susuk. Hare ba Maromak nia justisa ema hotu hanesan deit iha nia futar matan la iha ki’ik no bo’ot ema hotu hetan justisa ne’ebe hanesan.

         Evanjelhu loron ohin nian halo ita atu hare  ba ita ida-idak nia an katak se ita nu’udar kristaun keta haterus malu tanba justisa maibe husik ita hotu asesu ba justisa. Tanba ne’e, maske ita ema la perfeitu ne’ebe ita nia necesidade ka presija la hanesan maibe ita konsidera malu hanesan Maromak nia imagem santa. Husi ne’e, atu dehan deit katak justisa no poder ne’e buat mundu nian,no laran luak no domin ne’e mak buat lalehan nian. ita koko halo diak ba malu hanesan Maromak la diak. Rikusoin no poder ular no ferujen sei han maibe kuando laran luak no domin sei hela ba nafatin. Halo diak ba malu mak ita soin iha maromak nia futar oin no ema hotu nia oin. Halakon injustisa no odio kuda fini paciensia mak perdaun ita ema nian no ema laran diak nia kbiit hela iha ita. Amor hommini vicit, domin no paciensia mak manan buat hotu no dalan ba lalehan.  Amen.  

 

Reflesaun Husi: Irmã Ma. Goreti de Almeida, OP

 

 

 

Kontinua Le'e

NIA FILA KEDAS HODI HAHÍ MAKA’AS MAROMAK

 

DOMINGO BA DALA XXVIII TEMPU BAIBAIN  NIAN

Primeira Leitura : 2 Rs. 5, 14-17

Segunda Leitura : 2 Tim. 2, 8-13

Evangelho : Lc. 17, 11-19

 

 

              Ohin ita tama ona ba domingo vigesima oitava tempo comum nian. Iha leitura sira ohin loron nian fo hanoin fali mai ita kona ba fiar no gratidão.

                Iha Jesus nia tempo no iha ita nia tempo ohin loron mos hanesan, leproso sira ema hakribi tamba ema konsidera sira ema foer. Nune mak iha evangelho ohin nian, leproso sira bolu Jesus atu sadia sira ho nune mak lao tuir dalan sira hetan fali isin diak maibe sira nain sanulu be hetan isin diak so iha ida deit mak fila fali ba Jesus hodi agradese ba grasa isin diak nian, no nia ema samaritano ida.

              “Ó nia fiar mak soi ó” Jesus dehan ba Samaritano nebe hetan kura. Ida ne’e laos foin primeiro Jesus tenik kona ba fiar nia forsa maibe dalawain ona iha evangelho tamba fiar mak necesario ba milagre ne’ebé akontese.

                As vezes, wainhira ita iha situasaun nebe diak no hakmatek ita sai haluha dor, ita haluha atu agradese ba Maromak ba grasa nebe ita simu barak ou itoan. Ida ne’e mak akontese ba leproso nain sia.

               Ita hare katak entre leproso nain sanulu ne so iha ida deit mak fila fali ba Jesus hodi hato nia sentimento gratidão nian. Ksolok hetan kura husi Nai bok mos samaritano ne’e nia a’an hodi hahi no fo gloria ba Nai ho lian makas. Furak tebes atu hare ema nebe mak la tauk atu hahi Maromak no proklama Maromak nia diak tomak be halo iha nia moris.  

                    Hanesan leproso nain sanulu, ita mos dala barak hetan kura no hetan bensaun oioin iha moris lorloron maibe ita balu deit mak hatene agradese no fo sentido gratidão nian ba diak tomak nebe mak Nai halo mai ita. Espera Nai nia liafuan ohin loron nian bok ita hotu nia fuan hodi iha laran luak hanesan Jesus no fiar metin no agradese hanesan leproso Samaritano nian ne’e.

 

           Reflesaun Husi: Irmã Rosita Carvalho da Costa, OP

 

 

 

Kontinua Le'e

Fiar importante atu hala'o servisu Maromak nian

 

DOMINGO BA DALA XXVII TEMPU BAIBAIN NIAN

1a. Leitura: Hab. 1:2-3;2:2-4

2a. Leitura: 2Tim.1:6-8,13-14

Evangelho: Lk. 17:5-10

 

    Evangelho ohin ita rona  Jesus hanorin kona fiar no servisu ba Maromak. Iha contexto ida ne’e sai hanesan diálogu entre Jesus ho nia estudante sira no ema hirak nebe tuir nia, kona ba lala’ok no sai oinsa los wainhira ita hola parte hodi sai nu’udar discipulo Jesus nian.

   Jesus hanorin no fo dalan ba nia escolante sira kona ba sala no perdaun. ita hare iha nee Nai Jesus nia hanorin rua mak kait malu ne’ebé nia ofresse ba nia discipulo sira wainhira sira hasa’e lia ba nia hodi husu atu aumenta no haforsa sira nia fiar.     

    Primeiro nia fo hanoin kona ba buat ne’ebé familiar teb-tebes mai ita katak fiar ne’ebé kiik oan ou oituan sei guia ita atu halo buat ne’ebé furak no kmanek. Ho coragen simples ne’ebé Nai Jesus hanorin lori ita atu buka ita nia fatin hodi hamrik metin atu haburas ita nia fiar iha nia aman nia domin.

     Segundu Nia halo ita atu hatene tuir kona ba planu Nia Aman ninian ba ita nee saida no saida mak ita atu halo.  Ho ida nee nia escolante sira hatene hela sira an katak sira nee atan ba planu Maromak ninian.

     Maske Maromak halo buat diak no furak oi oin liu husi ita ho fiar ne’ebé hanesan mostarda musan, maibe buat hirak nee ita halo, laos buka para hodi ita nia maluk seluk hare hodi sura no aprecia ita nia servico. maibe buat hirak nee ita halo hodi participa iha planu Maromak nian nuudar graça ida ba ita, katak laiha mak liu no laiha mak menus.

    Wainhira graça ne’ebe ita iha, hodi uza atu coopera ho Maromak liu husi servisu ne’ebé ita halo, laiha mak liu ita nia obrigasaun  Moromak hanesan fiar nain ida. Maibe ita nia fiar halo ita no lori ita atu fiar katak, saida maka ita oferese iha serviso Maromak nian nu’udar nia atan bele halo no produz barak liu tan.  

Reflesaun Husi:Irmã Cacilda de Fatima, OP

 

Kontinua Le'e