Haburas fini vokasaun Missionaria.

                                                            Irma Berta S. Moniz

  

    Hanesan missionaria ida tenki  prontu atu hala’o Maromak nia missaun, prontu atu husik buat hotu, pronto atu sai ba fatin ida nebe Maromak determina no prepara ona ba ita ida idak hodi servi Nia hanesan haktuir ona  iha sagada escritura katak “husik buat hotu no ba fatin ida nebe hau sei hutudu  ba o. ’’(Gen.12:1-2).

    Atu sai misionaria atu husik hau nia rain, husik hau nia familia la'os facil no  hasoru desafíos oi-oin. Dala ruma ita triste, hetan susar, no sentí  tauk maibe sei la sai impedimento ba dalan missionaria ida tan iha ita nia fuan laran ita sentí  haksolok lolos tan  fahe ita nia moris ho ema seluk liu-liu ba sra nebe iha cultura la hanesan ita nain. 

    Aprende husi ami nia fundadora Beata  Madre Ascension  wainhira nia decide atu sai  missionaria,  nia iha ona espritu nebe forti nakonu ho domin atu habelar ninia fiar iha Maromak liu husi ema seluk liu liu ba ema hirak nebe mak kbiit laek, kiak sira, moras sra no seluk tan.

   Iha  Madre Ascension nia moris maski nia hasoru difilculdade barak maibe nia la  lakon  nia fiar iha Maromak, nia continua hametin ninia esperensia pessoal ho Maromak  iha contemplasaun, orasaun, reza, no iha  Eucaristia, nune’e nia bele serbi diak liu tan. Liu-liu nia fo ksolok ba sira nebe moris hamutuk ho Nia, Nia hakarak sira senti husi Nia Maromak ninia domin no laran kmaus. 

   Hau agradese  ba Madre Ascension nebe sai hau nia modelo atu haburas hau nia vokasaun missionaria. Ninia  moris nebe nakonu ho domin no nia inspirasaun  sai nudar fini ida nebe kuda hela atu ita continua cuidado no haburas nafatin. 

    Ho ninia sasin  nebe hau aprende husi nia,  hau sei continua rega no tau matan  ba  fini ida ne'e atu  bele sai buras liu  hodi fo fuan tebar nune'e bele fahe mos ba ema seluk. Valor diak nebe aprende husi nia bele fahe ba ema sira nebe hau serbisu hamutuk ho sira nune'e sira mos bele hetan inspirasaun no aprende hametin sira nia fiar iha Na'i Maromak nebe husi Nia ita hetan moris hakmatek no haksolok. 

Kontinua Le'e

"MOTHER ASCENSION NICOL"

By:  Sister Alzira F. Dos Reis, OP

A missionary who was called to serve God without borders.
Illuminating the life of night stars.
For lack of dignified life, for oppression and poverty.
For the dominion of man, the Woman is less appreciated and respected.

A Missionary of the villages, towns and hamlets,
She opens new centers of hospitals and school
To cure those who suffer from pain and misery.
To educate children in science, virtue and action.

With faith, kindness and hard work will create a new earth and bear new fruits.
There may flourish joy and new hope.

Mother Ascension, tireless missionary, founder of the work together with Monsignor Zubieta.
The two marked the route with faith, sacrifice, tenderness, patience, and humility.
Waiting for the call of future young Missionaries.

They were crowned by far; the harvest was abundant
celebrated one hundred years of gratitude
One hundred years of a full life!
The Lord the sower will give his light and his strength.
So that there will be more missionary wealth.

Kontinua Le'e

“Sai Missionaria katak sai ema lao rai ida”

“Keta taʼuk, tanba haʼu hamutuk ho ó.  Keta laran-taridu, tanba haʼu mak ó-nia Maromak.

Haʼu sei hametin ó, sin, haʼu sei ajuda ó” (Isaias 41:10).

        Molok atu fahe oituan hau nia experencia Misaun ninian iha Taiwan, uluk nanain hau hakarak agradece tebes ba Maromak tamba Nia bele hili hau ema folin laek ida husi ema rihun ba rihun nia leet no haruka hau ba no haklaken nia domin ba Nia emar sira.

Hau mos agradece ba hau nia madre sira hotu nebee durante nee forma hau desde Aspirante iha Timor mai to ohin loron atu sai ema Misionaria ida.

Wainhira hau sei labarik hau iha ona mehi atu sai madre maibe laos atu sai Missionaria. Tamba hau nia mehi ne hakarak sai madre hodi ba serbi hau maluk sira iha hau nia knua rasik.  Nunka mais que iha mehi atu husik hau rai doben Timor hodi mai iha ema rain.

Los duni katak dalabarak buat nebee ita hakarak ne laos Maromak nia hakarak .

Maromak nia hakarak nee misterio tebes mai ita, no ita rasik labele hatene Maromak nia hakarak mai ita nee sa los? Ita so bele hatene deit katak depois de ita halao tiha plano hotu nebe ita iha mak ita mos foin realiza katak nee mak Maromak nia plano.

       Sai Missionaria katak sai ema lao rai ida; Nudar missionaria ita pronto atu sai husi ita nia fatin nebe ita prefere liu atu lao ba fatin nebee deit mak ita nia congregação estabeleça ona. No pronto ba fatin nebee deit ita laiha maluk. Agradece ba ita nia Exemplar nain rua Mons Ramon ho Madre Ascension nebee experiencia uluk ona moris ne hodi cria hela fini diak nee e ikus mai ita hotu mai koko no lao tuir.

Iha dalan misionaria ida nee, ita mos precisa fo an tomak hodi adapta ba moris no cultura ou costume saida deit mak nasaun ida idak iha ba.

Iha dalan Misionaria nian,  ita mos sei experiencia ksolok no susar, hamnasa no tanis, forsa no fraku etc. Maibe labele desanima tamba experiência sira nee hotu naturalmente ba ema hotu nia moris, no iha dalan saida deit mak ita hili ita mos sei experiencia sentimento hirak nee.

Importante liu mak ita tenki fiar iha Maromak nia tulun.  Maromak nebee bolu ita sempre lao hamutuk ho ita hodi fo kbiit no forsa mai ita. Tan Nia rasik dehan: “Keta taʼuk, tanba haʼu hamutuk ho ó.  Keta laran-taridu, tanba haʼu mak ó-nia Maromak. Haʼu sei hametin ó, sin, haʼu sei ajuda ó”.  Nunee ita labele tauk atu koko no descobre ksolok nebee Maromak prepara hela ba ita liu husi dalan misionaria ida nee.

      Experience nebee haklean liu hau nia fiar no haburas liu hau nia vocasaun mak wainhira depois de primera votus iha Macao iha tinan 2016 ， madre provincial Asunta Fang ho ninia conselho sira decide hodi haruka hau ho companheiras nain 6 hodi mai halao missão foun iha Taiwan (Formosa). Nakonu ho confiansa hau hatan sim ba convite nee maski ho fuan tauk.

Too tiha iha Taiwan,  Madre sira fo ami oportunidade atu estuda língua Chinesa nian durante tinan 2 nia laran.

Depois de aprende tiha lingua, madre sira haruka ami ba hela iha comunidade keta-ketak hodi halao apostolado. Wanjin, Ascencion Nicol Community, mak comunidade nebe hau hela ba. Agradece Maromak tamba comunidade nebee hau hela ba localiza los iha aldeia ida nebee que dok uituan husi cidade. No fatin nee iha mos Igreja historico nian ida, nudar Basilica kiik ida iha Taiwan. Como que iha sociedade ida nee mayoria Catolica, nunee padre no madre sira nia missao boot tebes e sarani sira hotu nia contribuisaun ba igreja no unidade forte tebes.

Hau haksolok tebes ho oportunidade ida nee;  maibe hau mos sente tauk tamba ema hotu iha expectasaun boot tebes mai ami atu fahe buat barak ho sira.

Liu tiha fulan hirak iha comunidade nee, madre provincial haruka ami ida idak atu participa iha actividades ou programa Igreja nian. No ami mos ajuda iha servico pastoral hanesan visita familia sira;  liliu ba sira be ferik e katuas no mos sira be moras. No lori comunga ba avo katuas ou ferik sira nebee mak saude la saudavel. Ami mos participa iha reza ba familia sira nia uma semana ida dala ida no seluk tan. Ami nia presensa halo sarani sira  aprecia tebes  maski ho ami nia fraqueza barak nebee mak ami iha.Nudar ema strangeiro ida iha fatin nee,  buat barak tebes mak ami presisa atu adapta ba. Dificuldade bot liu mai ami mak lingua nebee. Tamba ami aprende Mandarin mas iha fatin ida nee ema hotu koalia lian Taiwanese rasik nebee que diferente tebes ho lian Mandarin. 

     Atu haklean liu tan experiencia ida nee,  ikus mai madre provincial haruka hau ba halao pastoral iha foho, ba hamutuk ho ema aboriginal sira. Ho fiar iha Maromak nia grasa, hau mos aceita ho madre nia sugestão ida nee, e  ikus mai hau consegue ba no experiencia ksolok nee hamutuk ho ema rai nain sira. No iha neba,  hau sai hanesan voluntário atu acompanha avo katuas ho ferik sira iha centro ida, nebee mak governo estabiliza. Hau sente oportunidade ida nee sai hanesan evento boot ida mai hau nia moris. No hau sente haksolok tebes fahe hau nia moris ho maluk hirak nee. Sira nia simplicidade no hospitalidade halo hau fasil liu  atu adapta ho sira. Sira nia domin halo hau sente hanesan sira hau nia familia rasik. Iha fatin aboriginal ne mos hau descobre katak ita iha cultura nebee atu hanesan. Liliu ita iha rasa nebee hanesan nunee fasil liu atu toman malu. Claro que hau mos hasoru desafius barak, liliu wainhira hau hamrik iha sira nia oin atu fahe experencia ruma. Hau nia lingua sei limite tebes maski aprende ona lingua iha tinan rua nia laran. Maibe agradece Maromak,  ba ema sira nia laran luak no domin hodi ajuda no suporta hau wainhira hau sente tauk no lakon confiansa. Sira fo coragem mai hau,  wainhira hau hamriik iha sira nia oin hodi fahe hau nia experencia fiar nian ho sira. Nudar madre ida iha sira nia leet, sira nia considerasaun boot tebes maski iha buat barak mak hau sei kuran.

Hau sente katak experencia hirak nee hotu ajuda tebes hau iha hau nia formasaun nudar juniora e liliu halo hau realiza liu tan moris nudar misionaria nee nia significa nebe que bot tebes duni.

Experiencia hirak ne’e mos haboot hau nia fiar iha Maromak no liliu haklean hau nia relasaun nebee intima ho Nia. Hau mos aprende buat barak iha hau nia Apostolado hirak nee, e liliu iha comunidade nebee mak hau hela ba. Agradece ba hau nia madre sira nia domin no suporta nebe halo hau forte hodi continua dalan sagrado ida nee. Maromak nia domin nee boot tebes duni mai hau,  liliu iha ema hirak nebee mak hau hasoru loron loron halo hau realiza domin nee. 

Ho fiar katak hau nia presensa hamutuk ho maluk hirak nee,  bele mos hafanun sira iha sira nia fiar no halo sira realiza Maromak nia domin iha sira nia moris. 

Kontinua Le'e

MISAUN ROMAN NIA FUTURU

Husi:

Ir. Alzira Dos Reis O.P

Hanesan tempu lao liu

Rai nakaran destinu nia hakmatek

Lahatene los diresaun iha ne'ebe

Laiha opsaun atu dehan lae!

Nafatin hamrik hodi lao

 Husi Ora's ba Loron Semana ba fulan

Tinan nia rohan haketak ita husi mehi

Kolen laiha impede vontade Ho lian halerik maibe lao ba nafatin

 Hau belun sira kaer metin ita nia abut

Ba lia menon husi ita nia Irmã sira

Tan buat nebe sira fahe mai ita mak sei fo fuan barak ba ema hotu

Husi o mak  ami nia mahon

Oras ne'e bele fo adeus Ida

Oras mos sempre fo bem vindo Iha misaun foun, husi mahon Congregasaun nian.

Kontinua Le'e

Vokasaun

Kontinua Le'e

“The Word Became Flesh and Made His Dwelling among Us”

“The Word Became Flesh and Made His Dwelling among Us”  

     Now that the Liturgical season of the Christmas is upon us. I wonder why God chose to save us by becoming Man. Celebrating the Christmas in the Philippines has given us the real essence of Incarnation, where we are together with our Formators, live a simple life through offering Christmas gift of presence and love to one another. I think the real meaning of Christmas is presence, as Christ is present among us is what exactly Incarnation means. Why God became like you and me.

      The word incarnation means “embodiment of God in the person of Christ.” From the Latin word, “incarnationem” w means “act of being made flesh” used by Church writers especially in reference to God in Christ.  It is necessary to know, to understand and be convinced that Jesus Christ became man to remind us that we are the beloved sons and daughters of God. In fact, the Incarnation means for us personally, that God became who we are. He became a human person like you and me to heal our wounded souls because as human beings, we have strengths and fragilities. Acknowledging our imperfections, weaknesses, and inconstant creatures; which bounded so much with limitations of time and space God chose to be like us. Therefore, the Son of God becoming Man is a special gift of love and generosity that God has for us. “The Word became flesh is to save and reconcile us with God who ‘loved us and sent his Son to be the expiation for our sins. “The Father has sent his Son as the Savior of the world, and he was revealed to take away sins” (CCC 457).

         Who is God who became human? God is the fullness of all being and perfection. He is eternal, all-powerful, all-good and loving. He is also our creator, our first beginning and our last end. When Jesus Christ took on the flesh in the womb of the Blessed Virgin Mary, human nature was changed. Since Christ united himself with humanity he raised up our dignity to a whole new level.

      Being a missionary, we are living like Christ among the poor. We do not distinguishing ourselves among them, because in them we see the incarnate God. We continue his mission on bringing people to God. Christ came down to be human, he builds a new unity between God and man and this is the act of God’s mercy. Fr. Ramon Zubieta our great founder an authentic disciple of Christ, being poor in the spirit in order to save the women and children in the Peruvian jungle. That is the true missionary is, living among the natives where they need us most. Forgetting oneself is to give life to others. The incarnation is not happening only in the past it continues in you and me.

                                                           By: Rosaria Aurea Ximenes

Kontinua Le'e

Prepara dalan ba Nia

Prepara Dalan ba Nia

     

                    Tempu advento mos tempu ida atu prepara dalan ba Na’i.

     Moris ne’e hanesan dalan ida. Dalan ida nebe ema hotu liu. Liu husi dalan ida ita La’o  husi fatin ida ba fatin seluk. Lor-loron ema barak la’o. Balun la’o ain, balun sa’e kareta, balun sa’e ro, balun sa’e aviaun maibe importante liu antes atu la’o ba fatin ida precisa hatene tansa hau la’o,  hau atu la’o ba nebe ?no  hau nia dalan mak ida nebe’e los? Wainhira ita husu perguntas sira  iha leten, ita iha entusiasmo no hakarak lalais atu  la’o no to’o  ba fatin nebe ita hakarak ba. Atu to’o ho diak antes ita la’o, ita mos precisa prepara an.

     Semana ida ne’e, ita tama iha semana ba dala tolu tempu advento nian,  hamutuk ho saun Jose no Nain feto nebe la’o ba Belem nune’e Jesus bele moris ba. La’o ho haksolok, fo savor ba dalan nebe ita liu atu nune’e ita bele prepara ita nia fuan atu nune’e bele sai Jesus ninia Belen.

    Dalan dook liu no importante nebe ita atu la’o ba mak dalan atu descobre murak mean iha ita nia laran. Buat nebe furak liu it abele hetan iha ita nia fuan, tan iha neba ita descobre Maromak ninia hakarak mai ita ida-idak.

    La’o ba! Ida-idak la’o tuir nia dalan rasik Maibe hanoin nafatin saida mak importante iha dalan  moris nian. Hadomi no tau matan ba familia liu-liu ba inan aman, halo diak ba ema seluk, ajuda ema seluk, haka’as an hatudu domin ba sira nebe halo a’at mai ita no koko nafatin atu sai instrumento Maromak nia domin iha ita le’et. 

Prepara dalan ba Nia, atu husik ita nia fuan sai Jesus ninia Belen, husik Jesus moris iha ita ida-idak nia fuan nune’e ita iha fuan ida nebe hatene agradese, hatene haksolok, hatene cria paz no hatene hadomi lolos hanesan Nia hadomi ita.

By: Sr. FatimaPui

Kontinua Le'e

Tempu atu Troka

                                       

                                              “Tempu atu Troka”

                                       

     

     Buat nebe permanente iha ema nia moris mak troka ou muda. Ema barak gosta troka husi fatin ida ba fatin seluk, balun gosta troka sasan, la kontente ho sasan uitoan deit, ohin hakarak ida, aban hakarak ida seluk, balun troka husi serbisu id aba serbisu ida seluk, iha mos ema balun la kontente ho ema ida deit, hakarak troka mos “partner”. Ohin jura hakarak mate ka moris ho ninia feen ou nia la’en maibe aban hare ema ida diak liu iha mos hakarak atu troka ninia kaben ho ema seluk.

     Ida ne’e mak realidade iha moris ema nian. Maibe iha Segundo domingo de Advento saun Joao Batista iha evanjelho saun Mateus 3:1, katak “TROKA IMI NIA HAHALOK”. 

    Moris iha mundo ne’e ema gosta liu atu halo buat nebe la’os Maromak nia hakarak. Ema gosta halo tuir deit ninia hakarak rasik maibe se ema  bele troka  ninia sasan, balun bele troka husi fatin ida ba fatin seluk, bele troka serbisu no  dala ruma ema balun mos bele  troka mos ninia “partner”, entaun bele dehan katak ema  iha kapacidade atu troka  ninia hahalok.

     Troka hahalok la’os buat nebe facil deit, precisa tempu no esforço maka’as husi ema ida-idak.. Troka  hahalok nebe seidauk diak ba hahalok diak katak ema ida-idak koko  moris tuir hanesan sarani ida nebe Maromak hadomi.

Hau hanesan sarani, hanesan Maromak oan hau simu domin husi Nia, hau iha deber mos atu halo hanesan. Simu domin husi Nia, koko fahe tutan domin ida ne’e. Maromak halo diak mai hau no halo hau haksolok, hau mos koko halo diak no halo hau nia maluk haksolok.  Ho razaun ida ne’e atu troka hahalok nia esforso rasik deit sei susar uitoan nune’e  ema precisa Maromak ninia grasa. 

    Ita tempu prepara an nian, atu simu Jesus iha tempu natal, husik Maromak ninia Espirito hela iha ita nia laran, moris iha ita nia fuan, reflete iha ita nia moris atu nune’e ema seluk bele hare Maromak ninia prezensa liu husi ita. Tan ita mak instrumento ba Maromak nia domin no laran luak.

By: Sr. FatimaPui

Kontinua Le'e

Matan Moris

Matan Moris!

By: Sr. Fatima Pui, OP

 

  Kreda fo tempu ba ita fiar nain sira, tempu especial atu prepara an. Tempu ida ne’e  ita bolu tempu Advento. Liafuan ida nebe ita rona husi liafuan diak iha primeiro domingo tempu advent husi evangelho saun Mateus nian  mak “Matan Moris”.  

    Matan moris!  iha lian ingles katak” stay awake. Matan moris fo hanoin mai hau atu fo valor no aprecia tempu hot-hotu. Tempu horseik liu tiha ona, tempu abanbairua nian seidauk to’o no tempu ohin loron nian iha ninia folin boot, tenki aproveita ho diak. Koko uza tempu ohin loron nian hodi halo buat nebe  iha folin ba ita nia moris.  Tempu ohin loron nian wainhira  liu nia  sei la fila fali mai.

     

     Jesus moris iha rai Belen iha  tinan rihun rua liu ba, Nia moris iha ita le’et, no Nia sei mai fali iha loron ikus. Matan moris halo ita descobre ninia prezensa iha ita nia moris lor-loron atu loron ida sei to’o mai toman ita prepara an nafatin.

     

      Tempu advento fo hanoin fali mai ita atu matan moris hodi prepara an. Prepara an oinsa? Maluk barak prepara an hodi sosa sasan foun ba tempu natal, halo dosi, prepara hahan midar, sosa kareta, hamos uma, balun halo uma foun, halo belen iha uma oin no prepara buat seluk tan maibe la’os deit ida ne’e.

    

    Tempu ida  ne’e precisa  fo tempu ba Jesus, hametin ita nia relasaun ho nia liu husi ita nia orasaun no halo diak ba ema seluk. Gasta ita nia tempu iha tempu ida ne’e atu halo diak no hatudu ita nia domin ba ema seluk atu sira moris bele senti katak Maromak hadomi sira.

    Karik maluk balun hirus malu  familia uma laran no la gosta malu  ho ninia vizinho no  maluk ruma,  tempu ida ne’e koko atu bele buka malu koalia ba malu nune’e bele iha fuan nebe hakmatek haksolok hodi simu Jesus.

   Iha tempu ida ne’e gasta ita nia tempu ba buat nebe esensial no importante iha ita nia moris. La precisa tauk gasta tempu atu halo diak no hadomi ema seluk.

Matan moris nafatin hodi hein Nia mai!Hein ho esperansa, domin, ksolok no hakmatek. 

Kontinua Le'e

Beyond Bounderies

Beyond Boundaries

By: Themar

The characteristics of walls are protection, division, and defense. We may consider “The Great Wall” in China as the best example. A curious person has the tendency to learn new things, an adventurer in other words. Nothing stats from an easy thing! Knowledge cannot be gained by sitting and gazing from where we are. To go beyond our boundaries is to widen our perspectives, concepts, and ideas.

Let me share with you my journey towards unknown lands. On the 15^th of  December 2013, I departed from Myanmar to Macau. I had no idea how to go because it was my first time to fly alone and I am not familiar with Macau. Thank God! I arrived safely on the same day. Here comes a new environment, new faces, and new lifestyles. My first impression was the fraternal relationship that the community has. Sisters and candidates can freely make jokes and share their laughter. As I tried to adjust myself with the new community, I encountered many difficulties because I came with my narrow-minded that prevents my understanding of others. I also discovered many new things and challenges at the same time. Sometimes, shedding my tears without the knowledge of anyone. Despite all those peculiar sufferings, I challenged myself to go on. Gradually, I was able to cope up with my studies and gained friends at the same time. We did enjoy our learnings! We also shared moments of joy and pain, exchanged our cultures, sometimes there were disagreements though. To take it positively, our community in Macau was a wonderful one. We were composed of many nationalities: Viet Nam, Philippines, Myanmar, East-Timor, Hong Kong, Spain, Indonesia and India. It was a very challenging community, but with a positive result.

I am currently in the Philippines, journeying with my companions in the Novitiate. When I think back those years I’ve passed, I am proud of myself that I did it. Journeying alone will not give me any memorable moments because all the joy,  laughter and memories are composed of friends. Out of my own boundaries, I gained more knowledge which helps me to understand my own limitations. I won’t regret the path I have chosen because I trust in the person (Jesus) who has called me to follow him. There will be more challenges to come, but I have my sisters in the community to accompany me and share their fraternal love.

To be religious is to go beyond one’s own boundaries, to see the beauty of reality in another side of the fence. Learn from the uniqueness of others and grow by relating to others, it is difficult though. The formation is a time to know, to feel and to heal because knowing one’s own self is an essential aspect. We all are struggling to reach our goal. I learn to share, to love and to know others. In everything I do, may they be done for the glory of God.

Kontinua Le'e

mission day

 

Novisiadu kontinente Asia nian selebra loron misaun ho aktividades oin - oin atu anima ho ksolok ba maluk sira iha Manila; 

hamutuk ho ita Nai feto Virgem Maria do Rosario nu'udar inan misaun nian, ema ne'ebe sempre hamutuk ho nia Oan lori Maromak ba ema hotu

Kontinua Le'e

INSPIRADOR MISSIONÁRIO

                                                                                                                                                                                                                                                                                                                                                                                                            Inspirador ba Missionário

Monsignor Ramon Zubieta, Fundador das  Irmãs Missionárias Dominicanas do Rosário

Hau mai atu sira hetan moris no bele  hetan moris ba nafatin”( Jn 10:10)

Moris ne’e hanesan prezenti ida husi Nai Maromak. Ita simu gratis deit husi Nia. Ita la hili  atu moris oinsa, no atu moris iha mundo ne liu husi ema ida nebe los. 

Ita nia inan aman mak sai instrumento domin husi Nai Maromak nune’e ita bele koñese mundo ne’e ninia furak.

     Wainhira ita sei labarik ita nia inan aman hakiak, tau matan no hadomi ita to’o ita boot ona  ita iha ona hanoin no  bele ona decide ba ita nia moris rasik no hanoin oinsa atu ita bele hadia ita nia moris diak liu tan.

     Hanesan presenti ida husi Na’I Maromak, Ita presiza tau matan didiak, hadomi no fahe mos prezenti ida ne’e ho ema seluk. Wainhira ema ida fahe nia moris ho ema seluk, nia la lakon buat ida maibe nia sei manan tan sei ema ida fo nia an atu  ajuda ema seluk nia hetan ksolok no hetan sentido moris nian basá  bele hatudu nia an lolos ba ema seluk. Nia bele halo ema seluk haksolok.

     Msgr. Ramon Zubieta iha vokasaun atu sai Na’I Lulik wainhira nia sei kiik. Nia hakarak sai Dominicano no sai Missionário. Nia simu nia knar atu sai missionário iha Filipinas no iha Peru. Nia simu ninia kompromisu ho obediencia to’o nia mate. Obediencia mak guia nia atu hatan ba saida mak Maromak hakarak husi Nia. Nia dehan “Ida ne’e husi Maromak”,” Maromak hakarak ida ne’e” “saida deit mak Maromak hakarak.”Liafuan sira ne’e hatudu ninia obediencia atu sai missionário to’o hakotu nia I’is. (Foti husi Mons. Ramón Zubieta y Les ninia hanoin no hakerek sira, Unit 16, p. 96)

     Dala barak saida mak ita hakarak la’os Maromak nia hakarak maibe Ninia hakarak lori ksolok no paz ba ita nia moris.

   Wainhira atu hatan ba ita nia superior sira uluk nanain ita duvida se ida ne’e Maromak nia hakarak duni ka lae? Maibe ikus mai mosu realizasaun  katak ida ne’e los hela mesmu antes  ita hare hanesan la los.

   Molok atu simu knaar foun  atu mai Filipinas atu tau matan no akompaña novicia sira, hau laran taridu teb-tebes atu husik hau nia rai doben Timor Leste, husik inan aman, maun alin, familia, Irma sira no  belun sira hotu iha neba maibe ohin loron senti haksolok no hakmatek tan bele hasoru ema foun, realidade foun no esperencia foun. Haksolok no hakmatek ida ne’e la’os mosu mai deit. Ita mos presiza haka’as an, tenki kumprende katak hau moris la’os ba hau an rasik deit maibe hau iha missaun atu tau matan mos ba ema seluk.

 Molok atu hetan ksolok ida ne’e mos mosu tauk, duvida, senti abandona, senti mesak maibe buat ruma boot no kapas liu ida ne’e mak hau bele descobre katak moris ne’e PREZENTI furak liu.  Atu moris lor-loron presiza aprende Arte atu moris liuliu aprende buat essential iha moris katak Moris ne’e sagrado no presiza apresia, tau matan atu nune’e bele fahe mos ba ema seluk atu ema seluk bele hetan moris diak liu tan.

     Fahe hau nia moris no esperensia ba novicia sira, hau  aprecia hau nia moris hanesan presente folin boot liu. Halo hau kumprende lolos katak atu sai missionária precisa brani mate ba an no hakarak sira  rasik atu ema seluk bele hetan moris.

Irmã Fatima Pui, OP

                                                                                                                      

Kontinua Le'e